Middelkerke

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Middelkerke in Wes-Vlaondere.

Middelkerke mèt deilgemeintes en aongrenzende (deil)gemeintes (zuug de hoofteks veur 'n verklaoring).

Boulevard mèt casino in Middelkerke.

Middelkerke is e dörp en 'n gemeinte in de Belzje provincie Wes-Vlaondere, in 't arrondissemint Oostende, aon de Noordzie. De gemeinte mit 75,65 km² en had op 1 januari 2016 19.262 inwoeners.

Geografie

Deilgemeintes

Middelkerke besteit oet nege deilgemeintes. Middelkerke zelf besleit 5,08 km² en is mèt 7.000 inwoeners de groetste deilgemeinte.

I. Middelkerke II. Westende III. Lombardsijde IV. Wilskerke V. Leffinge

VI. Slijpe VII. Mannekensvere VIII. Schore IX. Sint-Pieters-Kapelle

Aongrenzende (deil)gemeintes

a. Oostende, kèrkdörp Raversijde b. Stene-Dorp (stad Oostende) c. Snaaskerke (stad Gistel) d. Zevekote (stad Gistel) e. Zande (gemeinte Koekelare) f. Leke (stad Diksmuide)

g. Keiem (stad Diksmuide) h. Stuivekenskerke (stad Diksmuide) i. Pervijze (stad Diksmuide) j. Ramskapelle (stad Nieuwpoort) k. Sint-Joris (stad Nieuwpoort) l. Nieuwpoort

Ligking

De gemeinte Middelkerke ligk veur e groet deil in 't Vlaams Polderlandsjap, meh is veural bekind es badplaots. Ze heet mier kilometer strand es welke aander Belzje gemeinte daan ouch.

Bezeensweerdeghede

Middelkerke waor iewelaank 'n oonaonzeenlek dörpke en heet daodoor neet väöl aw gebouwe. Vaan de Willebrordskèrk is allen d'n torie (zeventienden iew) oersprunkelek; de res vaan de kèrk stamp oet de jaore twinteg es is in neoromaanse stijl opgetrokke. 't Raodhoes kump oet dezelfden tied en stei in neorenaissancestijl. Aon de zie ligk e casino (foto) en stoon versjèlle standbeelder vaan Belzje stripfigure (Middelkerke afficheert ziech es 'stripdörp').

Historie

Middelkerke oontstoont es de centraol (middelste) parochie op 't eiland Testerep, boevaan Westende en Oostende de uterste waore. 't Dörp bleef iewelaank klein en oonaonzeenlek en leefde vaan de vèsserij. In d'n Ierste Wereldoorlog is hei hel gevochte. Veural in d'n twintegsten iew is de plaots good gegreujd door 't opkoumend toerisme. In 1977 woort Middelkerke oetgebreid mèt de opgeheve gemeintes Westende, Wilskerke, Leffinge en Spermalie. Spermalie waor in 1971 zelf gevörmp oet Slijpe, Mannekensvere, Schore en Sint-Pieters-Kapelle, Westende had in datzelfde jaor Lombardsijde geannexeerd.

Extern links

• Website vaan de gemeinte