René van der Linden

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Ezer, es te dit dialek sjpriks.

---

Pierre René Hubert Marie (René) van der Linden (Ees, 14 december 1943) is 'ne Nederlandse CDA-politicus. Van 23 juni 2005 bies 22 januari 2008 waor van der Linden d'r vörzitter van de Raodgaevende Vergadering van d'r Raod van Europa, de PACE. E waoërt opgevolgd dör d'r Sjpaanse sociaal democraat Luis Maria de Puig. Daovör waor van der Linden d'r presidaent van de Nederlandse delegatie, oeëvan och Frans Timmermans lid woar.

René van der Linden

Bis 1970 sjtudeerde Van der Linden economie an de Katholieke Economische Hogeschool in Tilburg.

René van der Linden waor sjtaotssecretaris Boetelandse Zake in 't kabinet Lubbers II. E vool uvver de paspoortaffaire. Van 1977 tut 1986 en van 1988 tut 1998 waor e lid van de Twiede Kamer. Van 1999 tut 2015 waor e lid van de Örsjte Kamer. Es lid van de Örsjte Kamer waar Van der Linden waoërdveurder Laandboew en vörzitter van de kamercommissie vör Europese samewirking.

Op 21 sept. 2007 lieëverde Van der Linden, es vörzitter van de PACE, kritiek op de positie van de Rösse in Esland en Letland.

Van 6 oktober 2009 bis 28 juni 2011 waor Van der Linden d'r väörzitter van de Örsjte Kamer van Nederland.

Naevefunkties

• Vörzitter Vereniging va Erpelverwirkende industrie (VAVI)
• Vörzitter MsM (Maastricht School of Management)
• Vörzitter Sjtuurgroep Nederland-Belsj
• Lid Hoofproductsjap Akkerboew
• Lid Raodgaevende vergadering van de West-Europese Unie
• Lid Raodgaevende Interparlementaire Benelux-Raod
• Lid Adviesbureau Euregem
• Lid Besjtuur Agroned (Hulporganisaasje Roemenië)
• Lid Kirk in Noeëd
• Lid Algemeen Besjtuur VNO/NCW
• Besjermhieër Sjtichting Lisboa (dakloos keender in Portugal)
• Adviseur Sjtichting Dr. van de Brekel (Malawi)
• Adviseur Otto Uitzend Kracht

Oondersjeijinge

• Ridder in de orde van d'r Nederlandse Lieëw (1988)
• Ridder in de orde van Oranje-Nassau (1998)
• Grosses Deutsches Verdienstkreuz
• Ridder in de Orde van Seent Gregorius (2003)
• Commandeur in de Orde van Oranje-Nassau (2007)
• Commandeur de la Légion d'Honneur
• Ereburger van de sjtad Luuk, augustus 2008
• Lid in de Orde van de Turkse Republiek (februari 2013)