Kleeberg

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Mechels (Nederlands Limburg), es te dit dialek sjpriks.

---

Kleeberg (Nederlands: Kleeberg) ies 'n buurtsjap van Mechele in de gemeinte Gulpe-Wittem in 't heuvelland van Zuud-Limburg. De beboewing ies, versjpreid, gelege tege de gelieknamige berg rónd de Kleebergerwaeg tösje Mechele en Helle. D'r sjtoon hie vakwerkhäöf en -hoezer tösje bóngerde en deunehègke. In 2003 wone d'r 25 luuj.

Vakwerkhoof in Kleeberg

In 'ne holle waeg sjteit 'n helsjteine memoriekruus oet 1625. Op sjplietsinge sjtoon sjmeediezere waegkruzer.

In Kleeberg liegke ouch de sjportterreine, 'n bungalowpark en 't zjwumbad van Mechele.