Wikipedia:De kaffee/Arsjief071011

Biografieë óp alfabet

Ich goon mieng lemma's nao.--Mergelsberg 12 fib 2010 09:47 (CET)

Werk in oetveuring

Nao aolleiing vaan Euverlèk:Kelte:

Leef lui, de categorie:Werk in oetveuring zit vol mèt artikele die nog mote weure aofgemaak. Soms zien dat artikele die dao lètterlek al jaore op wachte. Dat kin ech neet huur, in 'n op de kwaliteit geriech artikel. Nog veur de stumpkes en onvoltoejde artikelreekse mote veer us, vin iech, hei-op riechte.

Iech zeen in de lies ouch artikele vaan aander lui boebij miech de han jeuke, meh ierlek gezag zouw iech 't neet leuk vinde es iemes aanders mien artikel aofmaakde. Dat zal veur de aandere ouch wel gelle. Iech wèl daorum 't volgende veurstèlle: Iers krijg edereine d'n tied um "zien eige" artikele aof te make.Jehzeker aonholingsteikes: artikele zien niemes zie bezit. Iech mein hei natuurlek: artikele door 'ne gebruker zelf begós. Tot 't ind vaan de maond, is dat e good idee? Daonao kinne de gebrukers mèt mie tied en zin de aander artikele aonpakke, bij veurkäör die in hun eige dialek of in hun eige expertise.

Es die ganse lies is eweggewèrk, mote v'r 'n termijn stèlle boe-op die dinger in 't vervolg veerdeg mote zien, of teminste wie laank me ze maag laote ligke. Iech zouw es regel wèlle stèlle: neet langer es twie maond 't artikel neve diech neerlègke. En dat is nog hiel laank; eine maond of nog minder zouw veur de kwaliteit e stök beter zien.

Tot slot wèl iech nog eve zègke tot veer us hei-aon allemaol sjöldeg höbbe gemaak, zeker iech ouch. Steinbach 12 fib 2010 12:12 (CET)

Hoi, iech wèl veurstèlle um de termijn mèt 'ne maond te verlenge. Um te beginne woort 't veurstèl gedoon op 'n tiedstip tot väöl lui minder tied hadde hei (Carnaval!). Daoneve, op dit momint gief 't 122 WIO's in de hoofnaomruimte, boevaan 9 vaan miech zelf (dat beteikent euveriges tot 't 'rs nog mie es 110 gief vaan die 5-6 zier reguliere gebrukers hei, oftewel gemiddeld 20! de maan). Iech bin aon 't probere um die vaan miech aof te make, mer dat geit gewoenweg neet lökke veur 't ind vaan dees maond.

Dus 1 aprèl? gei grepke

Euveriges is 'n termijn vaan 'n maond um 'ne WIO aof te make dink iech wel genóg. - Pahles | zègk 't mer 24 fib 2010 09:04 (CET)

Eine WIO dat geit nog, meh iech zeen miech neet ´n groat aantal wio´s aafmake binne eine maond. Dan make v´r d´r mer sjtumpkes van--Aelske 24 fib 2010 11:16 (CET)

Iech höb dat wel leuk gezag, meh toen kreeg iech 't innins versjrikkelek drök mèt mien studie... Iech bin dus ouch veur verlènge. Steinbach 24 fib 2010 12:10 (CET)

Neet-vandalistische pazjes gewis

Daag lui, vaandaog bij 't fiener categorisere vaan de Limburgse dialekte ouch e bitteke oonderhaajd gedoon. Daobij höb iech e paar pazjes eweggegoejd, neet umtot ze vandalisme waore, meh umtot ze geine zinvollen inhaajd hadde. 't Geit um Häörs, Hertes, Oeësjbiks en Vaosters.

Alleveer waore 't artikele vaan 't typ "'t Zuzaots is 't dialek wat gesproke weurt in Zuzaote", zoonder wijer informatie euver de eigeheid of eventueel sjrievers. Die informatie kin me ouch wel oet de titel hole, dus väöl nöt höbbe ze neet. Moch geer evels vinde tot iech ouch zoe'n pazjes neet hej mage wisse, daan huur iech dat gere. Es de consensus aanders bliek te zien, kin iech de artikele weer trökzètte. Steinbach 13 fib 2010 17:50 (CET)

't Gief waal beuk euver 't dialek van Herte, zuug hie. Kint emes neit toch probere dao get mie van te make? Solejheyen 25 fib 2010 09:19 (CET)

Este diech dat book örges vaandan kins vèsse, gaank diene gaank... este geinen tied höbs, sjik 't nao miech op en iech sjrijf 't wel. Steinbach 25 fib 2010 12:11 (CET)

Holland op boetelandse Wikipedia's

Tot op 't Grieks platteland bekind...

Leef lui,

Nao vaandaog zal iech miech neet gaw sjöldeg veule umtot iech op de Limburgse Wikipedia zoeväöl euver Holland sjrijf. Rei: de Aroemeense Wikipedia heet 'n artikel euver Aarlanderveen! Noe vraog iech uuch... Aarlanderveen, gemeinte Alphen aan den Rijn, is e klei dörp in Zuid-Holland vaan good 1000 inwoeners, boe niks bezunders mèt is (al ligk 't wel sjiek in 't Greun Hart). Aroemeens is 'n bedreigde minderheidstaol in Griekeland; hunne Wikipedia is (gemete in aontal artikele) oongeveer zoe groet wie dee vaan us. De vraogs diech aof: boeveur!? Bijkumstegheid: ze höbbe nog gein artikel euver de gemeinte Alphen aan den Rijn of de provincie Zuid-Holland; dao zien zelfs gein links nao 't artikel. Steinbach 4 mrt 2010 17:30 (CET)

"De lente die begon"

...in Limbörg. Of waor 't noe in Tirol? Huurt 't uuch mer eve aon leef lui. Hei weur d'r blij vaan! Steinbach 23 mrt 2010 14:14 (CET)

De gemeinsjap

Leef lui,

Twie gerelateerde planne hei, boe iech uuch gere - zoe meugelek positief - euver huur.

In ieder oontwikkelingsstadia vaan de Limburgse Wikipedia höbbe v'r es gemeinsjap wel ins real-life-euverlègk mètein gehad euver Wikipedia-zaker, in 'n oontspanne kaffee-situatie. Dees gewoente steit bekind es "Wikimeet". Later is dat minder nujeg gewees aongezeen iech de actiefste gebrukers vaan li:-Wikipedia persoenlek good kós en dèks zaog. Allewijl is de gemeinsjap groeter en kinne v'r us neet allemaol persoenlek. Miech liek 't e good idee um örges dit jaor weer ins 'ne Limbörgse Wikimeet te belègke.
 Dat zouw in mien optiek mierder doele diene. Um te beginne is 't gezelleg en veur miech is dat al e doel op ziech. Ten twiede heet exclusief communicatie euver 't internèt groete naodeile: de begrieps diech oonderein slechter en dao kumpvreug of laat gevreigel vaan, wee 't ouch is. Gelökkeg is dat hei vrij zeldzaom, meh tot 't wel veurkump hoof iech uuch neet te vertèlle. Ten derde zouw iech gere e paar fundamenteel zake wèlle bespreke, die 'n ope discours vraoge en minder gemekelek elektronisch tot e good ind zien te bringe. Iech dink aon vraogstökker zoewie "wie kriege v'r Belzje/noord-Limbörgers/mie gebrukers in 't algemein nao de wiki", "wie binne v'r lui aon us tot ze blieve bijdrage" en "kinne v'r dinke aon samewèrking". Alloh, iech geef 't touw, dit zien allemaol dinger die ouch hei mote weure besproke, meh boevaan 't zeker gei koed kin um dao ins same in 't ech euver nao te dinke.
 't Twiede plan betröf samewèrking mèt eus streektaolbreurkes en -zösterkes. Kinne v'r get liere vaan de Friese Wikipedia, die väöl groeter is, of vaan de Nedersaksische Wikipedia, mèt mier actief gebrukers? Mesjiens e good idee um us same te presentere es dat zoe oetkump?
 Iech snap natuurlek ouch wel: zoeget kos tied en dao zitte v'r allemaol krap mèt. Meh hopelek toch neet ummer eve erg. Iech dink tot wel einen daag vrijgemaak moot kinne weure veur ins örges in Limbörg (Remun? Lekker centraol) ins bijein te koume. 'ne Wikimeet same mèt noordelinge, oosterlinge en zuidwesterlinge zouw natuurlek nóg gezelleger zien, es edereine streekprodukte mètnump enzoe, meh 't zouw lesteger zien um daan edereine bijein te kriege, aongezeenste daan nao Utrech of zoe moos (veur miech neet zoe'n ramp trouwes). Mer alloh, wat meint geer heivaan? Steinbach 24 mrt 2010 19:37 (CET) P.S. E good oor mèt dit beriech gewach, meh Wikipedia is weer online, jee!

Ja, doe höbs geliek dat allein mer online contacte höbbe naodeile haet, meh iech ving 't tot noe toe fijner um hie tamelik "anoniem" te zin. Veur miech persoonlik hoof zoan treffe dan ouch neet metein. Meh wae bin iech? Iech bin zoa wie zoa neet gauw oet hoes te trèkke.Aelske 25 mrt 2010 18:43 (CET)

Wie gezèlleg 't ouch kin zien, iech bin op dit momint neet in staot um dao tied veur vrij te make. Wat aandere netuurlek neet moot tegehawwe... - Pahles | zègk 't mer 26 mrt 2010 09:05 (CET)

Iech merk hei hiel erg tot me 't al bij al drök heet. Bij miech is dat neet 't geval, iech bin 16, zit gewoen op de Middelbaore Sjaol, en höb dus vergeleke mèt de mieste lui hei genog tied. Iech zou 's gere perbere mie lui nao dees Wikipedie te bringe. Evels is dat neet gemekelek. Toch is d'r 'ne vrund vaan miech oet Bun dee väöl interesse toent. Iech vraog miech veural aof, is de populariteit vaan de Limbörgstaole Wikipedia qua nuie accounts gegreuid, of vilt dat wel mèt? Iech kin miech um ierlek te zien neet veurstèlle tot iech hei de einegste 'puber' bin, um 't mer zoe 's te zègke. Wie daan ouch, de reije tot iech eigenlek de kaffee binne kaom is of d'r nog projekte op dees Wikipedia zien boe nog hiel väöl aon te doen is. Is d'r urges hiele erge vraog nao?--Ortjens 21 mei 2010 23:50 (CEST)

Ja, Wikipedia:Lies van artikele die eder Wikipedia moot höbbe. --OosWesThoesBes 22 mei 2010 08:17 (CEST)

Wikimania Scholarships

The call for applications for Wikimania Scholarships to attend Wikimania 2010 in Gdansk, Poland (July 9-11) is now open. The Wikimedia Foundation offers Scholarships to pay for selected individuals' round trip travel, accommodations, and registration at the conference. To apply, visit the Wikimania 2010 scholarships information page, click the secure link available there, and fill out the form to apply. For additional information, please visit the Scholarships information and FAQ pages:

• Scholarships
• Scholarships FAQ

Yours very truly, Cary Bass
Volunteer Coordinator
Wikimedia Foundation

sjabloan

Woa is wikipedia:sjabloane ?

Jeff Claessen 27 jun 2010 15:44 (CEST)

Bedoels te 'n lies mèt alle sjablone? Kiek 'ns hei. - 195.240.151.98 27 jun 2010 16:06 (CEST) Iech waor sjijns neet ingelog. - Pahles | zègk 't mer 27 jun 2010 16:08 (CEST)

Nog ins 'n nui Wikipedia

Leef lui,

Gisteraovend laat en vaannach is 'n nui Wikipedia ingeriech in 'n taol boet geer mesjiens nog noets vaan höb gehuurd: 't Noordfries. Veur miech is dit 'ne groeten daag: iech höb 't projek in 2005 nog ins veurgestèld, en noe 't 't nao vief jaor indelek gief bin iech wie e keend zoe blij! Noe höbbe zoe good wie alle levende Germaanse taole hunnen eige Wikipedia. Steinbach 20 aug 2010 13:06 (CEST)

Mèt daank en proficiat!--Mergelsberg 20 aug 2010 16:13 (CEST)

Ich woor ouch hieël blie wie det t'r woort aangenómme, went ich höb ouch 'n - minieme - biedraag aan daen wiki geleverdj :) Noe mer haope det frr.wiki 't baeter oethèltj es stq.wiki en zea.wiki en den kump alles good liek mich zoea :) --OosWesThoesBes 21 aug 2010 07:19 (CEST)

Vector

Iech weit neet welke mongool dit heet bedach, meh iech vin 't bezope tot veer 't door de strot kriege geduid. 't Zuut speilielek oet mèt al die überhippende versjetende vekskes en iech weit niks, meh daan ouch niks, wat ouch mer e bitteke veuroet is gegaange. Veer - entans de admins - kinne es 't good is Monobook trök standaard instèlle; iech stèl veur tot veer dat mer ins goon doen. Steinbach 2 sep 2010 21:58 (CEST)

Iech vraog diech dringend um niks te doen. Iech vin 't naomelek 'ne groete veuroetgaank. Es diech dao probleme mèt höbs hads te diech dao ieder tege mote oetspreke: de kumps volges miech toch ouch dèks genóg op Meta. Vaanaof de ierste meugelekheid höb iech Vector ingestèld es miene 'skin'. 't Levert 'n väöl rösteger pagina op die neet mie oetzuut esof ze ind jaore negeteg is bedach. Stèlstand is achteroetgaank. En es 't diech neet bevèlt kins te altied weer trökgoon nao Monobook. Wat miech väöl mier stuurt zien de vertaolinge vaan de systeemtekste. Die sloon dèks nörges op. Iech höb al 'ns e groet deil aongepas, mer mien kinnes vaan AGL is neet oetputtend en iech maak dus foute. - Pahles | zègk 't mer 3 sep 2010 16:58 (CEST)

2010 Fundraising Is Almost Here

Hello Wikipedians, I am Dan Rosenthal and I am working for the Wikimedia Foundation during the 2010 Fundraiser. My job is to be the liaison between your community and the Foundation. This year's fundraiser is intended to be a collaborative and global effort; we recognize that banner messages which may perform well in the United States don't necessarily translate well, or appeal to international audiences.

I'm contacting you as I am currently looking for translators who are willing to contribute to this project by helping translate and localize messages into different languages and suggesting messages that would appeal to your readers on the Fundraising Meta Page. We've started the setup on meta for both banner submission, statistical analysis, and grouping volunteers together.
Use the talk pages on meta, talk to your local communities, talk to others, talk to us, and add your feedback to the proposed messages as well! I look forward to working with you during this year's fundraiser. If someone could translate this message I would really appreciate it so that everyone is able to understand our goals and contribute to this year's campaign.
Drosenthal 25 okt 2010 19:43 (CEST)

Bots

Daag lui, iech zeen de lèsten tied ederskier bots veurbijkoume. Mote v'r die neet ins veendelkes geve? Of blokkere, umtot v'r al hiel väöl interwiki-bots höbbe? Iech vin 't oonderhaand wel irritant. Steinbach 10 dec 2010 11:24 (CET)

Hoi, veer oondersjrieve de "standard bot policy" veur "global bots" mèt "automatic approval" (zuuch bovenaon dees pagina). Dat wèlt zègke tot die bots (es zie allein iw's of dobbel redirects aonpasse) zelf kinne regele via 'ne steward tot zie 'ne vlag kriege (nao minimaal ein week te wèrke of 100 edits te make). Sjijns doen zie dat neet (höbbe zie dat neet gedoon), wat inderdaad erg irritant is. Veur miech mage zie 'n vlag kriege, mer 't liek miech daoneve verstendeg um de beheerders vaan dees bots te wieze op dee "bot policy". Wat tunks diech? - Pahles | zègk 't mer 10 dec 2010 12:18 (CET)

Keersjmes EN 2011

Ouch van miech de bèste wunsje en e good nuujjaor!--Aelske 26 dec 2010 10:48 (CET)

VERSJILLENDE DIALEKTE laote sjtoon

Laot estebleef de versjillende dialekte sjtoon bie de dörpkes en gehuchte, ouch al zin, veur de boetesjtaonder, de versjille nog zoa klein. Oet piëteit én um mesjiens diverse sjrieversj aan te trèkke, die ziech noe gerope veule um hun dialek toe te voge. bv. 't Ulesjtraotes en Meersjes néet bie-ein en 't Bungs en Kazes! Tösje b.v. Subs en Valkebergs en Houtems zin ouch mer miniem versjille, meh tot noe toe besjtoon die nog ummer. En ouch bv. bie de dörper, die noe bie Mestreechs huère. 't Zin mer get veurbeelde, allein de luuj zelf dao weite dat te beoordeile. Zoa gauw d'r mer 'ne kleine aafsjtand ies tösje woonkerne, ies d'r ouch (miniem) versjil in 't dialek. Euver viefentwintig jaor zin die mesjiens verdwene, dan höbbe v'r zoawiezoa regiolecte, meh dan sjtoon de dialecte waal op deze wikipedia. Bie de sjtart van 't CGL (Corpus Gesjproke Limburgs) aafgeloupe maond ies gebleke dat luuj dat hièl gaer doon, hun eige dialek tuène. --Aelske 26 dec 2010 10:48 (CET)

Jehmeh zien die versjèlle eigelek wel op sjrif trök te vinde? Euver 't algemein zien zoegenaomde eige dialekte vaan gehuchte en naobersjappe ficties. Soms goon de sprekers wel versjèlle oetvinde. Nump lever e veurbeeld aon de nuie gebroeker dee op Euverlèk:Sjteil teminste ierlek touwgaof tot zoeget wie e Sjteils dialek neet bestoont! Dat is punt ein. Daan punt twie: wee geit 'n artikel euver laote v'r zègke Arensgenhout in 't "Arensgenhouts" vertaole? Boe haolste veur eder gehuch sprekers vaandan die d'n weeg nao hei vinde en ouch nog good hun eige dialek kinne spreke? Veer kinne ech neet tot op 't kleinste detail idiomatisch taolgebruuk goon eise. Wat is de volgende stap? Artikele euver 't Villapark in 't Kort Mestreechs en artikele euver 't Blauw Dörp in 't Laank Mestreechs ("Blaauw Dörrep is 'n wieiek in de gemèèngte Mestreeech")? 't Zouw m.i. ouch contraproductief zien: Blieriks is gewoen 'tzelfde wie Venloos, op e klein accentversjèl nao, este apaarte categorieë veur gesjreve in 't Venloos en in 't Blieriks aonhèls, krijgste zuver Balkanisatie. Zelf mèt 't sameveuge vaan allein mer de allerminiemste versjèlle, wie iech noe daon, hèlste nog wel zeker 200 Limbörgse dialekte euver - ooneuverziechtelek genoog, en nog hiel, hiel wied eweg vaan de door Uuch gesjouwde regionalisering!

En trouwes: jao, gere gedoon, al dat klerewerk in de Keersnach um de dialekcoördinatie ins good in gaank te zètte! Steinbach 27 dec 2010 00:27 (CET)

Feit ies dat de eige luuj hun dialek beneume es dat van hun dörp of gehuch. En natuurlik zin die dialekte neet besjreve, wae zouw dat höbbe moete doon? Dat zou ein van de take moete zin die veer hie höbbe, dink iech. 't Dialek kènt zwz nog mer 'n korte sjriefhistorie. EN, die veranderinge die nóe gedoon zin, zin jaomer genoeg neet ièrsj euverlag en dat zou toch moete! Iech zou 't hièl jaomer vinge es noe al die die dialekte 'genivelleerd' zouwe were tot ein 'hoofdialek', woavan de naam ouch mer willekeurig ies. Woarum zou Valkebergs bv. belangrieker zin es Suubs of Houtems? Dat dát op ander vlak gebeurt ies begriepelik (es 't tenminste oetgelag weurt), mèh woarum zouwe plaatsgebónge artikele hie neet in hun eige plaatsgebónge dialek maoge sjtoon?--Aelske 27 dec 2010 10:39 (CET)

Ich ben 't mit Aelske èns. Sjus al dae klein versjille tössje de dialekte zeen gans belangriek óm hie vas te lègke, ouch es 't versjil bieveurbeeld allein mer 't accent betref. De Wikischim 27 dec 2010 11:57 (CET)

Höb iech gezag tot plaotsgeboonde artikele neet in de tóngval vaan de plaots mage stoon? Nein, iech zag allein tot 't versjrikkelek oonpraktisch is um dat te eise. Es'n artikel euver Herkenter in 't Se-Gietersj steit, is dat ouch plaotsgeoonde en "othentiek". Herkentersj is Se-Gietersj, ouch al vinde die dat neet leuk. Of is 'n artikel euver Herkenter in 't Se-Gietersj zjus zoe "fout" es 'tzelfde artikel in 't Venloos? Es trouwes: es dialekte örges aanders neet besjreve zien en veer doen dat wel, breke v'r daan neet mèt No original research? Steinbach 27 dec 2010 13:04 (CET)

Kiek regiolek en 't euverlèk dao. De miening van Aelske keumt óp de örsjte plaatsj taalwetensjappers ten goede die an dèzze wiki dan 'n goo brón haant vör hön oonderzeuke. 't Argumaent dat de luuj dat èges wille kan zoe zieë mae kan 'ch hie neet controlere. Es luuj dat èges wille mót me zich es maatsjappelijk verantwoordelijke organisatie - zoewie d'r Raod veur 't Limburgs, Veldeke, 't Hoes van de Kunste - evvel waal de vraog sjtèlle of me die maneer van deenke ooch nog mót rechtvaardige, sjteune en sjtimulere. Ich vin van neet! Jaomer vör de wetensjappers, mae die kènne jao èges de luuj goeë interviewe. 'ch Deel n.l. d'r vrees van Steinbach dat zoeget in de gegaeve contellatie desintegrerende consequenties haat, die neet weunsjelek zeunt. Feit is in alle geval dat Veldeke es örsjte gesjraeve haat dat 'ch in 't Norbiks sjrief, waarsjienglèk ömdat 'ch dao gebaore bèn. Eges han 'ch dao noeëts heen gevraogd! --Mergelsberg 27 dec 2010 23:55 (CET)

(aanvulling) Ichzelf zèk altied dat 'ch in 't Limburgs sjrief en dat wert va nl:Els Diederen óp d'r NL wiki ooch gezach. Valkenburgs (zoonder leenk) Limburgs (mèt leenk)! Aelske zaet evvel dat 't de nivellering van al de dialecte van gehuchte en dörpe töt een hoofddialek jaomer vindt. Vörwat makt Aelske dan geen lemma V'burgs in d'r NL wiki aan?--Mergelsberg 28 dec 2010 08:44 (CET)

't Is natuurlik sjeif det (plattelands)dialekte die zoea good es zeker neet besjreve zeen of 'n literair traditie höbbe, wáál ónger de neumer van 't dialek van de naobiegelaege kern geneump zówwe mótte waere, terwiel die versjille maekelik juus zoea groeat kónne zeen es die tössen 't Mestreechs en 't Hieërs. 't Is belangriek die versjille te erkinne, egaal of 't eint en angert dao-euver op sjrif is vasgelag. Taalgrenze haje neet op wo (noe) minder luuj wone, en loupe meistal minder logisch es se zóts dinke: 't dialek van e dörp/gehuch zów zoeameh mieër op 't dialek van 'n anger plaats kinne lieke es die wo 't drek naeve lik. Zoea haet bv. 't Pejs ouch dudelike versjille mit 't Ech(ter)s. Ich wil allein mer aangaeve det ich 't gevieërlik vinj dees in te deile ónger 't hoofdialek wo 't waarsjienlik ónger zal valle, es v'r dao neet zeker van zeen - dan is beneuming bie de eige naam toch veiliger. --DeSeel 28 dec 2010 11:16 (CET)

@DeSeel: Nein, es groete versjèlle bestoon, daan numme v'r die in ach. Iech höb allein versjèlle genegeerd die hiel sjetief waore. 't Versjèl tösse Mestreechs en Hiers löp in 't extreme (valle in twie versjèllende subgróppe vaan 't Limbörgs), wat vaan 't versjèl tösse, zègk, Venrods en Aostróms of Èèsjdes en Breusjer neet kin weure gezag. Vergeet neet tot v'r hei nog ummer Mofers, Hertes en Zjwaams eise veur Mofert, Herte en Zjwame, dewijl v'r us ouch mèt 't väöl mie gesproke Remunjs contint zouw kinne doen. Jeh neet daan? wie iech al zag: 't geit mer um versjèlle die zoe klein zien tot me ze kin verwaorloze. Es iech me nog ins höb verdaold en gehuch X bliek wel e gans eige dialek te höbbe, kinne v'r dat altied nog trökdrejje. Steinbach 28 dec 2010 17:34 (CET)

@Aelske: Iech zal nog eve ingoon op Eur veurbeeld vaan 't Valkebergs en zien "satelliet"-dialekte. Um te beginne: es iech Houtems al tot 't Valkebergs zouw rekene, daan vin iech 't Binne-de-Paorts nog neet belaankrieker es de variante oet 't boetegebeed. Meh dit is noe neet 't geval. Houtem is 'n ech dörp en 't Houtems zouw, ouch es iech neet zoe'nen expert waor, mien acties euverleve. Meh boe sjeit 't oet? Moot me Houtems goon verdeile in Vroenhofs, Sint-Gerlachs en Geulems? Iech höb ze ins hure bewere tot Geulem toch ech 'n eige dialek heet, want me zouw dao fèts zègke veur fiets. Dat kin toch gein rei zien um apaarte categorieë aon te hawwe? Dat höb Geer ouch neet gedoon: Eur artikel Geulem steit in 't Houtems. Deh, dat is ouch wat iech veurstaon bij Blierik, Steil, Herkenter, Breusj etc.

Iech zouw trouwes wel deveur pleite um Houtems te laote redirecte nao Valkebergs, en wel nao 'ne speciaolen alinea boe-in de versjèlle weure besjreve, gewoen umtot dat euverziechteleker is. Steinbach 28 dec 2010 22:08 (CET)

Adieë wa!

--Mergelsberg 17 jan 2011 18:55 (CET)

Bot flag request for JackieBot

I need bot flag for my bot account JackieBot. It's purpose is an interwiki and commonscat links. Bot engine is a pywikipedia with regular updates and manual assist on interwiki conflict. Run bot once (manual) from large wiki on new/changed pages. Now flagged on 51 wiki projects (see SUL). -- Jackie 25 jan 2011 16:48 (CET)

Granted. Steinbach 25 jan 2011 20:31 (CET)

Belsj Limbörg

Daag lui,

Iech vin 't hendeg jaomer tot aamper iemes oet Belsj Limbörg de weeg nao us wèt te vinde. Meh es v'r us get aontrèkkeleker wèlle make veur Belzje sprekers vaan 't Limbörgs, zouwe v'r die provincie wel ins beter mage dèkke.

Noe is Wikipedia neet 't perjek vaan 'diech geis dit sjrieve en diech dat', meh iech wèl hei toch eve veurstèlle um toch mer ins get artikele euver Belsj-Limbörgse dörpkes aon te make. In Nederlands Limbörg (zeker 't Heuvelland) is zoeget eder look besjreve, de dèkking vaan Belsj Limbörg geit, op Voere nao, neet deper es gemeinteniveau. Natuurlek wèl iech gere mie deil vaan de verantwäördelekheid numme, meh iech kom eigelek noets in Belsj Limbörg, dus 't zouw kinne tot geer dao mie vaan wèt.

Vint g'r dit ouch e good idee? Steinbach 8 fib 2011 14:58 (CET)

Es iech tied höb en ving zal iech af en toe get sjrieve, meh iech höb 't zoa drök!--Aelske 8 fib 2011 20:23 (CET)

Inactiviteit

Leef lui,

Iech weit wel tot me e leve neve Wikipedia hèt (iech ouch, 'n studie mèt 'n scriptie), meh de lèste daog ligk 't wel hiel stèl allemaol. De einege activiteit hei weurt oontploejd door vandaliserende stroontmongole (en lui die 't oongedoon make) en dat maak miech mismeujeteg. Daan dink iech: kinne v'r neet beter oetsjeie mèt 't perjek? Steinbach 22 mrt 2011 12:02 (CET)

Dat vandalisme vèlt natuurlik op es mer wiènig gesjreve weurt en oetsjeie wille v'r allemaol waal ins, meh v'r höbbe alle tied van de waereld. Tja, 't plat kènt mer wiènig sjrieversj, die ouch nog ins wiènig tied höbbe of ander prioriteite. Veer zölle dus gedöld moete höbbe.--Aelske 23 mrt 2011 09:58 (CET)

De oceaan

Oceaan is vrouwelek in 't Norbiks. D'r oceaan is ech vraem huur!--Mergelsberg 26 mrt 2011 17:09 (CET)

Dat kin zien, mer in 't Nederlands en 't Mestreechs (en sjijns ouch in 't Remunds: zuuch Sjtille Oceaan) is 't mannelek. - Pahles | zègk 't mer 26 mrt 2011 20:09 (CET)

Tóch zaet me in gaans Limburg "de groeëte vrów" en in 't Nederlands ooch "de grote vrouw". Of is een grote vrouw in NL mannelijk?--Mergelsberg 27 mrt 2011 01:56 (CET)

En wat heet dat demèt te make? V'r höbbe 't hei neet euver 't Nederlands. In 't Mestreechs (Endepols) is "oceaon" mannelek. In 'n artikel gesjreve in 't Mestreechs moot 't daan ouch zoe gesjreve weure! Tot 't in 't Norbiks aanders is heet dao niks mèt vaandoen. Iech geluif tots te vergits tot 't Limburgs neet besteit? Daobij, sinds wienie is 't Nederlands consequent es 't geit um verbuiginge vaan bijveugeleke naomwäörd? 't Versjèl tösse mannelek in vrouwelek is wat verbuiginge in 't Nederlands bekans gaans eweg! - Pahles | zègk 't mer 27 mrt 2011 16:23 (CEST)

In Norbik zaet me "i g'n oceaan"; in Mestreech "in d'n oceaan". In Norbik zaet me "a g'ne boom" en in Mestreech "aan d'n boom". In Mestreech zaet me neet "in d'ne oceaan" of "aan d'ne boom". "D'n" in 't Mestreech is dus geen lidwaoërd dat zaet dat e zelfsjtandignw mannelijk is. Endepols is natuurlijk 'n erkaande autoriteet en doe has 't vólste rech öm dich daoóp te blieve berope mae vólges mich klópt de bewaering dat de oceaan mannelijk is neet. --Mergelsberg 27 mrt 2011 18:08 (CEST)

Die n is de zoegenaomde genus-n (iech höb dat ieder oetgelag, zuuch hei). Veur manneleke wäörd kump 'n n es dat mannelek woord begint mèt 'ne klinker of mèt h, d, of t. Dat is wat hei ouch späölt. De maan en de d'n awwe maan. D'n boum zègke veer neet in Mestreech, veer zègke de boum, dus die vergelieking geit maank. - Pahles | zègk 't mer 27 mrt 2011 21:22 (CEST)

vertaling

Hoe schrijf ik zo als vroeger in het limburgs Wie vreuger weit ig waal mer "zo" neet

Groete en bedank Jo

Dat hingk devaan aof wat veur dialek ofste wèls spreke? In Remunj en Zitterd (allein in de stei zelf!) en 't allernoordelekste puntsje vaan de provincie (Gennep en umgeving) blijf 't zo, in Mestreech is 't zoe, in Gelaen en Valkeberg en umgeving zègke ze zoa, in de gemeinte Meersje zwa, aon de Maoskant dèks zoea en in de res vaan Limbörg is 't zoeë. Steinbach 13 apr 2011 15:39 (CEST)

(bietje laat, meh mien moreel verplichting dwingk mich :P) Vergaet Mofert neet: zoea! :) --OosWesThoesBes 7 sep 2011 05:32 (CEST)

Multilingual Challenge

Please help: replace this red text with a translation of the English message below. Thank you!

Announcing the Derby Multilingual Challenge This is the first multilingual Wikipedia collaboration. All Wikipedians can take part, in any Wikipedia language. The challenge runs from 1 May until 3 September 2011. Sign up now! " Wikipedia is particularly pleased to see that Derby Museums are encouraging the creation of articles in languages other than English." (Jimmy Wales, 14 January 2011)

Andrew Dalby 2 mei 2011 14:58 (CEST)

10 jaar Nederlandstalige Wikipedia

Beste allemaal,

In januari dit jaar bestond Wikipedia 10 jaar: wereldwijd is dit gevierd, ook in Nederland. Op 19 juni 2001 is vervolgens onze eigen Nederlandstalige Wikipedia opgericht en Wikimedia Nederland nodigt jullie van harte uit om ook dit 10 jarige jubileum samen te vieren.

Op 18 juni is er 's middags een fotojacht, Wiki takes Den Bosch, om zoveel mogelijk monumenten te fotograferen. De stad staat er vol mee, nu de foto's nog!
's Avonds vieren we feest, met muziek, een hapje en een drankje en een klinkend glas om middernacht. Vier met ons mee en schrijf je in via formulier!

Vriendelijke groet, Ciell 15 mei 2011 09:16 (CEST)

Call for image filter referendum

The Wikimedia Foundation, at the direction of the Board of Trustees, will be holding a vote to determine whether members of the community support the creation and usage of an opt-in personal image filter, which would allow readers to voluntarily screen particular types of images strictly for their own account.

Further details and educational materials will be available shortly. The referendum is scheduled for 12-27 August, 2011, and will be conducted on servers hosted by a neutral third party. Referendum details, officials, voting requirements, and supporting materials will be posted at Meta:Image filter referendum shortly.

Sorry for delivering you a message in English. Please help translate the pages on the referendum on Meta and join the translators mailing list.

For the coordinating committee,
Philippe (WMF)
Cbrown1023
Risker
Mardetanha
PeterSymonds
Robert Harris

de:Wikipedia:WikiConvention/Themensammlung#Treffen der Regionalsprachen

Hi Limburgers, I wonder if any of you is coming to the WikiConvention in Nurenberg in September. I have suggested setting up a workshop for exchange of experience between Wikipedia editions in small and regional languages. I am still waiting to see what the community response is. If you have any comments, your feedback at the above page would be highly appreciated! --Johannes Rohr (WMDE) 6 jul 2011 13:54 (CEST)

Hello everyone, I am an active author on the Alemannic Wikipedia and would be interested in attending this convention. However, I don't want to end up being the only one there. But if just one other user from a Wikipedia edition in a regional language signs up, I will too. I believe the deadline is the end of July. Cheers, --Terfili 19 jul 2011 16:10 (CEST)

Fonds kleine activiteiten

Hallo, het bestuur van Wikimedia Nederland maakt attent op de Fonds kleine activiteiten. Hartelijke groet --Ziko 11 jul 2011 18:13 (CEST)

Internationale meeting in Aken

Hallo Limburgers,

Ten eerste, sorry voor voor het Nederlands. We organiseren een internationale meeting tussen Nederlanders, Belgen en Duitsers in Aken. De voorlopige datum is 8 oktober 2011. Wie zin heeft om te komen, kan zich op de Duitse pagina inschrijven. Groeten, Timk70 22 jul 2011 13:55 (CEST)

Ich han mich ingesjraeve.--Mergelsberg 23 jul 2011 10:31 (CEST)

Ich zöl ouch kieken of ich kin, aangezeen 't zoea kórtbie is :) --OosWesThoesBes 7 sep 2011 05:31 (CEST)

BRFA HiW-Bot

• Operator  : Hedwig in Washington
• Automatic or Manually Assisted : automatic
• Programming Language(s)  : Python (pywikipedia), daily update
• Function Summary  : Interwiki, Internationalization by removing chaos in Babel-Category so it can be used properly and easy. Double redirects will be added shortly
• Already has a bot flag (Y/N)  : Yes: DE, EN, FR, SL, AR, NL, TH, UDM, TT, NN, KA, DA, BE-X-OLD, BAT-SMG, ARZ and LB, others pending. see here
• Function Details  : just using the standard interwiki.py; parameters: -auto -all - log -catr

I humbly request bot status on this wiki in order to update Interwiki, and improve Internationalization by removing chaos in Babel so it can be used properly and easy by everyone.

Thank you for consideration! --Hedwig in Washington 6 sep 2011 09:21 (CEST)

Iemes mèt bezwoere? Zoe neet, daan daon iech 't vendaog. Steinbach 7 sep 2011 10:49 (CEST)

Gei bezwoer. - Pahles | zègk 't mer 7 sep 2011 14:54 (CEST)

In Ordnung, ab jetzt ist HiW-Bot hier als Roboter registriert. Steinbach 8 sep 2011 15:56 (CEST)

Danke! Die ersten beiden Saetze kann ich leider nicht uebersetzen. :(( Danke fuer das Flag! --Hedwig in Washington 8 sep 2011 23:30 (CEST)