Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Interieur vaan 't IJsseldeltastadion, boe PEC Zwolle sinds 2007 späölt.

PEC Zwolle (PH-EDN-combinatie; zuug oonder) is 'n voetbalclub oet de Nederlandse stad Zwolle. De club woort op 12 juni 1910 opgeriech oet 'n fusie tösse de Zwolse clubs Prins Hendrik (opgeriech 1906) en Ende Despereert Nimmer (opgeriech 1904). Op 't memint vaan opriechting koume de twie fusiepartners allebei in de Twiede Klas oet. In de jaore twinteg drejt de club in de top vaan die klasse mèt; in 1928 woort de club zelfs finalis in d'n Holdertbeker. Toch waor in deen tied 'n aander Zwolse club, Z.A.C., de beter. In 1929 promoveerde PEC wel nao de Ierste Klas.

Allewel tot PEC nao d'n Oorlog weer nao de Twiede Klas trökzakde, woort 't dao in 1955 kampioen vaan. De dao-aon verboonde promotie stèlde club in staot um 't trajek nao betaold voetbal in te zètte. Veur 't sezoen 1956/57 woort PEC in de Twiede Devisie ingesjreve. Dao veel de club veuriers nog neet op. Pas nao de fusie mèt Zwolsche Boys in 1969 góng de club (sinds 1971 officieel es PEC Zwolle bekind) veuroet: ze promoveerde nao de Ierste Devisie (1971) en zelfs de Ieredevisie (1978). 't Dao-op volgend decennium waor vrij succesvol, meh nao de degradatie in 1989 góng 't achteroet. De club góng 't jaor dao-op zelfs failliet, meh maakde 'nen doorstart es FC Zwolle. Oonder dee naom woort 't 'n modaol Ierste Devisieclub, tot 't in 2012 weer promoveerde. Sindsdeen is club, weer oonder de naom PEC Zwolle, 'ne stabielen Ieredevisionis, dee soms zelfs in de subtop mètdeit. Groetste succes waor 't winne vaan de KNVB-beker in 2014; ouch de Johan Cruijffsjaol wis PEC te pakke. In 2022 kaom aon tien jaor Ieredevisie 'n ind.

PEC Zwolle daan wel FC Zwolle späölde tot 2007 in 't Oosterenkstadion, sindsdeen in 't IJsseldeltastadion. Dit stadion heet 'n capaciteit vaan 13.250 plaotse. Sinds 2016 dreug 't de sponsornaom MAC³PARK-stadion. Groetste rivaol vaan PEC Zwolle is Go Ahead Eagles; matches tösse de twie teams (bekind es d'n IJsselderby) zien zoewel in Ieredevisie es in de Ierste Devisie gespäöld.

Rizzeltaote sinds 1957 bewirk

10
12
8
6
16
14
17
14
15
7
8
14
18
5
2
7
2
7
4
6
2
1
8
14
9
15
13
14
18
2
11
13
16
15
16
17
6
8
14
14
5
6
5
2
3
1
16
18
4
12
9
4
4
4
2
1
11
11
6
8
14
9
13
15
13
18
2
57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 00 01 02 03 04 05 06 07 08 09 10 11 12 13 14 15 16 17 18 19 20 21 22 23
Ieredevisie
Ierste Devisie
Twiede Devisie

Opmerking: 't Sezoen 2019/20 woort in verband mèt de COVID-19-pandemie aofgebroke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=PEC_Zwolle&oldid=459955"