Arsjief
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'n Arsjief is de bewaarplaats veur wichtige gegaeves die zeen vasgelag in documentjvorm esouch de vergaoring van documentje die veur e bestump ènj zeen vervaerdig. Naeve documentje, inne vorm van agenda's, notule, dossiers, breve en aktes, kónnen ouch kaarte, foto's, films, video's en digitaal bestenj waere gearsjiveerdj.
De meiste euverheids-, maotsjappelike en commercieel organisaasjes besjikken euver 'n arsjief. Ouch particulere haje sómtieds e persuuenlik arsjief. Specialistische (kattegoriaal), weitesjappelike of bedriefsarsjieve zeen, aevenes vergeliekbaar bibliotheke, neet ummer vrie-toegenkelike. Juus wie 'nen aopenbare bieb is 'n openbaar (euverheids)arsjiefdeens waal vrie-toegenkelik. In taengestèlling toet 'n aopenbaar bieb is 't lidmaotsjap van 'n aopenbaar (euverheids)arsjiefdeens gratis.