Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Izegem in Wes-Vlaandere.
Izegem mèt deilgemeintes en aongrenzende (deil)gemeintes (zuug de hoofteks veur 'n verklaoring).
Heileg Hartkèrk in Izegem.

Izegem is 'n stad en gemeinte in de Belzje provincie Wes-Vlaandere, in 't arrondissemint Roeselare. De gemeinte heet 'n oppervlak vaan 25,48 km² en had op 1 januari 2008 26.781 inwoeners.

Geografie bewirk

Deilgemeintes bewirk

Izegem heet drei deilgemeintes. De deilgemeinte Izegem zelf heet 'n oppervlak vaan 14,88 km².

Aongrenzende (deil)gemeintes bewirk

Ligking bewirk

Door de gemeinte Izegem struimp 't Roeselare-Leiekenaal. Izegem zelf ligk zuielek, Kachtem en Emelgem ligke noordelek vaan 't kenaal. De drei dörper weure verboonde door 'n oetgebreid industriegebeed wat ziech aon allebei de kante vaan 't kenaal oetstrek.

Economie bewirk

Izegem had tot haafweeg veuregen iew 'ne groetsjaolege industriele sector (sjeun, beurstele, olie). Dao is noe neet al te väöl mie vaan euver. Belaankrieker is allewijl 't Veujingsoliefebrik Vandemoortele.

Cultuur bewirk

Bezeensweerdeghede bewirk

In en bij Izegem vint me de neogotische Heileg Hartkèrk (foto) en de kestiele Blauwhuis en Wolvenhof. Bekinder zien de musea euver 't industrieel verleie vaan de plaots: 't Sjeunmuseum, 't Beurstelmuseum en 't Stoummachienemuseum.

Taol bewirk

't Izegems dialek is Continentaol (zuidoostelek) Wes-Vlaams en liekent väöl op 't Kortrijks. Dao zien versjèllende publicaties euver versjene, boe-oonder 'n idioticon (Balcaen, Bogaert, Cneut en Vercreysse, 1994). 't Dialek is bekind tot wied boete de provincie door 't werk vaan 't Hof van Commerce en Flip Kowlier.

Historie bewirk

Izegem, oontstande in de middeliewe, bleujde al in d'n daartienden iew es steidelek centrum. Wie mie Vlaamse stei heel 't ziech mèt lake-industrie bezeg. Daonao sleep 't stedsje in, tot d'n aonlègk vaan 't Roeselare-Leiekenaal de economie weer momentum gaof. Tösse 1850 en 1950 woort Izegem eint vaan de belaankriekste industrieel centra in de aanders zoe agrarische provincie. Nao 1950 veel de industrie lankzaam in. In 1965 (opmerkelek vreug) woort Emelgem bij Izegem geveug, in 1977 volgde Kachtem.

Bekinde Izegemnere bewirk

Extern links bewirk

 
Provincie Wes-Vlaandere
 

Alveringem · Anzegem · Ardooie · Avelgem · Beernem · Blankenberge · Bredene · Brugge · Damme · De Haan · De Panne · Deerlijk · Dentergem · Diksmuide · Gistel · Harelbeke · Heuvelland · Hooglede · Houthulst · Ichtegem · Ieper · Ingelmunster · Izegem · Jabbeke · Knokke-Heist · Koekelare · Koksijde · Kortemark · Kortrijk · Kuurne · Langemark-Poelkapelle · Ledegem · Lendelede · Lichtervelde · Lo-Reninge · Menen · Mesen · Meulebeke · Middelkerke · Moorslede · Nieuwpoort · Oostende · Oostkamp · Oostrozebeke · Oudenburg · Pittem · Poperinge · Roeselare · Ruiselede · Spiere-Helkijn · Staden · Tielt · Torhout · Veurne · Vleteren · Waregem · Wervik · Wevelgem · Wielsbeke · Wingene · Zedelgem · Zonnebeke · Zuienkerke · Zwevegem

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Izegem&oldid=463351"