In 't nuujs - Archief 2008

Aw nuujsberichte waere nao e tiedsje eweggehaold. De belangriekste berichte waere opgenómme in de jaorartikele:
2005 - 2006 - 2007 - 2008

Zuug ónger veur awwer versies van dees pazjena en versjillende gerubriceerde nuujsarchieve.

1 miert

Nederland: Premier Balkenende vrögt Geert Wilders öm zien rech op vriej mieningsuting aaf te waege taege z'n responsabilitèèt es Nederlandse volksvertegenwoordiger.
Nederland: D'r minister va Boetelandse Zake, Maxime Verhagen van 't CDA zaet nog effe aaf te wachte of Nederland Kosovo mot erkènne es zelfsjtendèndege sjtaot ömdat-e zieëker wèlt zieë dat de rechte van de Servische minderhèèd gegarandeerd zeunt.
Belsj: Yves Leterme, dae gister oontsjlaage is oet 't ziekehoes, zèt 'n filmke op 't internet oeë-in e zieng "bekieëring" töt 'n gematigder polletieke koers oet de deuk dèèt. Ooch in 't Fraans.

Februari 2008

29 februari

Voere: D'r bevoegde minister Marino Keulen zaet dat 't Platduutsj neet in d'r gemèngderaod va Voere gebroekd maog waeëre en daomèt zow-e 'n ieëder besjlissing van d'r gouverneur Stevaert, dae 'm formeel nog neet op de huuëgde zow haa brach daovan, wille truukdrieje. ^[1]

27 februari

Economie: D'n euro kump veur 't iers in zien historie bove de grens vaan $ 1,50 oet.

26 februari

Leuve: 'ne Medewèrker van 't Universitair Ziekehoes Gasthuisberg is oontsjlage ömdat-e 't dossier van Yves Leterme haat ingezieë. E haat die gegaeves evvel neet publiek gemakd.
Belsj:De federaal begroeëting is roond. De NVA van 't kartel CD&V/NVA regeert neet mèt mae ömdat die partiej zaet zich allèng mer te oonthaowe van regeringsdeelname, blieve de christendemocrate in d'r Belzje kontekst sjienges toch de groetste partiej. Aagenaome wert dat 't kartel op die meneer 't zow wille blieve oetzinge bies de regionaal verkiezinge in 2009 öm dao da de verkiezingsbeloftes te herhale.

25 februari

Belsj: D'r Raod va Wieze haat 'n akkaoërd bereikt över 'n klèng hersjikking va bevoegdhede. De groeëte communautair kwesties, wie d'r federale keeskring, mae väöral de kwestie BHV, 'n verkiezingsbelofte van 't kartel CD&V/NVA, 't gelieklope van de federaal en regionaal verkiezinge en de positie va Franstalige in facilitète gemèngdes in d'r Raand en Voere zeunt versjaove nao 21 juli 2008, d'r nationale Belzje feestdaag.
Cyprus: D'r leenkse Dimitris Christofias wint de presidaentsverkiezinge en dat gèft haoëp op 'n toenadering töt Törks Cyprus.

19 februari

Cuba: Fidel Castro heet aongegeve dat heer neet langer president vaan Cuba wèlt zien, mèt ingaank vaan 24 februari.

18 februari

Europa: De Europese Commissie vergadert in Brössel över de erkenning van de oonaafhankelekhèèd va Kosovo. Allèng Roemenië, Rösland, Cyprus en Servië zeunt taege de erkenning, Sjpanje makt väörbehaod. De VS erkènt d'r weunsj van de Kosovaarse bevolking.

17 februari

Oos-Europa: Kosovo, e territorium formeel deil vaan Servië, reup de oonaofhenkelekheid oet.

14 februari

Saoedi-Arabië: 'n in 2005 gearresteerde vrow, die besjöldigd waoërt van hekseriej, is noe veroordeeld töt de doeëdsjtraf.
Belsj: Vice-premier Yves Leterme is opgenaome in 't Universitaer Ziekehoes Gasthuisberg in Leuve. Jo Vandeurzen nèmt z'n take es minister va begroting över.

7 februari

Nederland(s Limburg), Kuns en cultuur: De Mestreechse zenger Benny Neyman störf in Soesterberg (gemeinte Soest, provincie Utrei) op 56-jaorege leeftied.

5 februari

Nederlands Limburg: D'n Indiase goeroe Maharishi Mahesh Yogi, dae saer jaore in Vlorp laefde, sjtörf op 91-jäörege laeftied.

3 februari

Aruba: De oonopgelosde verdwijning va Natalee Holloway is waeltnuujs dör 'n undercover-reportage va misdaadversjlaaggaever Peter R. de Vries.
Oos-Europa: De zittende pro-westerse Servische president Boris Tadic weurt herkoze.

Januari 2008

27 januari

Zuudoos-Azië: Soeharto, ex-president van Indonesië, sjtörf op 86-jäörige laeftied.

24 januari

Nederland: In Enschede bouwt 't leger 'n noed Intensive Care (IC), umtot in de IC vaan 't hospitaol 'Medisch Spectrum Twente' 'n resistente bacterie geneump Acinetobacter baumannii weurt aongetroffe.

22 januari

Europa: D'r christen-democraat Rene van der Linden is es vörzitter van de PACE opgevolgd dör d'r Sjpaanse sociaal democraat Luis Maria de Puig.

21 januari

Weitesjap: Marie Smith Jones, jaorelaank bekind es de leste spreker vaan 't Eyak, störf op 89-jäörege leeftied; mèt häör störf de taol dus oet.

20 januari

Cultuur: In 't L1-programma Limbourgeois zaet d'r nuje preens va Jocus dat 'n vraog van die carnavalsvereniging öm preens te werre wegere, leidt töt ausradieren. Me zow da in 'ne kelder gezat waeëre oeë me neet mie oetkeumt, volges d'r preens.

17 januari

Sport: De excentrieke sjaker groetmeister Bobby Fischer störf op 64-jaorige leeftied in Reykjavik in Iesland.
Wetensjap: De Mestreechse universitèèt blieft d'r bie dat d'r Debije-pries aafgesjaft is wegens 't feit dat Pie Debeije in maatsjappelek opzich geen väörbeeld is väör wetensjappers.

15 januari

Cultuur: D'r Vlamsje cultuurminister Bert Anciaux kriet de hoeëgste Nederlandse oondersjèjjing oetgereikt dör d'r Hollendsje sjtaatssecretair van Europese Zake Frans Timmermans.^[2]

11 januari

Nui-Zieland: Sir Edmund Hillary, d'n ierste maan dee d'n tóp vaan de Mount Everest bereikde, störf op 88-jaorige leeftied.

10 januari

Voere: Chris Lennaerts, echtgenote va börgemèèster Huub Broers, raakt laevesgevaeërlèk gewond bie 'n auto-ongeval oonder an d'r Hallembay.^[3]

3 januari

Vereinigde Sjtate: De veurverkezinge in Iowa waere gewonne door Barack Obama (Democrate) en Mike Huckabee (Republikeine). Favoriet Hilary Clinton weurt mer derde.

2 januari

Economie: De oliepries kump veur 't iers in de historie bove 100 dollar 't vaat.

1 januari

Zuud-Europa: Malta en Cyprus veure d'n euro in.

December 2007

30 december

Afrika: De zittende president Mwai Kibaki weurt tot winner vaan de Keniaanse presidentsverkezinge (27 december daoveur) oetgerope en mètein geïnstalleerd. Dit heet zwoer proteste vaan de oppositie tot gevolg.

29 december

Mestreech: D'n intercity oet Alkmaar ramt mèt 'n snelheid vaan 20 km/h 'n stoetblok en baort ziech in 't perron. Daobei valle veer liech-gewonde.

27 december

Voere: Naodat in d'r Gemèngderaod d'r twieëtalige Nico Droeven (R@L) 't waoërd oontnaome is wie e 'n vraog in 't Nederlands sjtèlde en daonao in 't Fraans herhaolde, haat de Franstalige minderhèèd d'r Raod verlaote. ^[4]
Zuid-Azië: De Pakistaanse ex-premier en oppositieleisvrouw Benazir Bhutto weurt door 'ne zelfmaordaonslaag umgebrach.

21 december

(Oos-)Europa: De in 2004 lid vaan de EU gewore len Esland, Letland, Litouwe, Pole, Tsjechië, Slowakije, Hongarije, Slovenië en Malta trejje touw tot 't Schengen-gebeed. (Allein Cyprus trejt neet touw.)
Belsj: Keuning Albert II beëideg 't interim-kabinèt (MR, cdH, SP en CD&V, Open VLD) oonder premier Guy Verhofstadt en de vice-premiers Didier Reynders en Yves Leterme.
Nederland: Willem Holleeder weurt door d'n tribbenaol in Haarlem tot nege jaore gevaangenis veroordeild.

18 december

Nederlandj: 'nen Inwoener van 't Zandt (gemeinte Loppersum, provincie Groninge) en zien vrundin waere opgepak op verdènking van miervoudige brandjsjtichting.

16 december

Belsj: Guy Verhofstadt (Open VLD) is dör d'r köning gevraogd 'n interim-regering te vörme. E haat die opdrach anvaard töt uterlek 23 maart 2008.

15 december

Voere: Steve Stevaert zaet dat 't platduutsj in d'r gemèngderaod va Voere gekald maog waeëre. ^[5]

12 december

Nederland : Wim Eijk (1953) (biesjop van Groninge) ies beneump tot aartsbiesjop van Utrech es opvolger van Ad Simonis.
Japan: Japanse weitesjappers höbbe 'ne moes genetisch gemanipuleerd zodet d'r neet mieë bang veur katte is.
Kuns: Popzenger en gitaris Ike Turner sjtörf op 76-jäörige laeftied.

11 december

Afrika: In Algiers (hoofsjtad van Algerije) kómme tientalle luuj óm biej twie bomaansjlage.

5 december

Kuns, Duutsjlandj: Karlheinz Stockhausen, eine van de veurnaamste nao-oorlogse avant-gardecomponiste, sjtörf op 79-jäörege laeftied.

3 december

Oonderwies: 't Trevianum va Zitterd haat 't bètste vwo van Nederland volges 'n oonderzeuk van de gezèt Trouw.
Belsj: 't Demissionair kabinèt kriet de nuëdège oetbreiding va bevoegdhede öm prangende en hangende zake te regele.

2 december

Ruslandj: Biej de parlemèntsverkezinge haolt de partiej Vereineg Ruslandj van Vladimir Poetin 62,8% van de sjtumme. De Raod van Europa zal later kritiek lievere op de gank van de verkezinge.
Zuud-Amerika: Taege de verwachting in verluus de Venezolaanse president Hugo Chávez mit 'n èng mènjerheid van 49% e door häöm oetgesjreve referendum. Dit referendum hej de president de bevoogheid mótte gaeve óm zich ónbeperk kandidaat te sjtèlle veur 't presidentsjap.

1 december

Belsj: D'r CD&V-er (Vlamsje Christen-Democrate) Yves Leterme beëindigt nao 174 daag de formatieopdrach. De eise van z'n kartelpartiej NVA (Vlamsj nationaliste) zeunt neet te verenige mèt die van de Welzje CDH (Welzje Christen-Democrate). D'r köning zow kalle mèt Guy Verhofstadt.

November 2007

30 november

Zuud-Amerika: In Suriname weurt begós mit 't percès taege awd-dictator Desi Bouterse vanwaege de maord op 15 politieke taegesjtenjers in december 1982 (de zoegenaomde Decembermaorde).

28 november

Archeologie: D'r historicus en archeoloog Wil Roebroeks oet S'nt Gietere kriet d'r Spinoza-pries vör z'n wetensjappeleke oonderzeuke nao 't oontsjtoeë van d'r miensj.

24 november

Rösland:Kasparov wert gearresteerd.

19 november

Sjake: D'r Rössische groeëtmèèster Kasparov sjaakt simultaan in Antwerpe en besjöldigt Poetin d'r van dat-e de Rössische media en opiniepeilinge manipuleert.

18 november

Belsj: In Brössel gaeve 35.000 luuj (Welzje en Vlaminge) gehuur an 'ne oproop van 'n Luukse hoesvrow öm te manifestere vör 't behaod van 't laand.
Literatuur: Herman Bors oet Reuver wint mèt 't verhaol Lazarus in 't glaas d'r Veldeke-literatuurpries 2007.
Kosovo: Hashim Thaci (PDK) wint de parlemaentsverkezinge in Kosovo. E zow sjtraeve nao oonafhankelekhèèd va Servië en 'n gooj besjerming van de Servische minderhèèd, die 10% van de bevolking oetmakt.

15 november

Limburg: Gouverneur Stevaert vaan Belsj Limburg pleit veur ein groet Limburg. Heer wèlt vaan de Nederlandse en Belzje provincies ein economische regio make. Gouverneur Frissen vaan Nederlands Limburg steunt 't pleidooi.
Nederlandse literatuur: Vör 't sjtaotsexame 2008 havo en vwo kènne lieërlinge songtekste va Rowwen Hèze op de literatuurlies plaatsje. 't Is de örsjte kieër dat Limburgstalèg literair waerk op de lies Nederlandse literatuur vör 'n landelek exame geplaatsjd kan waeëre.

8 november

Nederland: Limburg is in 2007 de mèts geleefde binnelandse vakantiebesjtèmming vaan Nederland.

7 november

Nederlands Limburg: I Kirchroa, Zumpelveld, Boches, Vols en ee deel va Lankjraaf vilt durch ing sjtroomsjturóng d'r sjtroom ing paar oer oes.
Nederland: D'r Nederlandse miensjerechteactivist Al Mansouri kriet in Iran 'n ieërlèk proces volges de Iraanse övverèghèèd.
Belsj: De Vlamsje mieërderhèèd sjtèmt de sjpitsing van het arrondissemaent BHV oeëdör Vlaandere toekomstig nog minstens twieë zaeëtele mieë kriet in 't federaal parlemaent. De Welzje partieje gaeve te kènne 't belangekonflikt te sjtèmme dat de besjlissing 60 daag opsjort.

5 november

Nederlands Limburg: In Zittert valle politie en ME 't woonwagekamp aan de Tudderenderwaeg bènne. Ze zint op zuik nao wietplantages.

3 november

Zuud-Azië: De Pakistaanse president en legerleier Pervez Musharraf reup de noedtouwstand oet, boenao 'r versjèllende politieke tegestanders gevaange zèt.

Oktober 2007

29 oktober

Iran: D'r Nederlandse miensjerechteactivist Al Mansouri is in Iran ter dood veroordeeld. Dat is bevestigd dör Syrische miensjerechte-organisaties.
Midde- en Zuud-Amerika: Christina Kirchner, vrouw van de hudige presidènt, wèntj de Argentiense presidèntsverkezinge.

25 oktober

Voere: Retour @ Libertés gèèt tiedens d'r gemèngderaod vraoge of gemèngderaodslede naeve 't Nederlands ooch 't Fraans maoge gebroeke tiedens d'r gemèngderaod. Ze vraoge dat rech neet vör d'r börgemèèster en de sjaeëpene.

24 oktober

Literatuur: Jeroen Brouwers weigert d'r Prijs der Nederlandse Letteren 2007 dae driejjaorleks dör de Nederlandse Taalunie wert oetgereikt ömdat d'r pries volges Brouwers in gèng verhouding sjtèèt mèt 't gelieëverde waerk.

23 oktober

Weitesjap: E team van Nederlandse en Ieslandse óngerzeukers haet bie toeval de gene gevónge die oetmake welke haor-, hoeds- en ougkläör d'n drager haet.^[6]

21 oktober

Oos-Europa: De liberaal oppositiepartiej Platforma Obywatelska wèntj de verkezinge van de conservatief regeringspartiej Prawo i Sprawiedliwość ónger Jarosław Kaczyński.
Nederlands Limburg: Brigitte Heitzer oet Norbik is dör 't Nederlandse volk verkaoze vör de rol van Evita in d'r gelieknamige Van den Ende-musical.

19 oktober

Nederland: De Nederlandse sjriever en kunstenaer Jan Wolkers sjtörf op 81-jaorige laeftied.

17 oktober

Nederland: Rita Verdonk rich 'n nuuj polletieke bewaeging op, zjuus wie Geert Wilders, in de vörm van 'n vereniging mèt èè lid (Verdonk èèges)^[7] de nationalistische TON (Trots op Nederland).

15 oktober

Nederland: Rita Verdonk zaet lidmaatsjap VVD op.

14 oktober

Nederland: Twieë van de driej finaliste vör de musical-rol Evita kaome oet Limburg. Brigitte Heitzer oet Norbik en Suzan Seegers oet Melick.

12 oktober

Nederland: Vodafone verplaatsjt hoofdkantoeër va Mestreech nao Amsterdam wegens te wènnèg hoeëgopgeleidde in Limburg en 't feitelek hoeëger prestige van d'r naam Amsterdam in Nederland, d'r maert va Vodafoon èèges.

10 oktober

Nederlandj: De ABN Amro-bank weurt euvergenómme door e consortium van drie banke.

September 2007

29 september

Belsj: Yves Leterme is aa-gewaeze töt formateur. 't Extreem-rechse Vlaams Belang is taege samevalle van regionaal en federaal verkiezinge.

27 september

Belsj: De Rooms-rechse coalitie is wer bereid öm mètèè te kalle över 'n regeerakoord. Me is 't d'r över èns dat de federaal en regionaal verkezinge same motte valle öm de nuëdège besjlute te kènne naeme.
Burma: In Burma werre Boeddhistische monnike gesjaoëte tiedens vreedzaam demonstraties taege 't militair bewind.

26 september

Zuudoos-Azië: Proteste taege de regering in Burma, die in augustus begóste, greuje oet tot 'nen opsjtandj mit boeddhistische monnike as kern.
Nederland: d'r keumt gèèn referendum över 't Europees Verdrag.
Nederland: De Limburgse Lilianne Ploumen, directeur van Cordaid, 'n Katholieke organisatie vör oontwikkelingssamewèrking, wert dör de lede verkaoze töt väörzitter van de PVDA.
Nederland: De soldaot vaan Oranje Erik Hazelhoff-Roelfzema störf op 90-jaorige leeftied.

22 september

Midde- en Zuud-Amerika: Chili lievert de Peruaansen aud-president Alberto Fujimori oet aan Peru, welk landj häöm wilt vervolge.

20 september

Sjport: Floyd Landis weurt ouch door 't Amerikaans dopingagentsjap sjöldig bevónge aan 't gebroek van testosteron. Daomit is hae zienen titel as winner van de Tour de France 2006 kwiet, welken titel nao Óscar Pereiro geit.

19 september

Cultuur: De emoticon smiley besjteit 25 jaor :-)

17 september

Nederland: De populistische Rita Verdonk blieft lid van de VVD en zaet dat Mark Rutte de partiej neet good leidt.

13 september

Nederlandj: Nao aanleiing van 'n toesjpraok die ierder deeswaek door 't AD en De Telegraaf geciteerd woort zèt VVD-leisman Mark Rutte de populair politica Rita Verdonk oet de Twiede-Kamerfractie.

12 september

Zuudoos-Azië: Op 't Indonesisch eiland Sumatra vènje mieder zjwaor aerdbaevinge plaats; de groetste haet 'n krach van 8.4 op de Sjaal van Richter.

11 september

Belsj: 't Väörsjtèl van 't Vlaams Belang in 't Vlamsj Parlemaent öm 'n referendum te organisere övver de oonafhankelekhèèd va Vlaandere wert verworpe.

9 september

Nederlands Limburg: Nederlands Limburg haet zien 6e basiliek. De Paus haet de kèrk van Zöstere tot basiliek verheve.

7 september

Belsj: De autokoers in 't Welzje Francochamps van dit naojaor zeunt e-zoe 'n succes dat vör verbliefsaccomodatie oetgewaeëke mot waeëre nao Mestreech en Aoke.

6 september

Nederlands Limburg; Cultuur: In de archieve va Rouen en Paries zeunt Limburgse tekste oet 1806-1807 voonde. 't Gèèt öm 'n Biebelvertaling van d'r verlaore zoon die in opdrach va Napoleon in de lokaal dialekte gesjraeve waoërte. Boete de Mestreechse versie die voonde is, zeunt 't bies noe de aodst bekaande tekste in 't Venloos, Meijels, Tegels, Remungs, Roosters en Weerts.
Muziek. De 71 jaorige Italiaanse tenor Luciano Pavarotti ies gesjtorve.

Augustus 2007

Zuud-Europa: In Griekelandj weuje waekelank zjwaor bósjbranje die ónmaetelike sjtökker bósj in de esj lègke.

23 augustus

Belsj: Formateur Yves Leterme lievert zien formatietaak bie de keuning in naodat de formatieóngerhanjelinge op niks oetgeloupe zeen.

21 augustus

Latiens Amerika: Orkaan Dean kump in Yucatán, Mexico aan landj as orkaan van de viefde (zjwaorste) categorie.

18 augustus

Raod van Europa: D'r väörzitter René van der Linden gèèt op vredesmissie nao 't Midde-Ooste.
Polletiek: De Volkskrant meldt dat nuuj verkiezinge op 't Belsj oongroondwèttelek zeunt. Kiek: Róndsjtuurbreef-Peeters.

17 augustus

Nederland: Tv-presentator en theatermaker Jos Brink sjtäörf op 65-jaorège laeftied.
Belsj: Formatieoonderhandelinge zeunt vasgelope. Formateur Leterme (CD&V/NVA) vrögt zich aaf wat de rol en de funktie van d'r Belzje sjtaot is. Oonlangs blaeëk oet zoewaal Welzje es Vlamsje oonderzeuke dat mieë wie 3/4 van de Belzje 'n sjpitsing van 't laand neet weunsje.

15 augustus

Latiens Amerika: In Peru vèntj 'n aerdbaeving plaats mit de zeldzaam krach van 8,0 op de Sjaal van Richter.

14 augustus

Religie: Op 't Belsj wert de örsjte gemengde kloeësterorde va broeders en zösters gesjticht.

8 augustus

Nederlandj: In 'n artikel in De Volkskrant pleit Geert Wilders deveur um de Koran gans te verbaeje; hae vergeliek 't book met Mein Kampf.^[8]^[9]
Zuudoos-Azië: In Indonesië, neet wied van de hoofsjtad Jakarta, vènt 'n zjwaor aerdbaeving plaatsj van 7,5 op de sjaal van Richter.^[10]

6 augustus

Oos-Europa: In Georgië kump 'n Russische rakèt neer. Rusland oontkint de rakèt zelf te höbbe gelanceerd.

4 augustus

Milieu: Bekaand wert gemakd dat 't chemisch bedrief Agrophar ten zuide va Luuk al op 31 juli 80kg pesticide loosde op de Maas en dat pas twieë daag later bie d'r bevoogde Welzje milieudeens melde. D'r Welzje milieuminister Lutgen oontraojt 't zjwèmme in de Maas en consumptie va visj oet de Maas is verbaoje. In Vlaandere haat d'r Vlamsje milieuminister de bösjwechters opgedrage de luuj te verwittige. In Voere haat burgemeester Broers die taak sjpontaan op zich genaome, oeë d'r Vlamsje minister 'm vör bedaankt.
Nederlandj: Ehsan Jami, oprichter van 't Centraal Comité veur Ex-Moslims, weurt door drie moslimjóngere mishanjeld.

1 augustus

Vereinigde Sjtate: De I-35W Mississippi River bridge in Minneapolis, Minnesota, sjtort in, mèt versjillende doeje tot gevolg.

Juli 2007

In Europa hiers extreem waer. In Ingelandj vèlt abnormaal väöl raege mit euversjtruiminge tot gevolg, in Zuudoos-Europa ligke de temperature waek aan waek bove de veerteg graoje.

30 juli

Kuns: Zjweedse regisseur Ingmar Bergman (89) gesjtorve.

29 juli

Sjport: Alberto Contador wint de 94e Tour de France.

28 juli

Nederlands Limburg: Joep Haffmans, ex-daeke van Gulpe, sjtörf op 64-jäörige laeftied. Taege Haffmans leep e justitieel óngerzeuk waeges fraud^[11].

25 juli

Limburg: 't Limburgs Literatuur Lexicon va Adri Gorissen wert oet d'r handel gehaold en opnuuj gedrukt op 1000 exemplare däör Spijk Grafimedia Venlo. Name va sjrievers mèt 'n accaent en foto's waore neet good aafgedrukt.
Sport: Michael Rasmussen, de gele trui drager in de Tour de France, weurt door z'n ploog oet de Tour gezat, umtot heer neet kin aontuine boe heer veur d'n Tour is gewees, boedoor 't neet meugelik is gewees um (verpliegde) dopingcontroles oet te veure.

24 juli

Sjport: De Kazachstaanse fietserenner Aleksandr Vinokoerov weurt betrap op 't gebruuk vaan doping, boe-op heer mèt zien Astana-equipe de Tour de France verliet.

21 juli

Kuns: 't Zevende book van Harry Potter, Harry Potter and the Deadly Hallows, weurt weldwied in 't Ingels oetgebrach.

15 juli

Midde-Ooste: Nobelprieswinner Shimon Peres wert geïnstaleerd es presidaent va Israël.

10 juli

Zuud-Azië: Nao e belègk vaan 'n week bestörmp 't Pakistaans leger de Roej Moskee in Islamabad.

8 juli

Sjport: De Zwitser Roger Federer wint Wimbledon veur de viefde kier achterein, deeskier vaan de Spaanjerd Rafael Nadal.

7 juli

Weldwied: Op initiatief van d'n Amerikaanse politicus en klimaat-activis Al Gore weurt op elf versjillende locaties de concertreeks Live Earth gehauwe. Dit evenemènt deent óm aandach veur de klimaatverangering te vraoge.
Sjport: De Amerikaanse Venus Williams wint de finale vaan 't Wimbledon-tennistoernooj vaan de Franse Marion Bartoli.
Sjport: In Londe geit de Tour de France vaan start.
Cultuur: De St. Dionysius sjötteriej va Opoetere, kèrkdörp va Masèèk, in Belsj Limburg wint 't OLS va 2007.
Religie: Mèt 't motu proprio Summorum Pontificium gief paus Benedictus XVI de ruimde um de Latijnse Tridentijnse mès weer te doen.

3 juli

Belsj/Nederlands Limburg: In Fraipont werre väöl keender van Groonsvaeld, die dao op kaamp zeunt, kraank. Umdat de gemèngde communicatieprobleme verwach wert 't Vlamsj Roej Kruuts en de Hollendsje GGD d'r bie gerope.

Juni 2007

27 juni

Nederlandj: In D'n Haag weurt de zoegenaamde participatietop gehawwe tösje 't kabinèt, de wirkgaevers en de vakbónje.
Groet-Brittannië: De Britse premier Tony Blair dräög nao teen jaor zien functie euver aan partiegenoet Gordon Brown.
Weitesjap: D'n Egyptische archeoloog Zahi Hawass maak bekèndj dat DNA-óngerzeuk oetgeweze haet dat de mummie, die 1903 in Luxor is gevónje, van d'r Egyptische vrouweleke farao Hatsjepsoet oet ca 1500 v. Chr. is.

25 juni

Nederlandj: Majoor Bosshardt, langjäöreg officeer in 't Heilslaeger, sjtörf op 94-jäörege laeftied.

24 juni

Midde-Ooste: Ali Hassan al-Majid, biegenaomp "Ali Chemicali", weurt tot d'n doed aan de galg veroordeild vanwaege gifgaasaanvalle taege Iraakse Koerde tösje 1986 en 1988.

23 juni

Europese Unie: 'n Nuuj Verdrag vervèngt de aafgekäörde Groondwèt en wert in 2009 va krach. 'ne Vaste presidaent wert mäögelek.
Paus: Aaftraejend premier va Engelaand Tony Blair bezeukt paus Benedictus XVI. Nao verluid zow-e katholiek wille waeëre. Z'n vrow en keender zeunt dat al.

18 juni

Biologie: Nao al gezeen te zien in Wes- en Oos-Vlaondere weurt de vale gier, 'ne vogel inheims in Zuidwes-Europa, noe ouch in Zuid-Nederland, boe-oonder in Nederlands Limburg, gezeen.

16 juni

Nederlandj: Keuningin Beatrix eupent de Betuweroute.

14 juni

Midde-Oeste: Nao waeke van sjtried vereuvert 't orthodox-islamtisch Hamas de ganse sjtad Gaza op Fatah, de partie van de Palestiense president Mahmud Abbas.

10 juni

Belsj: Federaal parlemèntsverkezinge. 't Kartel CD&V/NVA (Vlamsje christen-democrate en VLamsj-nationaliste) ónger Yves Leterme wint in Vlaandere. De MR (de Welzje liberale) wint in Wallonië väör 't örsj van de PS (Welzje socialiste). De liberaal familie wert op 't Belsj 't groeëtst in 't federaal parlemaent.
Frankriek: Ierste runj van de parlemèntsverkezinge.