Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Deerlijk in Wes-Vlaandere.
Deerlijk mèt aongrenzende (deil)gemeintes (zuug de hoofteks veur 'n verklaoring).
Columbakèrk in Deerlijk

Deerlijk (Oos-Vlaoms: Deirlaik, Wes-Vlaoms: Deirliek) is 'n gemeinte in de Belzje provincie Wes-Vlaondere, in 't arrondissemint Kortrijk. De gemeinte heet 'n oppervlak vaan 16,82 km² en op 1 januari 2008 11.283 inwoeners.

GeografieBewirk

DeilgemeintesBewirk

Deerlijk heet gein deilgemeintes. Wel ligk binne de gemeinte nog 'nen twiede kern.

Aongrenzende (deil)gemeintesBewirk

NatuurBewirk

In de gemeinte Deerlijk vint me 't natuurgebeed De Gavers.

CultuurBewirk

BezeensweerdeghedeBewirk

In Deerlijk vint me 'n gotische kèrk gewijd aon Sint-Columba. In de umgeving stoon de meule Ter Geest en Te Zande en 't Gaverkestiel oet 1890.

MuseaBewirk

't Geboortehoes vaan René De Clercq is es museum ingeriech.

TaolBewirk

In Deerlijk sprik me e dialek oet de euvergaanksgróp vaan Wes- nao Oos-Vlaoms, meh vaanaajds waor dit dialek veural Oos-Vlaoms vaan karakter. Recentelek is dao evels verandering in gekoume: dinkelek door d'n drök vaan Kortrijk zien de diftonge ij en ui (die me in Kortrijk es 'boers' huurt) trök vervaange door de einklaanke ie en uu, die typisch Wes-Vlaoms zien. Teikenend is 't werk vaan zengeres Hannelore Bedert, aofkumsteg vaan Deerlijk, die typisch veur häör generatie (*1984) Wes-Vlaoms sprik en zingk.

HistorieBewirk

De plaots Deerlijk waor al in de prehistorie bewoend. Dao zien vóndste gedoon oet de Tjongercultuur (laat-Paleolithicum, ca. 7.000 veur Christus), wie ouch neolithische, Gallo-Romeinse en Merovingische vóndste. Of Deerlijk es zoedaneg al in de Romeinsen tied bestoont is neet dudelek; M. Gysseling meint vaan wel en leit de naom Deerlijk aof vaan 't Gallisch Trasiliaco, 'bezit vaan 'ne zekere Trasilos'.

De gesjreve historie begint in d'n tienden iew es graof Arnulf de Groete vaan Vlaondere de Sint-Pietersabdij in Gent 't Medelewoud te lien gief. Es dit woud weurt oontgonne, oontsteit lankzaamaon e dörp wat oetgreujt tot Deerlijk. Vaan de vieftienden tot de zeventienden iew is 't dörp in han vaan de familie De Costere; hun familiewaope is sinds 1937 't waope vaan Deerlijk.

Bekinde DeerlijkenereBewirk

Extern linksBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Deerlijk&oldid=342508"