Aop-midden óngerónje veurklinker

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

d'n Aop-midden óngerónje veurklinker of óngerónjen haafaope veurklinker is 'ne klinker dae in sómmige gespraoke tale veurkump. 't Symboeal det bie 't Internationaal Fonetisch Alfabet gebroek wuuertj is [ɛ].

Kènmirke

Kènmirke vannen aop-midden óngerónje veurklinker zeen:

• De vokaalhuuegdje is aop-midde, haafaop of lieëg-midde, det inhèltj det de tóng zich halverwaeges tössen 'ne middeklinker en 'nen aope klinker bevindj;
• De vokaalposiesje is veur, det inhèltj det de tóng zich zoea wied nao veur wie meugelik inne móndj bevindj zónger 'n gans toew vernejjing te make;
• De klinker is óngeróndj, det mèntj det de luppen óngesprèdj (neet-verrundj) zeen.

Limbörgs

In 't Limbörg kump d'n aop-midden óngerónje veurklinker es korte klinker veur es 'nen allofoon. Veure meiste dialekte guldj d'r es 'nen allofoon veure midden óngerónje veurklinker. In sómmige dialekte, worónger 't Mestreechs, guldj d'r zelfs es de normale variantj vanne è. Wiejer kump d'r in e klei deil vanne Limbörgse dialekte veur es allofoon veure bao-aopen óngerónje veurklinker.

Inne lange variantj is d'n aop-midden óngerónje veurklinker hieël algemein es ae. In sómmige dialekte, mit naam in 't zujelik Limbörgs spraokgebied, kump onna de lange variantj èè veur, de midden óngerónje veurklinker [e̞]. Deze kóntrasteertj den mitte langen toe-midden óngerónje veurklinker [e:], gesjreven es ee, ennen aop-midden óngerónje veurklinker [ɛ:], gesjreven es ae.

Oetspraok nao toean en lingdje
posiesje	IPA		spèlling
	kort	lank
sleiptoean	—	['ɛ́:tə]	aete
stoeattoean	—	[bɛ̀:ɲ]	baenj
ónbeklemtoeandj	[mə'ræ̀ŋgʲɛ]		merengue

In väöl dialekte haet deze klinker 'n, lichtelik, palataliserendje wirking, juus wie de meiste anger óngerónje veurklinkers.