Dit artikel is gesjreve (of begós) in 't Breuker. Laes hie wie v'r mit de versjillende saorte Limburgs ómgaon.


Commonwealth of the Bahamas

Vaan van de Bahama's

Waope van de Bahama's

Locatie van Barbados

Basisgegaevens
Officieel taal Ingelsj
Huidsjtad Nassau
Sjtaotsvörm Monarchie (Gemeinebèsriek)
Sjtaotshoof (lies) Sjarel III (sinds 2022)
Governeur Sir Cornelius A. Smith
Minister-president Philip Davis
[[{{{titelhoofregering2}}}]] {{{naomhoofregering2}}}
[[{{{titelhoofregering3}}}]] {{{naomhoofregering3}}}
Religie
Opperflaakde
– % water
13,878 km²
28%
Inwoeners
Deechde:
385,637 (2018)
25.21/km²
Biekómmende gegaeves
Munteinheid Bahamaanse dollar (BSD)
Tiedzaone UTC -5
Nationale fiesdaag
Vouksleed March On, Bahamaland
Web | Code | Tel. [[.bs]] | BHS | +1242

De Bahama's vórme 'n eilenggroep in de Atlantische Oceaan en 'n natie: 't Gemaenebes van de Bahama's (Ingelsj: Commonwealth of The Bahamas). D'r archipel, dae besjtaet oet twieëdoezend "cays" en ziëvehónderd eileng, ligkt t'n oeëste van d'r Amerikaanse sjtaat Florida en t'n noorde va Cuba en 't Caribisch gebeed, meh makt gaen dael oet van de Antillen.

Geografie bewirk

Van de ziëvehónderd eileng die de Bahama's vórme zint d'r mer dertig tót viertig bewoeënd. 't Groeëtste eiland (5.957 km²) is Andros, dat zich óngevaer 190 kilometer t'n zuudoeëste va Florida bevingkt. De groeëtste sjtad (210,832 i-weunesj) en daonaeëve de hoofsjtad is Nassau, dat ligkt op 't eiland New Providence. 't Hoeëgste punt (63 meter) is d'r Mount Alvernia. Op de eileng hieësjt e subtropisch klimaat, ónger i-vlood van d'r Werme Golfsjtraom.

Historie bewirk

Wie Christoffel Columbus 't gebeed óntdekde waoëre d'r óngevaer viertigdoezend Lucayane op de zujelike Bahama's. De Lucayane zint oersjprunkelik Taíno die rónd de ziëvende ieëw verhoes zint vanoet Hispaniola en Cuba. D'r zint aevel sjpaoëre van ierdere bevolking gevónge. Columbus' ieësjte landverkinning in d'r Nuje Welt waor op 't eiland San Salvador, in 't zujelik gedaelte van de Bahama's. Hie makde Columbus contak mit de Lucayane en toesjde goedere mit hen. Bahamaanse Lucayane woerte later es sjlave nao Hispaniola genómme woeë de mieëste van hen sjtórve doer krenkde en aafmórksing. Van de Sjpanjaarde kreeg de eilenggroep vermodelik aoch häöre hujige naam; zie neumde 't "Baja Mar" (gelieke zieë), woeë-oet zich "Bahamas" óntwikkelde.

In 't midde van de ziëvetieënde ieëw sjtichde Britse koloniste ieësjte kolonies op de Bahama's, naodat Kuëning Karel I van Ingeland de eileng i 1629 bezat. Óngevaer achdoezend Amerikaanse Loyaliste en hun sjlave kaome vanaaf 1783 vanoet New York, Florida, North Carolina en South Carolina nao de Bahama's. De Britte gove de eileng i 1964 'n aege regering en i 1973 woerte de Bahama's gans ónafhenkelik, aevel 't land bleef lid van 't Gemaenebes va Naties. Lynden Pindling waor d'r ieësjte zjwarte premier van de kolonie i 1967 en woert minister-president i 1973.

Huuj d'r daag zint de Bahama's 'n populair besjtömming vuur toeriste vawaeëge 't goow klimaat en 't groeët aantal zandsjtrande. 't Toerisme is aen van de wichtigste brónne van inkomste.

 
Kaart
 
Toerisme op de Bahama's
 
Commons
Op de pazjena The Bahamas van Wikimedia Commons zeen media gerelateerd aan dit óngerwerp te vènje
Lenj in Naord-Amerika
Antigua en Barbuda · Bahama's · Barbados · Belize · Canada · Costa Rica · Cuba · Dominica · Dominicaanse Rippebliek · El Salvador · Grenada · Guatemala · Haïti · Honduras · Jamaica · Mexico · Nicaragua · Panama · Saint Kitts en Nevis · Saint Lucia · Saint Vincent en de Grenadines · Vereinigde Sjtaote van Amerika
Aafhenkelike gebejer: Amerikaanse Maagde-Eilenj · Anguilla · Aruba · Bermuda · Bonaire · Britse Maagde-Eilenj · Curaçao · Greunlandj · Guadeloupe · Kaaimaneilenj · Martinique · Montserrat · Puerto Rico · Saba · Saint Barthélemy · Saint Pierre en Miquelon · Sint Eustatius · Sint Maarten (Frans) · Sint Maarten (Nederlands) · Turks- en Caicoseilenj
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bahama%27s&oldid=455348"