Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Poperinge in Wes-Vlaandere.
Poperinge mèt deilgemeintes en aongrenzende (deil)gemeintes (zuug de hoofteks veur 'n verklaoring).
Raodhoes vaan Poperinge.
Janskèrk in Poperinge.

Poperinge (Wes-Vlaoms: Poperienge; Frans en Ingels: Poperinghe) is 'n stad in de Belzje provincie Wes-Vlaandere, arrondissemint Ieper, aon de grens mèt Fraankriek. De stad mit 119,33 km² en had op 1 januari 2008 19.837 inwoeners.

GeografieBewirk

DeilgemeintesBewirk

Poperinge besteit oet zes deilgemeintes. Poperinge zelf is daovaan mèt 47,61 km² en 13.318 inwoeners wiedoet de groetste. Binne zeker twie deilgemeintes ligke nog aander kerne.

Aongrenzende (deil)gemeintesBewirk

BezeensweerdeghedeBewirk

Door zien bleuj in de middeliewe stoon in 't centrum vaan Poperinge 'n aontal intersante gotische gebouwe, wie de Bertinuskèrk, de Janskèrk (zuug foto) en de Slevrouwekèrk. 't Raodhoes is in 1911 in neogotiek opgetrokke. Ouch 't Weeuwhof (wedevrouwehoof), e begienehoofechteg pleintsje, is bezeensweerdeg. In de umgeving vint me versjèllende begraofplaotse oet d'n Ierste Wereldoorlog, zoewel veur Geallieerde es veur Centraol soldaote.

HistorieBewirk

Poperinge weurt um 850 veur 't iers geneump, es Pupurninga. De plaots is daan nog 'ne villa, wat wèlt zègke 'dörpke'. De locatie waor evels al in 't neolithicum bewoend; in de Romeinsen tied leep de weeg vaan Kassel nao Aardenburg hei veurbij. Vaanaof de vreug middeliewe tot aon de Franse revolutie waor de abdij vaan Sint-Omaars (Saint-Omer) lienhier vaan Poperinge. Vaanaof d'n dertienden iew bleujde, wie in wel mier Vlaamse stei, de lake-industrie, die tot in de zestienden iew veur riekdom zouw blieve zörge. Daonao woort de hopcultuur (veur beerbrouwerije) belaankriek. In de Spaonse, Oosteriekse, Franse en Nederlandsen tied bleef 't stedsje ingeslaope; ouch in 't Belsj kaom 't neet tot groete oontwikkeling. In d'n Ierste Wereldoorlog laog Poperinge veur de frontlinie (vaanoet Duits perspectief); 't waor dus vrij Belsj gebeed. Ouch heet de stad neet, wie Ieper wel, te lije gehad vaan besjetinge. Kortbij Poperinge stoont e lazarèt. In 1977 woorte de gemeintes Proven, Reningelst, Roesbrugge-Haringe en Watou aon Poperinge touwgeveug; Proven had daoveur in 1971 zelf al de gemeinte Krombeke geannexeerd.

Bekinde PoperingnereBewirk

Extern linksBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Poperinge&oldid=411772"