Volta Limburg Classic
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
De Hel van 't Mergellandj is 'ne eindaagse wielerwedsjtried, dae, zoa-es de naam al deid vermoede, wirt gehauwe in 't Zuud-Limburgse mergelgebeed.
De Hel van 't Mergellandj beheuërt tot de zjwaorste klassiekers in de Nederlandse wielerwaereld en veur völ jóng renners is ’t winne van deze wedsjtried 'ne druim. Allein de meis talentvol renners kómme in aanmerking veur 't eërepodium. 't Is 'ne wedsjtried van zjwaor beklömminge, sjnel afdalinge, vreug oetvallers, raege- en hagelbuje, valpartieje, nipte euverwinninge en talentvol winnaers. De wedsjtried wirt in 't zuje ómsjreve es 'ne "parel van de wielersjport".
Parcour
bewirkSjtart en finish van de wedsjtried is in Eijsde. 't Parcour veurt de renners eësj euver Belsj gebied, mèt naome de Voersjtreek en deile van de provincie Luuk, wonao weer via Eijsde 't Limburgse heuvellandj deent te waere bedwónge, wobiej ónger angere de Gulperberg, de Koning van Sjpanje en Eyserbosjwaeg es sjerprechtere fungere. De Hel, zoa-es de wedsjtried in Limburg wirt geneump, woort veur 't eësj in 1973 georganiseerd in 't kader van de Amateur-Top-Competitie en pès 1992 is de wedsjtried ouch es zoadanig verreje.
Gesjiedenis
bewirkIn de jaore van 1987 pès 1992 woorte ummer veer wedsjtriede verreje n.l. de Amateur-Top, de Amateur-Promotie, de Junioren-wedsjtried en de Dames-wedsjtried. Vanaaf 1993 is de Hel van 't Mergellandj aevel 'ne 1.5 UCI-klassieker. Saer 2005 is de wedsjtried ónderdeil van de UCI Europe Tour en haet de Hel 'ne 1.1-status.
Prominente winnaers zint: Herman Snoeyink, Max van Heeswijk, Tom Cordes, John van den Akker, Nico Sijmens en de lètste nuuj revelatie Tony Martin. De meiste euverwinninge behaolde Raymond Meijs in de jaore 1990-1997-1998-1999. 'ne Angere Limburgse winnaer is Mathieu Dohmen oet Bor.
De lies van winnaers van de juniorewedsjtried vermeld allein mèr bekènde name, zoa-es Michael Boogerd dae de wedsjtried in 1990 op ziene naam sjreef en Adrie van der Poel dae succesvol waas in 1980. Biej de dames waas Monique de Bruin winnaer in 1987, zie woort in 1988 opgevolg door Heleen Hage.
Ouch de lokale wielertalente Ad Wijnands en Jo Maas lègkde in de Hel de basis veur hun latere carrière es fitserenner. Allebei woorte ze in latere jaore winnaers van ’n etappe in de Runj van Frankriek.
Lies van winnaers
bewirkExterne link
bewirkBrón
bewirk- Euvergezat oet Wikipedia NL