Eëtenake

(Doorverweze van Etenake)

Dit artikel is gesjreve (of begós) in 't Wieldesj. Laes hie wie v'r mit de versjillende saorte Limburgs ómgaon.


Haof in kundersjtein in Eëtenake

Eëtenake (ouch Aetenake) (Nederlands: Etenaken) is 'n naobersjap of gehuch van Wielder (Wijlre) in de gemengte Gölpe-Wittem in Zuid Limburg. 't Gehuch is op d'r daag van huuij aan Wielder vasgegreuijd. Waal sjtunt d'r witte plaatsjnaamborde.

In 1840 besjtóng Eëtenake oet 65 hoezer, gelaege aan en um d'r groeëte waeg tösje Sjtröch, Sjoeënbrón en Wielder. Aan de uuëverkant van 't sjpaor liekt Vrómmerig. Alle waeg, die van dizze kant richting sjpaor loupe, kómme vanaaf 't plateau van Gen Berg (Ubaghsberg), Elkerao (Elkenrade) en IJzerhei (Eyserheide). D'r Vrakelberg en d'r Rensberg zunt huuëgtes van rónd de 170 meter baove AP. In de buurt van Aetenake verendere die waeg in haol waeg. 'ne Bekinde naam is de Klapsjtraot. Aan d'r uuëverkant van deze waeg sjteit e groeët waegkruuts mèt 'ne gekroeënde Christus taege 'n boerderie d´r Aetenaker Haof. Bezeenswaedig zint 'n aantal mergele en häöf en hoezer. Ouch Kundersjtein es boewmateriaal kump vuuër. Tot in de jaore 90 van d'r vurrige ieëw haw 't gehuch nog 'ne eige winkel, sjlechterie, sjoonsmaeker en tummerbedrief. Allewiel mótte de luuj nao Wielder of nao Sjin veur de waar. Parallel aan d'r groeëte waeg sjtruimp de Guuël.

 
Gemeinte Gulpe-Wittem
Dörper: Ees · Gulpe · Ieëpe · Mechele · Nieswiller · Partei · Rimmesjtók · Sjlennich · Wielder · Wilder · Wittem
Buurtsjappe en gehuchte: Aoverees · Berghäöf · Berghem · Betsehaove · Billinghoeze · Bisse · Böätenake · Bómmerig · Brook · Dal · De Hut · Dringsele · Eëtenake · Elkerao · Elzet · Euvergäöl · Ezerhei · Heieret · Helle · Hilleshage · Höfke · Hurpesj · De Ieëperhei · Ingber · Kapolder · Kertiels · Kleeberg · Kling-Kulle · Kling-Kuttinge · Kosberg · Krapoel · Kuttinge · Landserao · Öäverem · Peëzeke · D'r Piepert · Plaat · Sinselbaach · Sjilberg · Sjweeberig · Sjtókkem · Tippelder · Terpaote · Terziet · Waterop
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Eëtenake&oldid=339130"