Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


FC Dordrecht is 'n Nederlandse voetbalclub oet de stad Dordrech. Es apaarte profclub besteit 't sinds 1972, meh oetindelek geit de club trök op ein vaan de ajdste voetbalclubs vaan Nederland. De club, die door de jaore heer oonder diverse naome heet gevoetbald, is 't groetste deil vaan zien historie oetgekoume in de Ierste Devisie.

Historie bewirk

In 1883 woort in Dordrech de Dordrechtsche Cricket Club of D.C.C. opgeriech. Voetbal bestoont in dezen tied nog koelek in Nederland; me zuut bij mie vaan de ajdste clubs in Nederland tot ze iers mèt cricket zien begós. In 1891 woort de naom veraanderd nao D.C.F.C.; voetbal woort aon 't program en aon de naom touwgeveug. Vaanaof 1899 hètde de club gewoen nog D.F.C.

In de jaore die volgde woort D.F.C. ein vaan de bèste teams vaan Nederland. 't Woort wel noets landskampioen, meh versjèllende speulers haolde 't Nederlands èlftal. Ouch won de club twie kier d'n Holdertbeker, in 1914 en 1932. In 1954 struimde D.F.C. ouch in 't betaold voetbal in. De late jaore viefteg waor voetbal bezunder populair in Dordrecht. De stad kós neet minder es drei betaoldvoetbalclubs: neve D.F.C. späölde ouch EBOH en SC Emma in de betaolde competities. Gein vaan die clubs waor sportief evels succesvol en zoewel EBOH es Emma gónge nao e paar jaor trök nao de amateurs.

In 1972 woorte de prof- en amateuraofdeiling gesjeie. de club góng toen wijer oonder de naom FC Dordrecht. Veurzitter waor in dees jaore d'n Dordtse tv-presentator Dick Passchier. De rizzeltaote waore neet direk good. Um de club ouch boete de stad get populairder te make, duipde me ze in 1979 um tot DS'79, boebij de lètters stoonte veur Drechtstei. Zeker in zien ierste jaore woort DS'79 'n cultclub, beveurbeeld wienie in 1981 Johan Cruijff en Rob Rensenbrink get vrundsjappeleke matches veur de club späölde. 't Sportief succes waor wisselend. De club promoveerde twie kier nao de Ieredevisie (boe D.F.C. noets had gespäöld).

In 1990 duipde de club ziech um tot Dordrecht '90. 't Jaor dao-op kaom 'n fusie tot stand mèt SVV oet Schiedam. Oetindelek bleef de club in Dordrecht speule en ziene naom hawwe. Op SVV zien licentie góng de club nao de Ieredevisie, um dao twie jaor later toch weer oet te degradere. Sindsdeen vint me Dordrecht '90, wat oetindelek sinds 2002 weer FC Dordrecht hèt, veural in de Ierste Devisie. Miestal späölt ze dao örgens middenin of oonderin. Toch haolden 't in 2014 nog eine kier de Ieredevisie.

Stadion bewirk

FC Dordrecht späölt in 't Riwal Hoogwerkers Stadion, gelege op Sportpark Krommedijk boe ouch de amateurs vaan D.F.C. nog speule. Deze groond weurt sinds 1948 gebruuk; daoveur späölde D.F.C. aon de Markettenweg, achter de statie. 't Huieg stadion, wat 'n capaciteit vaan good 4.000 plaotse heet, woort in nao verbouwing 1998 opgelieverd. 't Stadion hèt nao d'n hoofsponsor vaan FC Dordrecht; vaanaof de heropening tot 2014 hètden 't stadion GN Bouw Stadion, nao d'n iederen hoofsponsor. In de volksmoond weurt nog gewoen vaan Krommedijk gesproke. Planne veur e nui stadion zien veurluipeg oetgestèld.

Tenue bewirk

Vaanajds späölde D.F.C. in 't roed en wit, de kleure vaan 't Dordts stadswaope en veendel. De amateurs vaan D.F.C. doen dat nog ummertouw: e roed shirt en 'n witte brook. DS '79 späölde in 't geel mèt mauf accente; 't oetshirt vaan 't sezoen 2016/17 rappeleert dao nog aon. Sinds d'n tied vaan Dordrecht '90 späölt de club in 't greun. Me deeg dat oersprunkelek um d'n hoofsponsor te plezere, meh naotot dee wegleep beheel me de greun kleur.

Rizzeltaote sinds 1957 bewirk

FC Dordrecht heet, oonder diverse naome (zuug bove), de volgende rizzeltaote in 't devisiesysteem behaold:

3
2
10
2
8
9
6
14
1
3
11
10
8
15
11
21
20
15
17
12
18
18
19
8
5
15
1
18
14
15
9
18
15
19
8
15
18
1
18
7
12
17
14
8
12
10
18
15
8
9
6
12
8
13
11
10
9
2
18
14
19
13
17
19
20
17
18
57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 00 01 02 03 04 05 06 07 08 09 10 11 12 13 14 15 16 17 18 19 20 21 22 23
Ieredevisie
Ierste Devisie
Twiede Devisie

Opmerking: 't Sezoen 2019/20 woort in verband mèt de COVID-19-pandemie aofgebroke.

Externe link bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=FC_Dordrecht&oldid=459965"