Oostkamp

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Oostkamp in Wes-Vlaandere.

Oostkamp mèt deilgemeintes en aongrenzende (deil)gemeintes (zuug de hoofteks veur 'n verklaoring).

Pieterskèrk in Oostkamp.

Oostkamp (Wes-Vlaoms: Ôostkamp) is e dörp en 'n gemeinte in de Belzje provincie Wes-Vlaandere, in 't arrondissemint Brugge. De gemeinte besleit 'n oppervlak vaan 79,65 km² en had op 1 januari 2014 23.024 inwoeners.

Geografie

Deilgemeintes

De gemeinte Oostkamp besteit oet veer deilgemeintes. Oostkamp zelf is daovaan mèt 34,19 km² en 12.683 inwoeners (2004) de groetste. In de deilgemeintes Oostkamp en Ruddervoorde ligke ouch nog aander kerne.

• I. Oostkamp
  • V. Moerbrugge
  • VII. Steenbrugge
• II. Hertsberge
• III. Ruddervoorde
  • VI. Baliebrugge
• IV. Waardamme

Aongrenzende (deil)gemeintes

a. Sint-Michiels (stad Brugge) b. Assebroek (stad Brugge) c. Oedelem (gemeinte Beernem) d. Beernem (gemeinte Beernem) e. Wingene (gemeinte Wingene)

f. Zwevezele (gemeinte Wingene) g. Lichtervelde (gemeinte Lichtervelde) h. Torhout (stad Torhout) i. Veldegem (gemeinte Zedelgem) j. Loppem (gemeinte Zedelgem)

Bezeensweerdeghede

In 't dörp vint me de Sint-Pieterskèrk (foto), 'n gotische hallekèrk mèt Romaansen torie. In de umgeving zien e paar kestiele in neo-renaissancestijl te zien, wie Kestiel Gruuthuse (op de fundaminte vaan 'n othentiek middeliews kestiel).

Historie

De naom Oostkamp kump vaan orscamp 'peerdskamp'; ors is etymologisch geliek aon 't Ingels horse en 't Standaardnederlands ros. In de twintegsten iew greujde 't dörp oet tot 'n veurstad vaan Brugge. In 1977 woorte de gemeintes Hertsberge, Ruddervoorde en Waardamme es deilgemeintes aon Oostkamp touwgevoog.

Extern links

• Website vaan de gemeinte