Äöpen houfmenu

Ierste Devisie (Nederlands voetbal)

(Doorverweze van Iërste Divisie)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Ierste Devisie, officieel Keuken Kampioen Devisie, is de ein-nao-hoegste aofdeiling vaan 't Nederlands hierevoetbal, zjus oonder de Ieredevisie. In principe is de divisie gemeind veur betaold voetbal, al weure sinds 2013 ouch amateurclubs touwgelaote. D'n opzat en umvaank vaan de devisie zien door de jaore heer veranderd.

OontwikkelingBewirk

De Ierste Devisie woort in 1956 opgeriech, tegeliek mèt de Ieredevisie en Twiede Devisie. Aonvenkelek bestoont de Ierste Devisie (zjus wie de Twiede) oet twie aofdeilinge (A en B) vaan eder 16 èlftalle (sinds 1960 18), meh vaanaof 1962 woort dat aontal tot ein trökgebrach. In 1972 woort de Twiede Devisie zelfs gans aofgesjaf. Dit alles had mèt financieel probleme te make: 't waor neet meugelek tachteg of zelfs viefteg betaold-voetbalclubs in stand te hawwe.

Sinds 1972 kóste clubs neet mie oet de Ierste Devisie degradere. Promovere oet 't amateurvoetbal waor ummer al oonmeugelek. Wel woorte soms nui clubs door de KNVB touwgelaote tot de Ierste Devisie, es de regio oondervertegenwoordeg waor en/of de club 'n gooj traditie had, en op veurweerde tot me e good zakeplan kós tuine. Zoe umvatde de Ierste Devisie op häör huugdepunt 20 clubs. Wie evels de Topklasse woort opgeriech (vaanaof sezoen 2010/11), woort 't weer meugelek um nao de amateurs te degradere. Aonvenkelek wouw me zoe mèt de degradatie vaan twie clubs 't aontal op 18 bringe, meh in dees jaore góng, door de finacieel crisis, de ein nao de aander club failliet. Dit brach in 2013 't aontal Ierste Devisieclubs trök tot 16. Sinds 't sezoen 2013/14 hove clubs die nao de Ierste Devisie promovere gein profclubs mie te zien, dewijl nao boetelands veurbeeld noe ouch belofte-èlftalle vaan groete clubs mètspeule.

Umtot d'n euverstap vaan de Topklasse nao de Ierste Devisie veur väöl clubs nog ummertouw te groet waor, heet me 't systeem wijer hervörmp. Vaanaof 't sezoen 2016/17 gief 't weer 'n Twiede Devisie. Me kin vaanoet de Twiede Devisie nao de Ierste degradere en aandersum. Bij dees gelegeheid woort ouch 'n Daarde Devisie opgeriech, die de Topklasse vervingk.

Huiegen opzatBewirk

In de Ierste Devisie speule 20 clubs; zèstien betaoldvoetbalclubs, ein amateurclub en drei twiede èlftalle, die in 38 speulrundes twie kier tegenein speule - eine kier oet, eine kier toes. De twiede èlftalle kinne neet promovere of degradere.

PromotieBewirk

Promotie nao de Ieredevisie (veur de ierste èlftalle dus) gebäört direk door kampioen te weure, te koste vaan de club die achtiende in de Ieredevisie weurt, en indirek door 't speule vaan play-offs. Aon die play-offs doen de veer periodekampioens mèt. Dit zien die clubs die in ein kwartaol vaan 't aofgeloupe sezoen de bèste waore (meugelek achter d'n oetindeleke winner, of e belofte- èlftal). Die weure aongevöld mèt de bèste veer clubs die neet periodekampioen zien, zoetot in totaol ach Ierste-Devisieclubs mètstrije. Iers speule de slechste veer um twie plaotse in de volgende runde. De winners daovaan mote tege de nommers 16 en 17 vaan de Ieredevisie. Tegeliek speule de Ierste-Devisieclubs 2 t/m 5 ouch tegenein. In de lèste runde numme de veer euvergebleve clubs 't daan tegenein op, zoetot oetindelek 0, 1 of 2 extra clubs indirek promovere.

DegradatieBewirk

De liegs geklasseerde club degradeert nap de Twiede Devisie. Langen tied - tösse de aofsjaffing vaan de Ieredevisie en de opriechting vaan de Topklasse - kóste clubs neet oet de Ierste Devisie degradere. Hoegoet kós clubs hun proflicentie weure aofgepak, boenao ze trök 't amateurvoetbal in móste en 'n succesvol amateurclub de licentie eventueel euvernaom. Ouch zien wel ins nui licenties oetgegeve zoonder tot iers 'n aander club failliet góng. Mèt de Topklasse waor 't de bedoeling um amateurclubs de kans te geve um mèt sportief prestaties door te stoete nao 't betaold voetbal. Dat zouw allein gebeure es de kampioen dat wouw - zoe neet, daan kós de beüigden degradant esnog in de Ierste Devisie blieve. In de praktijk waor veur amateurclubs d'n euvergaank väöls te groet: de Ierste Devisie stèlde alderlei eise aon 't stadion en de bedriefsveuring die amateurclubs gaaroet neet kóste of wouwe opbringe.

Daorum woort per 2016 de Twiede Devisie obbenuits opgeriech. Noe is promotie en degradatie tösse de twie verpliech: de lèste vaan de Ierste Devisie degradeert nao de twiede, de kampioen vaan de Twiede Devisie promoveert. 't Gief gein naocompetitie; mer ein club per jaor promoveert of degradeert.

TeamsBewirk

De volgende clubs/èlftalle speule in 't koumend sezoen (2016/17) in de Ierste Devisie:

Club Plaots Opgeriech Stadion Capaciteit Trainer Rizzeltaot '15/'16
Achilles '29 Groesbeek 1929 Sportpark De Heikant 4.500 Eric Meijers 15e
Joonk Ajax Amsterdam 1900 Sportpark De Toekomst 2.250 Marcel Keizer 9e
Almere City FC Almere 2001 Mitsubishi Forklift-Stadion 3.200 Jack de Gier 8e*
SC Cambuur Leeuwarden 1964 Cambuurstadion 10.000 Rob Maas 18e ID
FC Den Bosch Den Bosch 1965 Stadion De Vliert 8.713 Wiljan Vloet 17e
FC Dordrecht Dordrecht 1883 Riwal Hoogwerkers Stadion 4.235 Jan Everse 14e
FC Eindhoven Indhove 1909 Jan Louwersstadion 4.600 Ricardo Moniz 4e*
FC Emmen Emmen 1925 Stadion Meerdijk 8.600 Dick Lukkien 7e
Fortuna Sittard Zitterd 1968 Fortuna Sittard Stadion 10.300 Ben van Dael 16e
De Graafschap Doetinchem 1954 De Vijverberg 12.600 Jan Vreman 17e ID
Helmond Sport Helmond 1967 Lavans Stadion 4.174 Roy Hendriksen 13e
MVV Mestreech 1902 De Geusselt 8.800 Ron Elsen 10e
NAC Breda Breda 1912 Rat Verlegh Stadion 19.000 Marinus Dijkhuizen 3e
FC Oss Oss 1928 Frans Heesenstadion 4.560 François Gesthuizen 19e
Joonk PSV Indhove 1913 De Herdgang 2.500 Pascal Jansen 11e
RKC Waalwijk Waalwijk 1940 Mandemakers Stadion 7.508 Peter van den Berg 18e
Telstar Velsen 1963 TATA Steelstadion 3.060 Michel Vonk 12e
Joonk FC Utrecht Utrecht 1970 Stadion Galgewaard 23.750 Michel Pronk 1e BID
FC Volendam Volendam 1920 Krasstadion 7.384 Robert Molenaar 6e*
VVV-Venlo Venlo 1903 De Koel 8.000 Maurice Steijn 2e
Opmerkinge
  • ID: Ieredevisie
  • BID: Belofte-Ieredevisie
  • 'nen Asterisk (*) gief aon tot 't team veureg sezoen periodekampioen is gewore.
  • FC Dordrecht woort in 1883 opgeriech es DFC. De proftak splitsde ziech in 1972 aof.

KampioeneBewirk

Sezoen Devisie Club
1956/1957 A ADO
B FC Blauw-Wit
1957/1958 A Willem II
B SHS
1958/1959 A FC Volendam
B Sittardia
1959/1960 A GVAV
B Alkmaar '54
1960/1961 A FC Volendam
B FC Blauw-Wit
1961/1962 A Fortuna Vlaardingen
B SC Heracles
1962/1963 DWS
1963/1964 Sittardia
1964/1965 Willem II
1965/1966 Sittardia
1966/1967 FC Volendam
1967/1968 Holland Sport
1968/1969 SVV
1969/1970 FC Volendam
1970/1971 FC Den Bosch
1971/1972 HFC Haarlem
1972/1973 Roda JC
Seizoen Club
1973/1974 Excelsior
1974/1975 N.E.C.
1975/1976 HFC Haarlem
1976/1977 Vitesse
1977/1978 PEC Zwolle
1978/1979 Excelsior
1979/1980 FC Groningen
1980/1981 HFC Haarlem
1981/1982 Helmond Sport
1982/1983 DS'79
1983/1984 MVV
1984/1985 SC Heracles
1985/1986 FC Den Haag
1986/1987 FC Volendam
1987/1988 RKC Waalwijk
1988/1989 Vitesse
1989/1990 SVV
1990/1991 De Graafschap
1991/1992 Cambuur Leeuwarden
1992/1993 VVV Venlo
1993/1994 Dordrecht'90
1994/1995 Fortuna Sittard
1995/1996 AZ
Sezoen Club
1996/1997 MVV
1997/1998 AZ
1998/1999 FC Den Bosch
1999/2000 NAC Breda
2000/2001 FC Den Bosch
2001/2002 FC Zwolle
2002/2003 ADO Den Haag
2003/2004 FC Den Bosch
2004/2005 Heracles Almelo
2005/2006 Excelsior
2006/2007 De Graafschap
2007/2008 FC Volendam
2008/2009 VVV Venlo
2009/2010 De Graafschap
2010/2011 RKC Waalwijk
2011/2012 FC Zwolle
2012/2013 SC Cambuur
2013/2014 Willem II
2014/2015 N.E.C.
2015/2016 Sparta Rotterdam
2016/2017 VVV Venlo
2017/2018 Joonk Ajax
2018/2019

BronBewirk

Dit artikel is gebaseerd op, meh neet vertaold oet, 't corresponderend Nederlandtaoleg artikel, en wel in dees versie.

RifferentiesBewirk