Aop-midde gerónje veurklinker

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

d'n Aop-midde gerónje veurklinker of gerónjen haafaope veurklinker is 'ne klinker dae in sómmige gespraoke tale veurkump. 't Symboeal det bie 't Internationaal Fonetisch Alfabet gebroek wuuertj is [œ].

Kènmirke

Kènmirke vannen aop-midden óngerónje veurklinker zeen:

• De vokaalhuuegdje is aop-midde, haafaop of lieëg-midde, det inhèltj det de tóng zich halverwaeges tössen 'ne middeklinker en 'nen aope klinker bevindj;
• De vokaalposiesje is veur, det inhèltj det de tóng zich zoea wied nao veur wie meugelik inne móndj bevindj zónger 'n gans toew vernejjing te make;
• De klinker kan zeen:
  • geróndj-samegedrök, det mèntj det de renj vanne luppen aangespanne zeen en zoea waere samegetróch det de binnekantj vanne luppe neet nao boete kómme;
  • geróndj-oetstaekendj, det mèntj det de heuk vanne luppe waere samegetróch enne binnekantj vanne luppe bloeatligke.

Limbörgs

d'n Aop-midde gerónje veurklinker is zowaal lank es kort wied-verbrèdj in 't Limbörgs spraokruum. Sómmige dialekte gaeven häöre veurkeur aan anger allofoons, wie d'n aop-midde gerónje centrale klinker in 't Mestreechs, enne midde gerónje veurklinker in 't Kirkräödsj.

In sómmige dialekte, mit naam in 't zujelik Limbörgs spraokgebied, kump onna de lange variantj èù veur, de midde gerónje veurklinker [ø̞]. Deze kóntrasteertj den mitte langen toe-midde gerónje veurklinker [ø:], gesjreven es eu, ennen aop-midde gerónje veurklinker [œ:], gesjreven es äö.

Oetspraok nao toean en lingdje
posiesje	IPA		spèlling
	kort	lank
sleiptoean	[mœ́ɲ̊c]	[spœ́:r]	möntj, späör
stoeattoean	[bœ̀n]	[bœ̀:m]	bön, bäöm
neutraol	[pœt]	—	pöt
aafgekap	[jœˀ]	—	jöh!