Vastenaovendkamp

Dit artikel is gesjreve (of begós) in 't Blieriks. Laes hie wie v'r mit de versjillende saorte Limburgs ómgaon.

---

De ligging van Vastenaovendkamp in de gemeinte Venlo

't Vastenaovendkamp, vruuger dök: De Vastenaovendkamp, Nederlands: Vastenavondkamp, is 'n wiek van 't dörp Blierik in de Naord-Limburgse gemeinte Venlo. 't Vastenaovendkamp is normaal ónderverdeild in 'n naordelik en zudelik deil, die beejein 4.475 inwoeëners höbbe op 'n oppervlek van 67 ha. De wiek is neet verneumt nao 't evenement vastelaovend, mer nao 'ne haof mit daezèlfde naam: Hoeve Vastenaovendkamp. Dae stóng aan de St.-Jozefstraot. De naam van d'n haof haet evvel wèl verbank mit 't fies. De boew begós in 1957, en begin 70'er jaore waas de wiek vaerdig. D'n opzèt is ruum. De straote zeen braed en 't guf auk 'n dudelik óngerschied tösse woeëne en wirke. In 't naordelik deil zeen veural huurweuninge, dewiel in 't zudelik deil mier koupweuninge zeen. De westziej grenst aan 'ne greune buffer. Heej leejt auk 't Zilvermaer: 'n bekind park wao auk minse oet anger wieke beejein kuume.

Weblinks

• Vastenaovendkamp-Naord
• Vastenaovendkamp-Zuud