Noord-Macedonië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Rippebliek Noord-Macedonië
Basisgegaevens
Officieel taal	Macedonisch
Huidsjtad	Skopje
Sjtaotsvörm	Rippebliek
Sjtaotshoof (lies)	Stevo Pendarovski
Premier	Zoran Zaev
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	25.713 km² 1,9%
Inwoeners – Deechde:	2 miljoen (2014) 80,1/km²
Biekómmende gegaeves
Munteinheid	Macedonischen denar (MKD)
Tiedzaone	UTC +2
Nationale fiesdaag	8 september
Vouksleed	Denes nad Makedonija
Web | Code | Tel.	.mk | MKD | +389

Noord-Macedonië is e land op de Balkan en deil vaan 't aajd Joegoslavië. 't Grens aon Servië, Bulgarije, Griekeland en Albanië. Tot 2019 stoont 't land bekind es de "Rippubliek Macedonië"; 'ne naom boe Griekeland bezwoer tege maakde umtot 't zelf 'n regio Macedonië heet.

Bestuurleke indeiling

Noord-Macedonië is sinds 2004 in 34 distrikte en 84 gemeintes verdeild.

Taole

't Macedonisch, volges sommege e Bulgaars dialek, is de officieel landstaol. Taole vaan etnische minderhede kriege plaotselek 'ne co-officiële status wienie in 'n gemeinte dees minderheid de 20% euverstijg. Op versjèllende plaotse vaan 't land koume Albanees, Grieks, Turks, Servisch en Romani heiveur in aonmerking.

Historie

't Land had in 't verleije väöl versjèllende hiersers. In de veertiende iew kaom 't in 't Osmaans Riek te ligke. In 1913 kaom 't in Servië, dat 't Zuid-Servië däöpde. Nao d'n Ierste Wereldoorlog kaom 't in 't keuninkriek Joegoslavië, boe Macedonië es deilstaot veur 't iers 'n polletieke identiteit kraog, iers es Vardar, nao d'n Twiede Wereldoorlog es Macedonië. In 1992 verklaorde de deilstaot ziech ónaofhenkelek vaan Joegoslavië en bleef es eineg nuij land boete de Oorloge in Joegoslavië. In 1999 braoke relle oet in 't weste vaan 't land, boe väöl etnische Albaneze woene; tot 'nen echten oorlog kaom 't evels neet.

't Geneump dispuut mèt Griekeland belètde 't land um lid te weure vaan de NAVO of um integratie bij de EU te zeuke. In 2018 woort dat opgelos: de twie len kaome euverein um 't land um te duipe in de Rippubliek Noord-Macedonië. In zoewel Griekeland es Macedonië waor dao groet verzat tege; oetindelek woort de veraandering op 12 fibberwarie 2019 doorgeveurd.