Nieswiller

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Nieswillers, es te dit dialek sjpriks.

---

Nieswiller (op 't dialekplaatsnaambord sjteit Nieswieler) (Nederlands: Nijswiller) ies 'n dörp in de gemeinte Gulpe-Wittem in Zuud Limburg. 't Dörp ies gelege langs de riekswaeg (de vreugere hièrbaan) van Mestreech nao Vaols tösje Wilder (Wahlwiller) en Mameles. In 2003 wone d'r 800 luuj.

Dionysiuskèrk

De naam kump van villare en de heilige Dionysius (Nys). Ouwer sjriefwies zint Wilra sancti Dionisii (1179) en St. Dionysiuswilre. In 1312 weurt Nyswilre gesjreve.

Langs de waeg nao Zumpelveld liek de technische onderwiesaafdeiling van sjoalegemeinsjap Sophianum.

Bezeenswaerdig

• De katholieke kèrk gewiejd aan de heilige Dionysius, 'n romaans zaalkèrkske oet de 12e ièw, dat in 1905 ies oetgebreid nao 'n óntwerp van Pierre Cuypers. 't Geboew liek Op d'r Welsj en ies opgetrokke van Kundersjtein. Saer 1835 ies Nieswiller 'n zelfsjtendige parochie.
• Kesjtièl Nieswiller oet de 13e ièw.
• De groate haof Grunnevig (Groeneweg) aan de Kèrksjtraot oet de 17e ièw, mèt aanboewe oet 18e en 19e ièw.
• Sjmeediezere waegkruus op de driesjprunk Op d'r Welsj.
• De haol waeg riechting Kruusberg, De Boanhei en de Platte bösj.

Dörpsvereiniginge

• Harmonie Excelsior
• St. Cecilia-koar.
• Carnavalsvereiniging: de Baagratte