Burkina Faso

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Burkina Faso
Basisgegaevens
Officieel taal	Frans
Huidsjtad	Ougadougou
Sjtaotsvörm	Rippubliek
Sjtaotshoof (lies)	Paul-Henri Sandaogo Damiba
premier	Albert Ouédraogo
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	273.800 km² 0,1%
Inwoeners – Deechde:	21.510.181 (2020) 78,6/km²
Biekómmende gegaeves
Munteinheid	CFA-frank (XOF)
Tiedzaone	UTC 0
Nationale fiesdaag	5 augustus
Vouksleed	Une seule nuit,
Web | Code | Tel.	.bf | BFA | +226

Burkina Faso (République de Burkina Faso) is e land in westelek Afrika, aon de rand vaan de Sahelzone, grenzend aon Mali, Niger, Benin, Togo, Ghana en de Ivoorkös. Hoofstad is Ouagadougou. Burkina Faso, wat tot 1984 bekind stoont es Opper-Volta, is hendeg erm, meh heet sinds de jaore negeteg door de touwgenome politieke stabiliteit zien situatie wel get zien verbetere.

Bestuurleke indeiling

Burkina Faso is ingedeild in 13 regio's en 45 provincies. De regio's zien:

Boucle du Mouhoun, Cascades, Centre, Centre-Est, Centre-Nord, Centre-Ouest, Centre-Sud, Est, Hauts-Bassins, Nord, Plateau-Central, Sahel, Sud-Ouest

Demografie

De bevolking vaan Burkina Faso weurt gevörmp door twie etnische hoofgrópe: de Voltaërs en de Mande. Vaan de Voltaërs gief 't wiedoet de mieste: zie umvatte o.m. de Mossi, die de hèlf vaan de bevolking oetmake. Mie es de hèlf vaan de bevolking is islamitisch en zoeget 22% hingk 't christendom aon, wat 'n erfenis is vaan 't Frans bewind. Väöl moslims en christene praktisere ouch animistische tradisies.

Christene woene veural in 't centrum vaan 't land, wijl moslims de mierderheid vörme in de rest vaan 't land.

De bevolking huurt tot de ermste vaan de wereld een heet bezunder te lije oonder AIDS, druugde en islamitisch terrorisme.

Historie

Burkina Faso woort in vreuger tije oonder mie door de Dogon bewoend. In de vieftiende en zestienden iew trokke ze eweg ten gunste vaan de Voltaïsche volker. In deen tied maakde 't land deil oet vaan 't Songhairiek. Daonao veel dit riek oeterein en kaom op 't groondgebeed vaan Burkina Faso 't Keuninkriek Ugadugu. Dit kaom in 1896 oonder Frans protectoraot. In 1904 woort 't gans gebeed bij Frans Wes-Afrika ingelief. Nao nog e paor grensveranderinge woort 't land in 1947 'n aofzunderleke kolonie, die in 1958 otonoom woort en in 1960 volledege oonaofhenkelekheid verkraog. Sinds deen tied waor 't land ummer weer 't toneel vaan militair regimes en coups. Van 1980 tot 1987 woort 't land bestuurt door premier Thomas Sankara, dee 'n ambitieus sociaalikkenomisch program lanceerde mèt 'ne sterke marxistische en anti-imperialistische insteek. In 1987 kaom door 'ne coup de president Blaise Compaoré aon de mach. Dee sjreef begin jaore negeteg verkezinge oet en veurde oonder aander de merretikkenomie in. Ouch heer veurde 'n autoritair koers, meh kaom in 2014 ten val.