Twiede Devisie (Nederlands voetbal)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Twiede Devisie is 'n Nederlandse voetbalcompetitie. 't Is 't daarde niveau vaan de Nederlandse voetbalpiramide, oonder de Ierste Devisie en bove de Daarde Devisie. D'n opzat is semiprofessioneel; de competitie is (feitelek same mèt de Daarde en Veerde Devisie) bedoeld es brögk tössen 't profvoetbal en 't amateurvoetbal.

Historie bewirk

De Twiede Devisie woort oersprunkelek in 1956 ingestèld mèt de umerming vaan 't betaold voetbal door de KNVB. 't Gaof toen twie aofdeilinge, 'n Twiede Devisie A en 'n Twiede Devisie B. In de praktijk waore dit veural semi-professioneel clubs; vaan wat ze hun speulers oetbetaolde kós me neet leve. In 1966 woort dit trökgebrach tot ein inkel aofdeiling (in de sezoene 1960/61 en 1961/62 waor dat ouch al zoe), in 1971 woort de Twiede Devisie gans aofgesjaf. Lèste kampioen waore De Volewijckers.

Um doorstruiming tösse amateur- en profvoetbal weer meugelek te make woort in 2010 de Topklasse opgeriech. De kampioen vaan dit niveau kós es 'r wouw promovere nao de Ierste Devisie, te koste vaan de lieg geklasseerde club dao-oet. In de praktijk wouwe de Topklasseclubs dit gaaroet neet; de eise die de KNVB stèlde aon de accommodatie en de bedriefsveuring laoge wied vaan wat me es amateurclub (zelfs in 't al vrij professioneel topsegmint) gewoen waor. Daorum besloot me per 2016 de Twiede Devisie obbenuits op te riechte. Dao-in kóste diverse Topklasseclubs en belofteteams instruime; vaan de res vaan de Topklasse maakde me de Daarde Devisie.

Oondaanks alle gooj bedoelinge is 't nog ummer neet meugelek veur nao de Ierste Devisie te promovere. Wel zien de licentie-eise in de Twiede Devisie de lèste jaore get opgeveurd. E belaankriek bezwoer is voor sommege clubs 't mote speule op zondag; väöl orthodox-prottestantse clubs verbeeje dat expliciet in hun statute.

Kampioene bewirk

Sezoen Devisie Club
1956/1957 A VV Leeuwarden
B RBC
1957/1958 A ZFC
B Heracles Almelo
1958/1959 A SC 't Gooi
B Go Ahead
1959/1960 A EDO
B Be Quick 1887
1960/1961 A HFC Haarlem
Ein competitie
1961/1962 A Velox
Ein competitie
1962/1963 A VSV
B HFC Haarlem
1963/1964 A Alkmaar '54
B N.E.C.
1964/1965 A SC Cambuur
B D.F.C.
1965/1966 A Vitesse
B FC Den Bosch
Sezoen Club
1966/1967 HFC Haarlem
1967/1968 WVV Wageningen
1968/1969 De Graafschap
1969/1970 SC Heerenveen
1970/1971 De Volewijckers
Tösse 1971 en 2016 gaof 't gein
Twiede Devisie
2016/2017 Joonk AZ
2017/2018 VV Katwijk
2018/2019 Go Ahead Eagles
2019/2020 geine kampioen
2020/2021
2021/2022 VV Katwijk

Opmerking: in 2020 en 2021 woort de competitie aofgebore resp. gaaroet neet gespäöld door de COVID-19-pandemie.

Opzat bewirk

De Twiede Devisie umvat 18 teams, boe-oonder ouch belofteteams vaan groeter clubs. In 't sezoen 2022/23 zien dat 'rs twie. Die speule in 34 speulrundes allemaol twie kier tegenein, eine kier oet, eine kier toes.

Me kin op dit memint (2023) neet oet de Twiede Devisie promovere (zuug bove). Bedoeling is tot dat later wel geit kinne. Wel weurt de winner vaan de competitie amateurkampioen vaan Nederland. Daobij plaotse de ierste veer teams - aofgezeen daan vaan belofteteams - ziech zoonder veurrundes veur de KNVB-beker vaan volgend jaor. Die veer clubs struime daan tegeliek mèt de blofclubs in de beker in. Degradatie oet de Twiede Devisie is wel meugelek: ein club degradeert direk, drei aander clubs speule naocompetitie. Ouch de belofteteams kinne degradere. Oet de Daarde Devisie romovere minstens twie clubs; dat beteikent tot 'n club die moot speule um in de Twiede Devisie te blieve nog vrij väöl risico op degradatie löp.

De Twiede Devisie is gooddeils gerecruteerd oet d'n top vaan 't amateurvoetbal, dus ouch oet de zaoterdagamateurs. Väöl zaoterdagamateurclubs zien vaan (orthodox-)protestantse signatuur en wèlle liever neet op de zondag voetballe. Um dit probleem (deils) op te losse kinne teams in de Twiede Devisie 'ne väörkäörsdaag aongeve; zoe hove ze in eder geval zoelaank ze neet promovere nog neet op de zondag te speule.

Clubs bewirk

In 't aonkoumend sezoen (2016/17) speule de volgende clubs in de Twiede Devisie:

Club Plaots Opgeriech Stadion/Complex Capaciteit
AFC Amsterdam 1895 Goed Genoeg 2.000
Excelsior Maassluis Maassluis 1918 Lavendelstraat 5.000
HHC Hardenberg Hardenberg 1954 De Boshoek 4.500
V.V. IJsselmeervogels Spakenburg 1932 Sportpark De Westmaat 8.200
VV Katwijk Katwijk 1939 De Krom 6.000
Keuninkleke HFC Haarlem 1879 Spanjaardslaan 1.500
SV Kozakken Boys Werkendam 1932 De Zwaaier 5.000
FC Lisse Lisse 1981 Sportpark Ter Specke 7.000
VV Noordwijk Noordwijk 1933 Sportpark Duinwetering 6.100
OFC Oostzaan 1932 Sportpark OFC 1.500
Quick Boys Katwijk 1920 Sportpark Nieuw Zuid 8.100
SSV Scheveningen D'n Haag 1919 Sportpark Houtrust 3.500
SV Spakenburg Spakenburg 1931 De Westmaat 8.000
Joonk Sparta Rotterdam/Maassluis 1888 Sportpark Dijkpolder 5.000
TEC VV Tiel 1924 De Lok 2.500
SV De Treffers Groesbeek 1919 Sportpark Zuid 5.000
Joonk Volendam Volendam 1977 Kras Stadion 7.384
Opmerkinge
  • 't Hoofstadion vaan AZ steit in Alkmaar, meh 't trainingscomplex is in Wijdewormer. Evezoe: FC Twente heet zie stadion in 'n aander plaots (nl. Enschede) es 't complex boe 't belofteteam späölt.
  • Sportcomplexe höbbe soms mie plaotse es de wienege die hei zien aongegeve. Zoe heet 't trainingscentrum vaan FC Twente gein tribune, meh wel staonplaotse aon de kant.

Gein vaan dees clubs heet ieder aon de aw Twiede Devisie mètgedoon. Limbörgse clubs kint de competitie neet; EVV oet Ech kaom in 2016 neet wijer es de èlfde plaots in de Topklasse zondag en bleef zoedoende in de Daarde Devisie.