Dit artikel is gesjreve (of begós) in 't Breuker. Laes hie wie v'r mit de versjillende saorte Limburgs ómgaon.


ISO 4217 is 'ne internationale sjtanderd dae alle muntaenhaede van d'r welt vaslègkt mit unieke drielètterige codes (aoch bekind es valutacodes), oetgegaeëve doer de Internationaal Organisatie vuur Sjtanderdisatie (ISO). Weltwied is de ISO 4217-codelies de vasgesjtèlde norm i banksysteme en zakes. I väöl leng zint de codes vuur de maes vuurkómmende muntaenhaede zoeë good bekind dat bie de publicatie va wisselkoerse i gezètter loeter van dees codes gebroek gemak waert i plaatsj va valutataekes of uëvergezatte name.

Systematiek bewirk

De ieësjte twieë lèttesj van de code zint 'tzelfde es de ISO 3166-1 alpha-2-landcode en de driede is maestes de ieësjte lètter van de muntaenhaed zelf. Japans valutacode is bevuurbild JPY; JP sjtaet vuur Japan en Y vuur yen. Zoeë waert 't probleem vermiejd dat veroerzaak waert doer name es dollar, franc (frang) en pound (pond), die doer versjeije leng gebroek waeëre en allenui 'n bedujend anger waeërd höbbe. Went de waeërd van 'n bepaolde valuta verangert, waert de lètste lètter van de valutacode verangerd óm 't van de aow te óngersjeije. I sómmige gevalle is de driede lètter de ieësjte lètter van 't woeërd "nuuj" in de sjpraok van 't land óm 't te óngersjeije van 'n aowere aenhaed (bevuurbild MXN vuur d'r Mexicaanse peso en TRY vuur de Turkse lira). Anger verangeringe zint aevel aoch al gezieë: d'r Russische roebel verangerde va RUR i RUB, woeë de B kump van de driede lètter van 't woeërd "rubel".

D'r waert aoch 'n drieciefercode aa jiëker muntaenhaed toegekind op dezelfde meneer es dat 'n driecieferige code toegekind waert aa jiëker land es dael van d'r ISO 3166-sjtanderd. Dees ciefercode is geweunlik dan aoch 'tzelfde es de ISO 3166-ciefercode. D'r Amerikaanse dollar haat bevuurbild de code 840, wat aoch de code is vuur de Veraenigde Sjtate.

D'r sjtanderd besjrieft aoch de verwantsjap tösje de de hoofmuntaenhaed en klaenere aenhaede wie d'r cent. Dèk haat de klaenere muntaenhaed 'n waeërd van 1/100 van de hoofaenhaed, aevel aoch 1/10 of 1/1000 kómme dèk vuur. Sómmige aenhaede höbbe gaar gaen klaenere aenhaede mieë. Bie anger höbbe de hoofaenhaede zoeë lieëg waeërdes dat de klaenere aenhaede neet mieë gebroek waeëre (bevuurbild d'r Japanse sen; 1/100 van 'ne yen). Mauritanië gebroekt gaen decimaal verdaeling van aenhaede: 1 ouguiya (UM) is dao geliek aa 5 khoums en i Madagaskar is 1 ariary geliek aa 5 iraimbilanja. Dit waert in d'r sjtanderd aa-gegaeëve doer d'r exponent. D'r Amerikaanse dollar haat bevuurbild exponent 2 en d'r Japanse yen exponent 0.

ISO 4217-codes zint neet allaen vuur muntaenhaede meh aoch vuur edelmetale (gaod, zilver, palladium, platina; per definitie oetgedrök per troy ounce) en bepaolde anger middele die gebroek waeëre in internationaal financieje wie 't Bezónger Trèkkingsrech. D'r zint aoch sjpeciaal codes die toegekind waeëre vuur tesgebroek (XTS). Dees codes beginne allenui mit de lètter "X". De edelmetale gebroeke "X" plus 't chemisch symbool; zilver is bevuurbild XAG. ISO 3166 kint noeëts landcodes toe die mit 'n "X" beginne ómdat dees codes allaen toegekind waeëre vuur private doeling (gereserveerd, noeëts vuur ambtelijk gebroek), dus ISO 4217 kint "X"-codes gebroeke vuur neet-landgebónge valuta zónger 't risico te bótse mit toekómstige landcodes.

Baoëvenationaal muntaenhaede wie d'r Oeës-Caribische dollar, d'r CFP-frang en d'r CFA-frang waeëre geweunlik aoch vertaeëgewoeërdigd doer codes die mit 'n "X" beginne. D'r euro waert vertaeëgewoeërdigd doer de code EUR (EU is opgenómme in de ISO 3166-1-reserfcodelies óm de Europese Unie te vertaeëgewoeërdige). D'r vuurgenger van d'r euro houw de code XEU.

Actief codes bewirk

Hie-ónger sjtaet 'n lies va codes die huuj actief zint.

Muntaenhaed per land bewirk

Code Nummer Muntaenhaed Land
AED 784 VAE-Dirham Veraenigde Arabische Emirate
AFN 971 afghani Afghanistan
ALL 008 lek Albanië
AMD 051 dram Armenië
ANG 532 Antilliaanse gölle Nederlandse Antille
AOA 973 kwanza Angola
ARS 032 Argentiense peso Argentinië
AUD 036 Australische dollar Australië, Australisch Antarctisch Territorium, Christmaseiland, Cocoseilande, Heard en McDonaldeilande, Kiribati, Naoeroe, Norfolk, Tuvalu
AWG 533 Arubaanse florin Aruba
AZN 944 Azerbeidzjaanse manat Azerbeidzjan
BAM 977 Bosnische inwisselbare mark Bosnië en Herzegovina
BBD 052 Barbadiaanse dollar Barbados
BDT 050 taka Bangladesh
BGN 975 lev Bulgarieje
BHD 048 Bahreinse dinar Bahrein
BIF 108 Burundese frang Burundi
BMD 060 Bermuda-dollar Bermuda
BND 096 Bruneise dollar Brunei
BOB 068 boliviano Bolivië
BOV 984 MVDOL (aandaele) Bolivië
BRL 986 real Brazilië
BSD 044 Bahamaanse dollar Bahama's
BTN 064 ngultrum Bhoetan
BWP 072 pula Botswana
BYR 974 Wit-Russische roebel Wit-Rusland
BZD 084 Belizaanse dollar Belize
CAD 124 Canadese dollar Canada
CDF 976 Congolese frang Congo-Kinshasa
CHE 947 WIR-euro Zjwitserland
CHF 756 Zjwitserse frang Zjwitserland, Liechtenstein
CHW 948 WIR-frang Zjwitserland
CLF 990 Unidades de Formento (aandaele) Chili
CLP 152 Chileense peso Chili
CNY 156 renminbi Volksrepubliek China
COP 170 Colombiaanse peso Colombia
COU 970 Unidad de Valor Real (aandaele) Colombia
CRC 188 Costa Ricaanse colón Costa Rica
CUP 192 Cubaanse peso Cuba
CVE 132 Kaapverdische escudo Kaapverdië
CYP 196 Cypriotisch pond Cyprus
CZK 203 Tsjechische kroon Tsjechië
DJF 262 Djiboutiaanse frang Djibouti
DKK 208 Daense kroeën Daenemarke, Faeröer, Greunland
DOP 214 Dominicaanse peso Dominicaanse Republiek
DZD 012 Algeriense dinar Algerieje
EEK 233 Estische kroeën Esland
EGP 818 Egyptisch pond Egypte
ERN 232 nakfa Eritrea
ETB 230 birr Ethiopië
FJD 242 Fiji-dollar Fiji
FKP 238 Falklandeilands pond Falklandeilande
GBP 826 pond sterling Veraenig Kuëninkriek
GEL 981 lari Georgië
GHS 288 cedi Ghana
GIP 292 Gibraltarees pond Gibraltar
GMD 270 dalasi Gambia
GNF 324 Guineese frang Guinee
GTQ 320 quetzal Guatemala
GYD 328 Guyaanse dollar Guyana
HKD 344 Hongkongse dollar Hongkong
HNL 340 lempira Honduras
HRK 191 kuna Kroatië
HTG 332 gourde Haïti
HUF 348 forint Hongarieje
IDR 360 rupiah Indonesië
ILS 376 sjekel Israël
INR 356 Indiase rupee Bhoetan, India
IQD 368 Iraakse dinar Irak
IRR 364 Iraanse rial Iran
ISK 352 Ieslandse kroeën Iesland
JMD 388 Jamaicaanse dollar Jamaica
JOD 400 Jordaanse dinar Jordanië
JPY 392 yen Japan
KES 404 Keniaanse shilling Kenia
KGS 417 som Kirgizië
KHR 116 riel Cambodja
KMF 174 Comorese frang Comore
KPW 408 Noord-Koreaanse won Noord-Korea
KRW 410 Zuid-Koreaanse won Zuud-Korea
KWD 414 Koeweitse dinar Koeweit
KYD 136 Kaaimaneilandse dollar Kaaimaneilande
KZT 398 tenge Kazachstan
LAK 418 kip Laos
LBP 422 Libanees pond Libanon
LKR 144 Srilankaanse rupee Sri Lanka
LRD 430 Liberiaanse dollar Liberia
LST 426 loti Lesotho
LTL 440 litas Litouwe
LVL 428 lats Letland
LYD 434 Libische dinar Libië
MAD 504 Marokkaanse dirham Marokko, Westelike Sahara
MDL 498 Moldavische leu Moldavië
MGA 969 ariary Madagaskar
MKD 807 denar Macedonië
MMK 104 kyat Myanmar
MNT 496 tugrik Mongolië
MOP 446 pataca Macau
MRO 478 ouguya Mauritanië
MTL 470 Maltese lire Malta
MUR 480 Mauritiaanse rupee Mauritius
MVR 462 rufiyaa Maledive
MWK 454 Malawische kwacha Malawi
MXN 484 Mexicaanse peso Mexico
MXV 979 Mexican Unidad de Inversion (aandaele) Mexico
MYR 458 ringgit Maleisië
MZN 943 metical Mozambique
NAD 516 Namibische dollar Namibië
NGN 566 naira Nigeria
NIO 558 córdoba Nicaragua
NOK 578 Noorse kroeën Noorwege
NPR 524 Nepalese rupee Nepal
NZD 554 Nuuj-Zieëlandse dollar Cookeilande, Nuuj-Zieëland, Niue, Pitcairneilande, Tokelau-eilande,
OMR 512 Omaanse rial Oman
PAB 590 balboa Panama
PEN 604 sol Peru
PGK 598 kina Papoea-Nuuj-Guinea
PHP 608 Filipiense peso Filipiene
PKR 586 Pakistaanse rupee Pakistan
PLN 985 złoty Pole
PYG 600 guaraní Paraguay
QAR 634 Katarese riyal Katar
RON 946 Roemeense leu Roemenië
RSD 941 Servische dinar Servië
RUB 643 Russische roebel Abchazië, Rusland, Zuud-Ossetië
RWF 646 Rwandese frang Rwanda
SAR 682 Saoedi-Arabische riyal Saoedi-Arabië
SBD 090 Salomon-dollar Salomonseilande
SCR 690 Seychelse roepia Seychellen
SDG 938 Soedanees pond Soedan
SEK 752 Zjwaeëdse kroeën Zjwaeëde
SGD 702 Singaporese dollar Singapore
SHP 654 Sint-Heleens pond Sint-Helena
SKK 703 Slowaakse kroeën Slowakieje
SLL 594 leone Sierra Leone
SOS 706 Somalische shilling Somalië
SRD 968 Surinaamse dollar Suriname
STD 678 dobra São Tomé en Príncipe
SYP 760 Syrisch pond Syrië
SZL 748 lilangeni Swaziland
THB 764 baht Thailand
TJS 972 somoni Tadzjikistan
TMM 795 Turkmeense manat Turkmenistan
TND 788 Tunesische dinar Tunesië
TOP 776 pa'anga Tonga
TRY 949 nuuj Turkse Lira Turkieje
TTD 780 Trinidad en Tobago dollar Trinidad en Tobago
TWD 901 Taiwanese dollar Taiwan
TZS 834 Tanzaniaanse shilling Tanzania
UAH 980 grivna Oekraïne
UGX 800 Oegandese shilling Oeganda
USD 840 Amerikaanse dollar Amerikaans-Samoa, Brits Territorium in de Indische Oceaan, Ecuador, El Salvador, Guam, Haïti, Maagde-eilande, Marshalleilande, Micronesië, Noordelike Mariane, Palau, Panama, Puerto Rico, Oeës-Timor, Turks- en Caicoseilande, Veraenigde Sjtate
USN 997 Amerikaanse dollar (aandaele) Veraenigde Sjtate
USS 998 Amerikaanse dollar (aandaele) Veraenigde Sjtate
UYU 858 Uruguayaanse peso Uruguay
UZS 860 sum Oezbekistan
VEB 862 bolívar Venezuela
VND 704 dong Vietnam
VUV 548 vatu Vanuatu
WST 882 tala Samoa
YER 886 Jemenitische rial Jeme
ZAR 710 rand Zuud-Afrika
ZMK 894 Zambiaanse kwacha Zambia
ZWD 716 Zimbabwaanse dollar Zimbabwe

Neet-landgebónge muntaenhaede bewirk

Code Muntaenhaed Gebroek
EUR 978 euro Economische en Monetaire Unie
XAF 950 CFA-frang BEAC Kameroen, Centraal-Afrika, Congo-Brazzaville, Tsjaad, Equatoriaal-Guinea, Gabon
XAG 961 zilver (1 troy ounce)
XAU 959 gaod (1 troy ounce)
XBA 955 European Composite Unit
XBB 956 European Monetary Unit
XBC 957 European Unit of Account 9
XBD 958 European Unit of Account 17
XCD 951 Oeës-Caribische dollar Anguilla, Antigua en Barbuda, Dominica, Grenada, Montserrat, Saint Kitts en Nevis, Saint Lucia, Saint Vincent en de Grenadines
XDR 960 Bezónger Trèkkingsrech Internationaal Monetair Fonds
XFO - Gaowe frang Bank vuur Internationaal Betalinge
XFU - UIC-frang Union Internationale des Chemins de fer
XOF 952 CFA-frang BCEAO Benin, Burkina Faso, Ivoorkus, Guinee-Bissau, Mali, Niger, Senegal, Togo
XPD 964 palladium (1 troy ounce)
XPF 953 CFP-frang Frans-Polynesië, Nuuj-Caledonië, Wallis en Futuna
XPT 962 platina (1 troy ounce)
XTS 963 gereserveerd vuur tesgebroek
XXX 999 gaene munt
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=ISO_4217&oldid=461521"