Stumloeazen alveolopalatale sibilant

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De stumloeazen alveolopalatale sibilant of stumloeas alveolopalataal sisklank is 'ne mitklinker dae in sómmige gespraoke tale veurkump. 't Symboeal det bie 't Internationaal Fonetisch Alfabet gebroek wuuertj is [ɕ].

Kènmirke

Kènmirke vanne stumloeazen alveolopalatale sibilant zeen:

• De meneer van oetspraok is 'ne sibilant-fricatief, det inhèltj det t'r euver 't algemein wuuertj gemaak dore lóchstroum door 'n gleuf inne baktóng te leie nao de artikulaasjeplaats, wo de lóchstroum wuuertj geconcentreerdj taenge de sjerpe randj vanne bao-geslaote tenj;
• De oetspraokplaats is alveolopalataal, det inhèltj det:
  • De oetspraokplaats pósalveolair is, det inhèltj det de tóng de baovekantj vanne móndj aanraak in 't gebied achter de tandjwal;
  • De vorm vanne tóng laminaal is, det inhèltj det 't tóngblaad de baovekantj vanne móndj raak;
  • De klank zwaor gepalataliseerdj is, det inhèltj det de midde vanne tóng gebaogen is en ómhoeag kump nao 't hel verhieëmeldje.
• De artikulaasje is stumloeas, waat mèntj det ze wuuertj gemaak zónger trilling vanne stumbenj. In sómmige spraoke waere de stumbenj pezetig aopgehaje, dewiel ze in anger spraoke slap zeen, zodet ze de stumhöbbendjheid van aangrenzendje klenk kan euvernumme;
• Ze is 'nen orale mitklinker, waat mèntj det de lóch allein dore móndj eweg kan kómme;
• Ze is 'ne centrale mitklinker, waat inhèltj det ze wuuertj gemaak dore lóchstroum euvere midde vanne tóng te leien inplaats langs de ziejkantje;
• 't Lóchstroummechanisme is pulmonisch, det mèntj det de klank wuuertj gemaak door lóch die allein dore lónge en 't middereef wuuertj geduujdj, wie bieje meiste klenk.

Limbörgs

In 't Limbörgs kump de stumloeazen alveolopalatale sibilant neet veur.