Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Interieur vaan 't Koning Willem II-stadion.

Willem II is 'n voetbalclub oet de Nederlandse stad Tilburg. De club woort opgeriech in 1896 en is daomèt ein vaan de awwer clubs vaan Zuid-Nederland. De club heet 't groetste deil vaan häör historie op 't hoegste niveau gespäöld.

HistorieBewirk

Willem II woort op 12 augustus 1896 opgeriech door spoorweegarbeider Gerard de Ruiter. Op dat memint waor 't voetbal in Braobant nog neet zoe populair wie in 't weste vaan 't land. De club hètde in 't begin nog Tilburgia, meh veraanderde ziene naom begin 1898 in Willem II, nao de Nederlandse keuning Wöllem II dee in Tilburg e kestiel had laote bouwe en väöl veur de stad had beteikend.

De ierste jaore voetbalde Willem II allein bij de Braobantse Voetbalboond, in 1904 sloot 't ziech bij de NVB aon. Dao droong 't in 1913 tot de Ierste Klas door. Nao dees promotie waor de club jaorelaank de bèste vaan Zuid-Nederland; in 1916 wis ze zelfs landskampioen te weure. Vaanaof midde jaore twinteg kraog Willem II mie concurrentie en gónge de prestaties umlieg. Wel woort in 1944 de NVB-beker gepak. Begin jaore viefteg waor Willem II weer gans trök aon d'n top; in 1952 en 1955 woort 't obbenuits kampioen vaan Nederland.

Door dit succes kós de club noe ouch betaold voetbal speule. In 't sezoen 1956/57 debuteerde Willem II in de zjus opgeriechde Ieredevisie, meh degradeerde dao direk weer oet. Ouch in de jaore zèsteg wisselde de Tilburgse club dèks tösse Ierste Devisie en Ieredevisie. De jaore zeveteg brach 't veural in de Ierste Devisie door. De decennia daonao waore wisselend: Willem II späölde euverwegend Ieredevisie meh soms ouch ein of mie sezoene e niveau lieger. Soms had de club oetsjeters nao de subtop. Boetegewoen succesvol waor 't sezoen 1998/99, wie Willem II oonder trainer Co Adriaanse twiede woort en 't jaor dao-op zelfs Champions League moch speule. De lèste jaore vele de prestaties evels tege.

ClubcultuurBewirk

Willem II späölt in e roed-wit-blauw T-shirt, gekleurd nao de baone vaan 't Nederlands veendel. Dit is 'n verwiezing nao de Nederlandse keuning boe de club häöre naom vaan heet. Hei-aon oontlient 't team ziene bijnaom Tricolores. Aander bijnaome zien stoere kerels en Kruiken. De lèste naom liet ziech aofleie vaan Kruikenzeikers, de sjelnaom veur de Tilburgenere.

D'n traditionele rivaol vaan Willem II is NAC Breda. Wèdstrije tösse de twie stoon bekind es de Braobantsen derby. D'n derby tege PSV is minder belaoje. Wijers gief 't nog diverse aander Braobantse clubs in de Ierste Devisie boe Willem II in 't verleie derby's tege heet gespäöld.

Rizzeltaote sinds 1957Bewirk

17
1
16
8
10
8
15
10
1
10
18
4
14
6
14
15
14
18
14
9
11
7
3
8
10
14
14
17
8
5
2
4
15
13
11
12
10
8
7
12
15
5
2
9
8
11
11
7
10
17
15
15
12
17
18
5
18
1
9
16
13
13
10
57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 00 01 02 03 04 05 06 07 08 09 10 11 12 13 14 15 16 17 18 19
Ieredevisie
Ierste Devisie