Wielder

Dit artikel is gesjreve (of begós) in 't Wieldesj. Laes hie wie v'r mit de versjillende saorte Limburgs ómgaon.

---

Kesjtièl Wielder

Wielder (Nederlands: Wijlre) is e dörp in de gemengte Gölpe-Wittem in Hollendsj Limburg. 't Aantal inwoeëners in 2021 is 2450. Tot 1982 waor Wielder 'n zelfsjtendige gemengte. In dat jaor woeëd 't bie de gemengte Gölpe geveugd. Wielder is bekind vanwaege de beerbroewerie van Brand die hie al sinds 1340 liekt.

Naobersjappe van Wielder

Gehuchte en buurtsjape zint:

• Baetsehaove (Beertsenhoven)
• Berghäöf (Berghof)
• Elkerao (Elkenrade)
• Aetenake (Etenaken)
• Kapolder (Kapolder)
• Sjtókkem (Stokhem)

Bezeenswaerdighede

Kesjtieël Wielder dateert waarsjienlig oet de 17e ieëw. 't Woeëd geboewd door de hieëre van Wachtendonck. Tegewoordig is 't kesjtieël in privé-bezit en wuuëd 't ouch gebroekd es expositieruimte.

De kirk van Wielder is gewieëd aan de hèllige Gertrudis. Ze dateert oet 1835 en is in 1925 vergruuët ónder architek J.H.H. van Groenendael.

De Wieldesje watermuuële, op de Guuël, besjtóng al in d'r 13e ieëw. Zie haat twieë óngersjlaagraar.

Wielder is 'n halteplaatsj aan 't Miljoenelijntje van de Zuid-Limburgse Sjtoumtrein Maatsjeppie.

In 2006 wuuëd de markante opsjlaagsilo van de beerbroewerie, dae hie gesjtange haat saer 1960, aafgebraoke.

Persone

• Joan Bertrand (pater), sjriever van proza in 't Wieldesj
• Toon Knops (1925), sjriever en troubadour van dialekleedjes.

Dörpsvereiniginge

• Carnavalsvereiniging de Puime
• Heemkundevereiniging Wielder