Hurpesj

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Mechels (Nederlands Limburg), es te dit dialek sjpriks.

---

Hurpesj (Nederlands: Hurpesch) ies 'n buurtsjap van Mechele in de gemeinte Gulpe-Wittem in 't heuvelland van Zuud-Limburg.

Vakwerkhoes en sjtegel in Hurpesj

In de 14e ièw kump de naam Hortpes, Hortpesch en Hurtpece veur. De verklaoring zou truuk kènne goon nao 't Franse (of Waalse) heurtebise, dat plek mèt väöl bies (wind) beteikent. De nederzètting ies gelege rónd de gelieknamige Hurpesjwaeg, loupend van Helle nao de Geul. Ze besjteit oet 'n aantal häöf en hoezer. In 2002 wone d'r 40 luuj. Parallel aan de waeg sjtruimp de Klitserbaek.

Gesjiedenis

In 1369 weurt in 'n akte de naam Lenart van Hurtpece geneump es liènman van de hière van Wittem.

Bezeenswaerdig

• 'n Paar vakwerkhoezer.
• Tösje Höfke en Hurpesj liek 'n watermeule op de Geul.