Lilianne Ploumen

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Mestreechs, es te dit dialek sjpriks.

Elisabeth Maria Josepha (Lilianne) Ploumen (Mestreech, 12 juli 1962) is 'n Nederlandse politica. Ze is in 't kabinet Rutte II minister vör Boetelandse handel en Oontwikkelingssamewèrking. Ieëder waor ze partiejväörzitter van de Partij van de Arbeid (PvdA). Lilianne Ploumen haet gezag dat, ooch al is ze gebaore in Mestreech, ze zich 'ne Norbikenaer veult.

Minister Liliane Ploumen

Laevensloop bewirk

Ploumen is 'n dóchter van 'ne katholieke mèlkmaan; häör owwersj sjtèmde KVP. [1] Tösje 1974 en 1980 volgde Ploumen 't Atheneum-A an 't Henric van Veldeke College in Mestreech. Vervólges sjtudeerde ze tösje 1980 en 1988 Maatsjappiejgesjiedenis an de Erasmus Universiteet. Tiedens häör sjtudie wèrkde ze es sociaal cultureel werker in Rotterdam-Crooswijk. Saer 1983 wèrkde ze bij 't Insjtituut vör Psychologisch Maertoonderzeuk, örsj es medewerkster bie de aafdeling sjtatistiek en saer 1985 es projectleidster oonderzeuk. Nao häör sjtudie wèrkde ze nog twieë jaor bie 't IPM. In dae tied waor ze ooch väörzitter van d'r oondernaemingsraod van IPM.

In 1990 waoërt Ploumen Manager Marketing & Onderzoek bie 't Foster Parents Plan. In 1993 góng ze in Londe wèrke vör PLAN, de koepelorganisatie van Foster Parents, es Teamleider "Quality Assurance Program for Sponsorship Systems". In 1995 kieërde ze truuk nao Nederland en zat ze Ploumen Projecten óp, 'n organisatie die zich bezig heel mèt marketingoonderzeuk en ideeoontwikkeling. Ze begoes ooch te wèrke vör Mama Cash, es coördinator foondsewerving. In 1995 noom ze deel an d'r collegecyclus "Gender, etnische diversiteit en racismebestrijding" an de Universiteet van Amsterdam. In 1996 waoërt ze directeur van Mama Cash. In 1998 sjtóbde ze mèt Ploumen Projecten. In 1999 waoërt ze lid van 't besjtuur van de sjtichting Opzij. Tösje 2000 en 2002 waor ze lid van 't besjtuur van 't Nederlands Centrum vör Inheemse Volkere, lid van d'r owwerraod van de basisschool "de Mijlpaal" en lid van de examecommissie vör 't Marketingorientatie examen van NIMA Amsterdam.

In 2001 verleet ze Mama Cash öm bie de katholieke oontwikkelingsorganisatie Cordaid te goeë wèrke es hoofd kwaliteet en sjtrategie. In 2004 waoërt ze directeur van Cordaid en lid van d'r raod van besjtuur. Es zoedanig waor ze ooch väörzitter van d'r adviesraod van HIER, lid van d'r directieraod van Stop Aids Now! en lid van de directeurevergadering van de Samenwèrkende Hulporganisaties. In 2002 waoërt ze lid (later vicevoorzitter) van 't besjtuur van de Evert Vermeer Stichting, de internationaal organisatie van de PvdA. In 2003 waoërt ze ooch lid van de PvdA, daovör waor ze lid gewes van GroenLinks. Tösje 2004 en 2005 waor ze lid van 't besjtuur van de Sjtichting Her World Live en es zoedanig organisator van 't feministisch festival WOMEN INC. In 2005 waor ze väörzitter van de kandidaatsjtèllingscommissie van de PvdA Slotervaart en wórf zie Ahmed Marcouch, de huidige sjtadsdeelväörzitter. [2] Ze was ook lid van politiek forum van de partij en actief in de Noord-Zuid-werkgroep.

Öp 24 september 2007 waoërt bekaand dat ze partiejväörzitter wert van de PvdA. [3] Ze versjloog na zès tèlrondes Jan Pronk, mèt 54% van de sjtèmme. 't Partiejcongres beneumde op 6 oktober 2007 d'r nuje väörzitter. Ze waoërt gesjteund dör 'n aantal prominaente partiejlede oeëoonder 'ne groep wethouders oonder leiding van Carolien Gehrels (wethouder in Amsterdam) [4], de rode ondernemers [5], Ronald Plasterk, Jet Bussemaker, Ruud Vreeman en Ahmed Marcouch [6]

Externe link bewirk

Referenties bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lilianne_Ploumen&oldid=414024"