Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Terrorisme (van 't Letien: terror, paniek) is 't zónger wèttige gróndj plieëge van hieël zwaor geweldj of ernstige dreiging daomit, mit e politisch of religieus ènj. Inne meiste opvattingen euver waatdet terrorisme is mót 't euver illegaal geweldj gaon, meistes gekoppeldj aan börgers es slachoffers.

Terrorisme is per diffenisie neet geldj-gerilleteerdj, det wil zègke: 't ènj is neet veur zelf matterjeel rieker te waere (de meiste misdaod haet det namelik es ènj). Sómtieds waere waal biekómmendje misdäöj geplach veur aan geldj te kómme, meh den waal mitte bedoeling 't veur terroristische (dus neet geldj-gerilleteerdje) ènj te gebroeke.

't Ènj is politische verangeringen aaf te dwinge middels perforse acties die 't maotsjappelik laeven óntwrichte. Dees kónne bestaon oet 't zejje van angs, sómtieds mit hieël perforse acties, veur zoea politische stabiliteit te óngergrave. Ènj kónnen ónger anger zeen:

  • ónaafhenkelikheid van e vouk op zie gróndjgebied binnen 'ne staot;
  • verzèt taenge bestäöndje maotsjappelike, politische en/of religieus structure;
  • handjhaving vanne mach van 'n bepaoldje organisatie of óngergróndjse bewaeging binnen 'ne staot.

Zuuch ouch bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Terrorisme&oldid=383546"