Kling-Kuttinge

Dit artikel is gesjreve (of begós) in 't Ieëpesj. Laes hie wie v'r mit de versjillende saorte Limburgs ómgaon.

---

sjlingerwaeg vanoet 't gehucht

Kling-Kuttinge (Nederlands: Klein-Kuttingen) is 'n gehucht va Kuttinge, wat op zieng beurt wer e gehucht is va Ieëpe in de gemingte Gulpe-Wittem in 't heuvelland in Zuid-Limburg. 't Gehucht is de meest zuidelik gelaege nederzètting va Hollend. Dao sjteet gee plaatsnaambord. 'n Gedeelte van de häöf en hoezer lient an inge kant van d'r waeg 't Veld nao 't centrum van Sippenake. D'r andere kant van de sjtraot huurt bie Sippenake in Wallonië.

Bezeenswaerdig

Haof 't Veld

• De monumentale, allingsjtaande haof 't Veld is gebowd in vakwerk.
• Haof de Eik is landelik gelaege op de grens mit 't Belsj en sjtamt oet 1925.
• Vanoet 't gehuchske hat men oetzicht uvver 't heuvelland en uvver 't Belsj.
• Kastiel Beusdal liekt jus uvver de grens, op loopaafsjtand.

Tösje Kuttinge en Kling-Kuttinge liekt de nederzètting Kling-Kulle (Nederlands: Klein-Kullen), an de voot van 'ne berg baove de Sielerbaek.