Balkan (sjiereiland)
(Doorverweze van Balkan)
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
D'r Balkan (of Balkansjiereiland) vörmt 't oostelekste sjiereiland van de driej groeëte sjiereilande in Europa en wert vör 't örsj in 1808 zoe geneumd dör d'r Duutsje geograaf August Zeune. 't Wert in 't noorde begrensd dör de revere Sava en Donau en in 't noordweste dör de lien Triëst - Ljubljana. 't Oontleent ziene naam an berg in Bulgarije die in 't Turks (en inmiddels ooch in de mètste aander tale, mae neet in 't Bulgaars) Balkan wert geneumd, wat Bebeusjde Berg betekent. De Bulgare haant 't över 't Stara Planina (Стара Планина). Mèt dae naam, dae Owwe Berg betekent, verwieze ze allèng nao de berg en neet nao 't sjiereiland.