Allofoon
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'nen Allofoon is 'n alternatieve vorm, döks 'n vorm die e foneem aannump in 'ne bestumdje fonologische kónteks; wen me 'ne bepaoldje klank kan veurspèllen aanhandj de ómgaeving worin deze klank veurkump, den is deze klank meistes 'ne variant of 'nen allofoon. E veurbild is d'n stumloeazen uvulaire plosief in 't Limbörgs; dees klank kump veur inplaats de stumloeaze velaire plosief inne kónteks van achterklinkers. Me kan dees klank dus ummer aafleien es 'nen angere klank in 'ne bepaoldje kónteks; hiedoor is dit 'nen allofoon en gei foneem.
'nen Allofoon is dus 'nen oetspraokvariant. Dees anger oetspraok lèdj neet toet 'n verangering inne beteikenis van e waord. Döks is 'nen allofoon aafhenkelik vanne klenk inne ómgaeving, meh det hoof neet ummer zoea te zeen. 'n Allofoon oetspraok kan ouch 't gevolg zeen vanne posiesje vanne klank in 't waord (wie bie auslautverhärtung), mer ouch kómme versjillendje oetspraoke in vriej variaasje veur.
Dit artikel is e sjtumpke. De kans Wikipedia helpe door 't aan te völle