Berghäöf

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Wieldesj, es te dit dialek sjpriks.

---

Berghäöf (Nederlands: Berghof) is 'n gehuch behuèrend bie Wielder in de gemeinte Gölpe-Wittem. Bove-n op de Keuteberg liek 'ne typische Zuud-Limburgse haof in mergel mèt 'n bakhoes in dezelfde sjtiel. Eind jaore '90 ies de groate vakwerksjuur mèt ope vakke, die daotegeneuver loog en daobie huèrde, aafgebroke. In de buurtsjap, woa nóg 'n ander carréboerderie liek, wone ongevaer 16 luuj. Róntelum de bewoning bevinge ziech allein mer velde mèt op de krusing 'n veldkruus. Van oet Berghäöf haet me 'n wied oetziech riechting Sjin, Walem, Klumme en Eys. In de sjtiel 18% helling riechting Sjtókkem, d'n Doaje man geneump, liegke de groate sjaopswei en de wiengaard de Sjtokhemer wingerd.

Bakhoes op Berghäöf