Neogotiek

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

D'r neogotiek is 'ne neosjtiel oet d'r Romantiek in d'r 19de en begin 20ste ieëw. 't Waor 'n heroplaeving van d'r middelieëwse gotiek.

't Oondersjèèd tösje gotiek en neogotiek is 't boewmateriaal en d'r aard van de geboewe die gemakd waoërte. In de middelieëwe waoërte vriewal allèng religieus geboewe, wie kèrke en kloeësters in d'r gotische sjtiel geboewd. In d'r 19de ieëw kènt dat ooch 'n station, 'n handelsbeursj of 'ne uvverdèkde maert zieë. Typisch is ooch dat me bie de restauratie va middeleeuwse monumaente dèk nao èège opvatting verbaeëterde i.p.v. ze te hersjtelle in hunne vreugere sjtaot. Al nao gelang d'r tiedsgeest vindt me dat die verbaeëteringe get toevoege of aafbroaëk deunt an 'n geboew. Architecten die in dizze sjtiel boewde zeunt: Carl Weber, P.J.H. Cuypers en Johan Kayser.

Engelsje gotiek

D'r Engelsje perpendicular gothic, dae noeëts waor oetgesjtorve, belaeft in d'r 19de ieëw z'ne lètste bleuj. Zoe boewt CH. Barry 't Parlemaentsgeboew in Londe in 1840-1852.

Neogotiek in Nederlands-Limburg

De neogotische boewsjtiel woort veural toegepas in religieus boewwerke zoeë-es kèrke en kapelkes.

• Amie, Walburgkèrk (1897)
• Awstrao, Slevevrouw Onbevlek Ontvange kèrk (1852-1856) architect Carl Weber
• Berg (Valkeberg), Monulphus en Gondulphuskèrk (roond 1930) archtitecten Peutz en W. Sprenger
• Bor, Martinuskèrk
• Doonder, Jozefkèrk, pastorie en Warblinghoes (1900)
• Ech, Kapel Karmelitessekloeëster (1879) en oetboew 15de ieëwse hallekèrk P.J.H. Cuypers
• Geulem, Kesjtieël Geulzich (19de ieëw) architect Henri Reek
• Hieër, Petruskèrk (1903)
• Hölsberg, Franciscanessekloeëster
• Jaobik, Gertrudiskèrk (1858), P.J.H. Cuypers
• Maer, Lambertuskèrk (1876) architect P.J.H. Cuypers
• Op de Bies, Mariakapel (1933)
• Ruiver, Lambertuskèrk (1878-1880) architect Johan Kayser
• Sjömmert, Remigiuskèrk
• Stein, Sjip van de Martinuskèrk
• Ulesjtraote, Catharinakèrk (1904)
• Valkeberg, Wilhelminatore (1906)
• Viele, kèrk gewiejd aan de heilige Martinus; architect Weber (1862)
• Vols, Katholieke St. Pauluskèrk, kruusbasiliek oet 1893, óntworpe door architect Johannes Kayser.
• Wiek (Mestreech), Martinuskèrk (1857-1858)
• Wolder, Corneliuskèrk (1888) architect Johan Kayzer

Neogotiek in Belsj-Limburg

In d'r Voersjtrieëk

• Teuve, Petruskèrk (1881-1887) architect H. Plénus
• Rimmersjdel, BasilicaleHeribertus kèrk (1876-1879) architect L. Blandot va Huy
• Voere, bie väörmalèg Ursuline kloeëster, de kapel (1900)

In Tongere

• Slevevrowwekleesj

Neogotiek in Luuk

In 't Laand va Herf

• Aubel, Hubertuskèrk (1910)

Duutsjtalige Gemeensjap

• Kelmis, Mariahiemelvaartkèrk