Euvergäöl

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Mechels (Nederlands Limburg), es te dit dialek sjpriks.

---

Euvergäöl (Nederlands: Overgeul) ies 'n buurtsjap van Mechele in de gemeinte Gulpe-Wittem in 't heuvelland van Zuud-Limburg. De buurt liek ten opzichte van 't dörp Mechele aan de euverkant van de Geul, dao woa de ziebaek: de Mechel hie in oetmóndt.

Vakwerksjuur tegeneuver hoof d'r Plei

Aangrenzend liegke de buurte Graaët (Gracht) en Diek (Dijk) mèt vakwerkhoezer. Hie sjtruimp ouch de baek de Landeust effe wiejer de Geul in.

Bezeenswaerdig

• De Commandeursmeule aan de Hoofsjtraot, 'n (veurmalige) watermeule op de Geul. Oarsjprónkelik loog hie al 'n watermeule in de 13e ièw. Ze weurt ouch waal de Ónderste meule geneump. Sjtruim op, bie Höfke bevingk ziech de Bovenste meule.
• Hoof d'r Plei, 'n gesjlote boederie in vakwerk mèt lossjtaonde vakwerksjuur oet ca 1740. 't Ies 'n rieksmonument.
• Nóg 'n aantal ouw vakwerkhäöf aan de voot van 'ne haole waeg.
• 'n Waegkruus.
• De Schweiberger bösj