Noordwijk

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Dit artikel geit euver de Zuid-Hollandse gemeinte Noordwijk. 't Gief ouch e dörp mèt dee naom in de provincie Groninge, in de gemeinte Marum; zuug Noordwijk (Groninge).

---

Gemeinte Noordwijk
Provincie	Zuid-Holland
Hoofplaats	Noordwijk
Börgemeister (lies)	Wendy Verkleij-Eimers (VVD)
Opperflaakde – daovan water	74,87 km² 16,78 km²
Inwoeners – deechde:	44.2013 (1-7-2021) 757/km²

Noordwijk (Hollands: Noorteg of Noortek) is e dörp en 'n gemeinte in de Nederlandse provincie Zuid-Holland, aon de Noordzie, te noorde vaan Katwijk, tege de grens mèt Noord-Holland. De gemeinte heet bekaans 43.000 inwoeners, daovaan good 26.000 in de plaots Noordwijk. De gemeinte umvat de kerne Noordwijk en Noordwijkerhout. Noordwijk weurt dèks informeel opgedeild in Noordwijk aan Zee en Noordwijk-Binnen. Wijer kint de gemeinte nog de naobersjappe Langeveld en De Zilk.

Noordwijk is 'n baadplaots, 't toerisme is daan ouch 'n belangrieke factor in de plaotseleke economie. Ouch hoesves de gemeinte 't ESTEC, 't oonderzeuks- en informatiecentrum vaan Europese ruumdevaartsorganisatie ESA. De vèsserij, boe Noordwijk aan Zee vaanajds vaan leefde, is in d'n twintegsten iew bekaans verdwene, dewijl ze in Katwijk beter behawwe bleef. Noordwijk-Binnen en Noordwijkerhout zien mie lendelek vaan karakter en hure bij de Bollestriek.

In Noordwijk aan Zee sprik e klei deil vaan de bevolking nog 't Noordwijks, 'n awwerwèts Zuid-Hollands dialek wat sterk rappeleert aon 't Katwijks. In Noordwijk-Binnen en Noordwijkerhout sprik me dat dialek neet; 't oonderzeuk nao de dialekte vaan de Bollestriek is nog neet zoe wied gevorderd.

Noordwijkerhout waor tot 1 jannewarie 2019 'n zelfstendege gemeinte.

Gebore in Noordwijk

• Henriette Roland Holst, diechteres

Externe link

• Website vaan de gemeinte