Diksmuide

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Diksmuide in Wes-Vlaandere.

Diksmuide mèt deilgemeintes en aongrenzende (deil)gemeintes (zuug de hoofteks veur 'n verklaoring).

Raodhoes, Belfort en Sinterklaoskèrk in Diksmuide.

Diksmuide, gezeen vaanaof d'n IJzertoren.

Diksmuide (Wes-Vlaams: Diksmude of Smude; Frans: Dixmude) is 'n stad in de Belzje provincie Wes-Vlaandere; de hoofplaots vaan 't arrondissemint Diksmuide. De stad heet 'n oppervlak vaan 149,40 km² en had op 1 januari 2008 15.998 inwoeners.

Geografie

Deilgemeintes

Diksmuide heet neet minder es vieftien deilgemeintes. Diksmuide zelf heet 'n oppervlak vaan 2,12 km² en had in 2007 5.180 inwoeners.

I. Diksmuide II. Esen III. Kaaskerke IV. Beerst V. Vladslo VI. Leke VII. Keiem VIII. Stuivekenskerke

IX. Pervijze X. Lampernisse XI. Oostkerke XII. Oudekapelle XIII. Sint-Jacobskapelle XIV. Nieuwkapelle XV. Woumen

Aongrenzende (deil)gemeintes

a. Zande (gemeinte Koekelare) b. Koekelare (gemeinte Koekelare) c. Bovekerke (gemeinte Koekelare) d. Werken (gemeinte Kortemark) e. Zarren (gemeinte Kortemark) f. Klerken (gemeinte Houthulst) g. Jonkershove (gemeinte Houthulst) h. Merkem (gemeinte Houthulst) i. Reninge (stad Lo-Reninge)

j. Lo (stad Lo-Reninge) k. Alveringem (gemeinte Alveringem) l. Zoutenaaie (stad Veurne) m. Eggewaartskapelle (stad Veurne) n. Avekapelle (stad Veurne) o. Veurne (stad Veurne) p. Ramskapelle (gemeinte Nieuwpoort) q. Schore (gemeinte Middelkerke) r. Sint-Pieters-Kapelle (gemeinte Middelkerke)

Ligking

Door de gemeinte Diskmuide, ouch langs de stad zelf, löp de reveer d'n IJzer. De gemeinte vörmp landsjappelek gezeen d'n euvergaank vaan de Polders in 't weste nao 't Houtland in 't ooste.

Bezeensweerdeghede

Diksmuide heet e middeliews stadscentrum, wat nao complete verweusting in d'n Ierste Wereldoorlog gooddeils gerestaureerd is. Belaankriekste monuminte zien de Sinterklaoskèrk en 't raodhoes aon de Groete Merret. Aon d'n Ierste Wereldoorlog herinnere d'n IJzertoren en d'n Doejegaank, allebei aon d'n andere kaant vaan d'n IJzer, op 't groondgebeed vaan deilgemeinte Kaaskerke. In Keiem en Vladslo vint me nog e Belzj resp. e Duits militair kèrkhof.

Historie

Al in d'n twelfden iew waor Diksmuide e veurnaom centrum vaan regionaolen handel. In 1270 woorte de walmör gebouwd. Nao de middeliewe bleef de greuj get achter. In 1914 woort Diksmuide gans verweus in de Slaag bij d'n IJzer; de weeropbouw doort jaore (nog in 1920 had de stad mer 1.113 inwoeners, tege 3.884 in 1910). Ouch in d'n Twiede Wereldoorlog leep de stad sjaoj op.

In 1965 woorte de opgeheve Esen en Kaaskerke es deilgemeinte aon Diksmuide touwgevoog. In 1977 volgde daan de gemeintes Beerst, Vladslo, Leke, Pervijze, Driekapellen en Woumen (boete de Woumense parochie Jonkershove, die nao Houthulst góng). Driekapellen waor zelf in 1971 es fusiegemeinte oontstande oet Oudekapelle, Nieuwkapelle en Sint-Jacobskapelle, dewijl datzelfde jaor Beerst al de gemeinte Keiem had geannexeerd en Pervijze de gemeintes Stuivekenskerke, Lampernisse en Oostkerke.

Extern links

• Website vaan de gemeinte