Blowwe sjtèè
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Blowwe sjtèè is 'ne blow-grieze kalksjtèè dae es boewmateriaal en beelhaowmateriaal gebroekt wert. Blowwe sjtèè mot neet verward waeëre mèt Bluestone oeë de sjtèng va Stonehenge oet besjteunt.
Oetgeputte groeves bewirk
Rechter Blowwe sjtèè bewirk
Dizze sjtèè waoërt bies 1880 bie daagboew gedolve bie Recht in de buurt va Sankt Vith, Duutsjtalige Gemeensjap op 't Belsj. Daonao is bies d'r Örsjte Waeltkreeg lèjsjtèè oondergroonds gedolve. De mien is saer doe oetgeput. Vanaaf 18 mei 2007 is de Rechter groeve aoëpe vör bezeukers.[1]
Aokener Blowwe sjtèè bewirk
Dizze, duustergrieze bies soms zjwarte sjtèè mèt väöl fossiele, waoërt gedolve bie Aoke in Wolheim en Brenning. Ooch dis groeve is oetgeput. [2] D'r blowwe sjtèè van de kesjtieël Eyneburg ooch Emmaburg geneumd in Hergenrath bie Kelmis is Aokener blowwe sjtèè.
Groeves bewirk
Belzje Blowwe sjtèè bewirk
Dizze Belzje blowwe sjtèè kenmaert zich dör de reste va skeletjes va zieëlelies. Zieëlelies laeve in oondepe zieëje, sjtorve, zoonke nao d'r baom en tesame mèt calsietaafzèttinge vörmde zich in d'r loop van miljoeëne jaore d'r blowwe sjtèè. Ooch fauna-fossiele, zoewie trilobiete, sjelpe, poliepe en sjpoonze vindt me in dizze sjtèè.
Veendplaatsje bewirk
- Escaussinnes, Neufvilles en Soignies
- Condroz, o.m. Sprimont
- Yvoir
- Anhée
Productieregios bewirk
Etymologie Arduin bewirk
'ne Aandere väölgebroekde naam vör Blowwe sjtèè is arduin van 't Middelnederlands: ordune, orduun; orde, regel, 'ne op maot gehowwe sjtèè.
Aander name bewirk
- Limburg: Hèlsjtèè en Naamse sjtèè, aemse stein (Mofert)
- Nederland: Belgische hardsteen, blauwe steen en Naamse steen
- Wallonië en Vlaandere: Petit Granit
- Duutsjlaand: Belgischer granit
- Fraankriek: Hardouin en pierre de taille
- Engeland: Belgian fossil
- Slowakije: Belgický kameň