In 't nuujs - Europa

Dit is 'n archief, wo-in aw nuujsberichte waere opgesjlage.
Inhawd weurt hie dan normaal gesjpraoke ouch neet eweggehaold. Recènter nuujs mót me zeuke op 't hoofblaad: In 't nuujs.

2020

24 december

De EU en 't Vereinig Keuninkriek sjlete 'n hanjelsakkoord wat per 1 jannewarie mót ingaon. Dit akkoord waor nujig ómdet dan d'n euvergankstied vanaaf de Brexit aaflöp.

21 juli

De lidsjtaote van de EU sjlete 'n akkoord euver e zier ómvankriek noedpakkèt wat de Europese economie nao de COVID-19-crisis weer op geng mót trèkke.^[1]

31 jannewarie

't Vereinig Keuninkriek verliet es ierste zelfsjtendige sjtaot oets de Europese Unie, naodet de kezers in 2016 mit e rifferendum daotoe hauwe besjlaote.

Kóns en cultuur: De Amerikaanse sjriefster van misdaodromans Mary Higgins Clark sjtörf op 92-jäörige laeftied.^[2]

2019

28 oktober

De EU gief de Britte bis 31 jannewarie 2020 oetsjtèl óm de Brexit te voltrèkke.^[3]

17 oktober

't Vereinig Keuninkriek en de EU bereike e nuuj Brexit-akkaord. Ómdet 't de goodkäöring van coalitiepartie DUP mis, is 't aevel ónzaeker of 't akkaord weurt aangenome.^[4]

2 juli

Charles Michel weurt beneump tot veurzitter van d'n Europese Raod, en Ursula von der Leyen weurt gekandideerd es veurzitter van de Europese Commissie. Frans Timmermans löp dae lèsten job, daen 'r gaere wouw höbbe, daomit mis.

26 mei

In de mieste EU-lenj zeen Europese verkezinge. De rechs-populiste en greune winne euver 't algemein. Nederlandj, wat op 23 mei al haet gesjtump, is hie-op 'n oetzunjering.

11 april

De EU gief 't Vereinig Keuninkriek bis 31 oktober d'n tied veur de Brexit.^[5]

2018

12 september

't Europees Parlemènt nump de 'atoombómproceduur' aan taege Hongarieë. 't Parlemènt meint det premier Viktor Orbán de democratische gróndjrechte te wied haet oetgehaold.^[6]

2017

18 april

't Europees hof veur de rechte van de minsj bepaalt det de Róssische autoriteite boeteproportioneel geweldj höbbe gebroek bie 't beëindige van de giezeling in 'n sjoel in de Zuud-Róssische sjtad Beslan in 2004 door Tsjtetsjeense terroriste. Bie dit drama kwame 334 giezelaere óm 't laeve. Mier es de haaf van de doeje waore sjoelkinger.^[7]

2016

23 juni

In 't Vereinig Keuninkriek ènjig e rifferendum gehawwe euver de vraog of 't landj de EU mót verlaore mit 'n klein euverwinning (51,7%) veur 't jao-kamp. De mörge tenao kunjig premier David Cameron zien aaftrejje aan.

2015

13 juli

Nao 'n marathonvergaoring van 31 oer sjlete de eurolenj 'n akkaord euver nuje sjteun aan Grekelandj. Dit landj mót daoveur ingriepende hervörminge daorveure. Hiemit weurt 'ne Grexit veurkómme.

10 juli

De Griekse regering kump asnog mit e pakkèt bezunigingsmaotraegele óm 't landj te hervörme. Die haop daomit de financiële sjteun van de EU en 't IMF trök te kriege.

27 juni

Nao e compleet vasgeloupe euverlèk verliet de Greekse minister van financië, Jannis Varoufakis, de óngerhanjelinge euver nuuj noedlieninge. Te verwachte vilt det Grekelandj noe failliet geit.

1 jannewarie

Litouwe veurt d'n euro in. De Europese muntj vervèngk de litas.^[8]

2014

1 december

De Paol Donald Tusk trejt aan as presidentj van de Europese Raod. Hae volg de Belsj Herman Van Rompuy op.

25 mei

In die mieste lenj van de EU waere verkezinge veur 't Europees Parlemènt gehawwe. In Nederlandj is dat neet 't geval; dao gebäörde dit al op 22 mei.

1 jannewarie

Letlandj veurt d'n euro in.

2013

1 juli

Kroatië weurt as 28e landj lid van de EU.

16 miert

De EU gief Cyprus 'n noedliening van 10 mieljard euro in ruil veur zjwaor besjpaoringe. De bevolking is 't neet demit èns, veural neet ómdat sjpaorders direk mótte mitbetaole.

23 jannewarie

De Britse premier David Cameron kunjig e referendum aan euver 't vertrèk van zie landj oet de Europese Unie. Ouch wilt hae zien positie in de EU heróngerhanjele.^[9]

21 jannewarie

Jeroen Dijsselbloem, de Nederlandse minister van Financië, weurt wie verwach aangeweze es veurzitter van de Eurogroop. Hae volg de Luxemburger Claude Juncker op.^[10]

2012

12 oktober

De Nobelpries veur de Vrei weurt oetgereik aon de Europese Unie "óm de mier as zès decennia van biedrage aan vrei en verzeuning, democratie en minsjerechte in Europa.^[11]

21 fibberwarie

Nao 'n marathonvergaojering besjlete de bevoogde ministers van de EU óm Grekelandj 'n nuuj noedliening van 130 miljard euro te gaeve; in toesj daoveur kump noe permanènt Europees toezich in Athene.^[12]

17 jannewarie

Martin Schulz (SPD) va Würsele wert verkaoze töt väörzitter van 't Europees Parlemaent.^[13]

2011

9 december

Op 'nen top in Brussel weurt besjlote sjtrenger raegele aaf te sjpraeke veur 't financieel beleid van lenj, wie ouch belastinge aan de financiële sector op te lègke. David Cameron weigert in naam van 't Vereinig Keuninkriek te teikene.

27 oktober

Nao 'n marathonvergaoring besjlete de zaevetien lenj van de Eurozaone veur de hèlf van de Greekse sjtaotssjöld aan private partieje aaf te sjrieve, en 't EFSF-noedfónjs op te hoege nao ein biljón euro.^[14]

2 september

De Europese Unie sjtilt 'n olieboycot in taege Syrië, oet protes taege minsjerechtesjènninge door 't rezjiem.^[15]

21 juli

Op 'nen top in Brussel weurt beslote tot nuuj sjteunmaotraegele veur Griekeland. Besjlote weurt ónger mie dat ouch banke gaon biedrage.

1 jannewarie

Eslandj veurt d'n euro in.

2010

10 mei

Óm garantj te blieve sjtaon veur de financieel gezóndjheid van de versjillende Eurolenj, presentere de EU-lidsjtate e reddingsplan, wo-in veur 750 mieljard euro aan begroetingstekorte kèn weure gedèk. Inkel oere naodat 't plan is geprensteerd haet dit direk e positief effek op de Europese beurze.^[16]