Japans

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

't Japans ies 'n taal die weurt gesjproke door ongevaer 127 miljoan luuj. 't Ies de officieel taal van Japan. 't Ies neet dudelik wie de relatie tösje 't Japans en ander tale liegk. Same mèt 't èng verwant Ryukyu vörmp 't Japans de Japanse tale. 'n Minderheid van de taalkundige raekent de Japanse tale, same mèt 't Koreaans, tot de Altaïsche tale.

Kènmerke

't Japans ies 'n agglutinerende taal, mèt väöl suffixe (partikele), die versjillende grammaticaal functies van e woord kènne aangeve. 't Japans kènt de SOV-zinsvolgorde, oftewaal: ónderwerp - liejend veurwerp - wèrkwoord. 't Ónderwerp kènt dèks ouch weggelaote were.

't Japans haet e speciaal grammaticaal systeem um belaefheid en formaliteit aan te kènne geve.

't Japans haet vief fonematische klinkersj.

Sjrief

Dao zint drie sjriefsysteme die doorein gebruuk were in 't Japans: Hiragana, Katakana en Kanji (Sjinese karaktersj).

Extern links

Wikipedia

't Geuf 'n Japanse editie van Wikipedia, de vriej encyclopedie.

Besjrieving bie Ethnologue