Äöpen houfmenu
Wikipedia

Steinbach

Taleknóbbel
li-3 Deze gebroeker kalt hoegwaerdig Limburgs.
nl Deze gebruiker heeft Nederlands als moedertaal.
de-3 Dieser Benutzer hat sehr gute Deutschkenntnisse.
en-3 This user is able to contribute with an advanced level of English.


zea-3 Deze gebruker praot vloeiend Zeêuws.
fy-2 It Frysk fan dizze brûker is ridlik.
nds-2 Dizzen broeker hef ne maotige kennis van 't Nedersaksisch.
nl-kw Deuze gebruiker ken vissies bestelle astie in Kattek nae de zàè gaet.
nl-rt 'deizɨ gə'bʀæʉkəʀt kɔ̹ mp 'ɜuk wɛlɨs ın ʀɔ̹ tɨj'dɒm, kɛjət ho:ʀɨ
nl-ut Deuže gebruiker kejje petât laote haole in Ondiep of op Žuile.
fr-1 Cette personne peut contribuer avec un niveau élémentaire de français.
Zeuk op tale van gebroekers
Steinbach in Steinbach.

De höbs op 't memint te make mèt Steinbach, ouch wel bekind es ᔅᑕᐃᓐᐸᐦ, ﺷﺘﺎﻳﻨﺒﺦ, Штайнбах, Σταίνβαχ, ステイヌバ, שׁטאיןבח, ᏎᏖᎢᎾᏆᎮ, 𐏂𐎫𐎹𐎴𐎲𐎧 en ⵙⵜⴰⵢⵏⴱⴰⵅ, vreuger HaafLimbo, 'ne gebruker vaan deze Limburgse Wikipedia. Iech bin Hollender vaan geboorte en iech höb noets in Limbörg gewoend. Toch veul iech miech, um sentimenteel reies, verboonde mèt Mestreech in 't bezunder en Limbörg in 't algemein. Dat, en mien veurleefde veur taol en dialek, heet miech Limbörgs doen liere. Sinds de allerlèste daog vaan 2004 bin iech bij de Limbörgse Wikipedia betrokke, die iech höb mètgeholpe te greuje vaan mer 9 tot 12.619 artikele.

Intresses en sjrieverij

Op 'ne zoe kleine Wikipedia mèt zoe wieneg gebrukers wie d'n euze kin me 't ziech koelek permetere um allein euver ei gebeedsje te sjrieve. Daan zouw euver sommege zakes noets artikele koume. Daorum bin iech hei ummer e bitteke generalis gewees, meh iech höb wel veur sommege dinger mie veurkeur es veur aandere.

Meziek

Dit moot mer bovenaon, want allein hei-in höb iech 'nen titel. 't Gief neet ins zoeväöl muziekartikele vaan mien hand, al wèl iech dat wel verandere. Lang artikele zien beveurbeeld Wolfgang Amadeus Mozart en Popmeziek, specifieke dinger zien oonder mie Normaal, Doe Maar, Toontje Lager en Het Goede Doel (mien bachelorscriptie góng euver Nederpop). Umtot iech bin aofgestudeerd op Daniël Lohues, wèl iech euver häöm binnekort ins e groet artikel aonlègke.

Taol

Mie stekpeerdje, al jaorelaank. Aanders hej iech jummers noets Limbörgs gelierd... Iech höb väöl euver Limbörgse dialekte gesjreve, meh ouch euver aander Nederlandse streektaole (wie Wes-Vlaoms of Katwijks), exotische taole (Arabisch), doej taole ((Aajd)Latien) en gereconstrueerde taole (Proto-Indogermaans).

Nederland en de wereld

Iech kom neet oet Limbörg, dus veur miech is ouch de res vaan Nederland intrèssant. Mehjao! Daorum höb iech al in 2006 alle Nederlandse gemeintes 'n artikel gegeve en haw iech alle herindeilinge minutieus bij. De gemeintes in Vlaondere zien noe aon de beurt. Ouch höb iech de mieste len besjreve, meh neet zoe oetgebreid.

Bieste

Gaaroet neet mien specialisatie (iech bin 'nen alfa), meh wel hendeg intrèssant, zeker zoogdiere en veugel. Sinds kort (op 't memint vaan sjrieve) intrèsseer iech miech bezunder veur peerd. Jeh ech! Iech väöl miech zjus e meidske innins, en in augustus 2012 bin iech wèrkelek begós te rije. Moot wel zègke tot mien biologieartikele gooddeils oondermaots zien: de mieste zien vaan vreuger, wie iech lieger eise stèlde.

Euvereg

Soms es iech neet zoe... positief bin ingestèld sjrijf iech expres dinger euver naregheid. Veural zeutege fieste boe iech neet aon mèt wuns te doen rope die behoofte in miech op. Zoe kós me mèt keersemes 2010 genete vaan kaanker en höb iech Valentiensdaag 2011 geveerd mèt versjèllende geslachskrenkdes (wie touwpasselek...). Zoe bin iech evels neet ummer.

Ideeë euver 't sjrieve

Kwaliteit tege kwantiteit

't Aontal nui artikele wat iech aofliever ligk allewijl lieger es in pakweg 2005: iech stèl hoeger eise en de artikele mote veural laank en compleet zien. Dèks daon iech dat mèt 'n al gesjreve artikel, wat veur de statistiek vaan artikelgreuj natuurlek slech is, meh veur de inhaajd vaan eus Wikipedia zoeväöls te beter, vin iech. Iech grouwel vaan Wikipedia's in klein taole mèt allemaol nikszègkende artikele vaan ein regel. Wee de Limbörgse Wikipedia bezeuk, moot ech get te leze höbbe en ech get kinne vinde!

Gein encyclopedie vaan de Limbörge

Dit is 'n encyclopedie in 't Limbörgs, gein encyclopedie vaan Limbörg. Iech vin 't hiel veurnaom tot 't Limbörgs weurt oetgebouwd tot 't volweerdege taol, neet allein 'n taol veur de bieljart, de kantien, de vastelaovend en 't sjöttersfies, en ouch neet allein veur regiogeboonde dinger. Op d'n Ingelse Wikipedia geit 't toch ouch neet allemaol euver Ingeland en de VS? Daorum zjeneer iech miech gans zeker neet um euver 'Holland' (Wes-Nederland) te sjrieve, en ouch neet euver aander zakes die neet direk betrèkking höbbe op de Limbörge. Dat wèlt evels neet zègke tot typisch Limbörgse artikele neet bezunder gewuns zien.

Doctrien vaan Steinbach

De doctrien vaan Steinbach luit:

Maak, es 't neet mèt 'n aander woord conflicteert, nao eder artikel 'n Nederlandstaolege doorverwiezing aon.

De filosofie dao-achter is sumpel: kins wel ideologisch goon doen euver 't Limburgs es 'n apaarte, vaan 't Nederlands losstoonde taol, meh dat verandert veurluipeg niks aon zien sociaol status. Vaan Nederlands weite zeukers teminste wie ze 't mote sjrieve. En nog väöl belaankrieker: es 't artikel mèt Nederlands te vinde is, kumste minder in de knoup mèt versjèllende dialekte. Dit lèste liet evels stoon tot me ouch in principe alle meugeleke dialectische variante vaan 'nen artikelnaom door moot laote linke.

Priezekas

Planne en projekte

Geografie

De wereld
  • Aonmake/oetbreie artikele euver oceaone, zieë, groete reviere en mere, bergkettes, hoeg berg, trogke, plateaus etc.; euver de belaankriekste locaties op de planeet dus.
Len op de wereld
  • Aonmake vaan de lèste nog neet besjreve euverziese gebeedsdeile
  • Oetbreie vaan väöl landartikele: informatie euver fysische geografie (veural soortebiologie)
  • Aonmake/oetbreie artikele euver deilstaote/provincies vaan versjèllende groeter len (Duitsland, Italië, Spaanje, Rusland, India, China, Canada, VS, Mexico, Brazilië)
  • Blauw make vaan 't (al zier oetgebreid) artikel Nederland
  • Artikel Belsj tot vergeliekbaar proporties oetbreie
Nederlandse provincies
  • Oetbreie (zuug ouch oonder bij Nederlands Limbörg)
Gemeintes in Nederland
  • actualisere/bijhawwe (in verband ouch mèt doorloupende herindeilinge);
  • oetbreie: aonvölle mèt censusgegeves, heraldiek, fysische en sociaol geografie, monuminte (in 't bezunder Rieksmonuminte), dialek, lokaol politiek (inclusief lieste vaan börgemeisters)
  • Opgelufde gemeintes boete NL Limbörg hove neet per se 'n artikel; es iech eint aonmaak, moot dat evels ouch aon dezelfde eise wie bestoonde gemeintes voldoen.
Nederlands Limbörg
  • Sterk oetbreie provincieartikel en gemeinteartikele, in 't bezunder toch wel Mestreech. Ouch: oetgebreid provincieartikel gans blauw make.
  • Aonmake artikele euver nog neet besjreve naobersjappe, waterluip, natuurgebeed, bergskes, rieksweeg, kolonies.
Belsj
  • Oetbreie hoofartikel (zuug ouch bove), artikele euver geweste en provincies, aonmake gemeintes (um te beginne in Vlaondere), aonmake dörper Belsj Limbörg.

Taol

  • Aonmake artikele euver de groete taolfemilies;
  • Aonmake artikele euver de belaankriekste sjrifsysteme;
  • Aonmake artikele euver de groetste taole;
  • Aonmake artikele euver alle femilies binne in eder geval de Indogermaanse en Afro-Aziatische taole;
  • Aonmake artikele euver alle Germaanse taole en dialekte;
  • Eventueel 'tzelfde euver de aander Germaanse taole, de Romaanse taole en de Keltische taole (gans compleet hoof neet meh completer is wunselek);
  • Bestoonde artikele euver 't Limbörgs en zien dialekte systematischer en wetensjappeleker opzètte (boe nujeg artikele euver plaotseleke tongvalle samevoge);
  • De mieste bestoonde taolartikele oetbreie (väölal op sjtumpke-niveau).

Meziek

  • Umzètte Lies vaan componiste in 'n geannoteerde lies;
  • Aonmake vaan versjèllende componistebiografieë (neet per se alle)
  • Aonmake artikele euver genres, stijle etc.;
  • Aonmake artikele euver meziektheorie;
  • Aonmake artikele euver meziekinstruminte;
  • Aonmake Daniël Lohues; oetbreie Heideroosjes en Rowwen Hèze.

Biologie

  • Besjrieve vaan alle rieke;
  • Artikele euver alle stamme bieste en plante (euver sjömmels mer eve neet gesproke);
  • Artikele euver zoe väöl meugelek klasse vaan bieste;
  • Artikele euver de fiender taxonomie vaan in eder geval de gewervelde; boe 't kin tot op soortniveau.

Veur de res: weit toch biologie neet mien expertisegebeed is; iemes mèt mie fundamenteel kinnes euver dit oonderwerp maag gere euver DNA, metabolisme, organelle, hormone etc. koume sjrieve!

Peerd

  • Oetbreie taam peerd;
  • Aonmake artikele euver versjèllende geng en rijtechnische zakes;
  • Aonmake artikele euver versjèllende peerdsrasse (neet per se allemaol);
  • Aonmake artikele euver versjèllende peerdssportdisciplines.

Meta-werk

  • Aofmake vaan zoe väöl meugelik artikele oet de categorie:Werk in oetveuring (iers mien eige, daan die vaan aandere?)
  • Oetbreie vaan e groet aontal stumpkes (gepland)
  • Dialekcorrecties oet de categorie:Gesjreve in 't Mestreechs (gebäört väölal bij 't naoloupe vaan artikele)
  • Logischer indeile vaan de Categorieboum (gooddeils gedoon; inger naoloere zouw gei koed kinne)
  • Consequent (of zeker dèkser) gebruuk make vaan bronvermeldinge, 't leefste vootnote, zeker ouch in al bestoonde artikele.

Links veur eige gebruuk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Gebroeker:Steinbach&oldid=432959"