Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Nijkerk in Gelderland

Nijkerk (Wes-Veluws: Niekark) is 'n klein stad en gemeinte in de Nederlandse provincie Gelderland, op de Veluwe, mèt 'n oppervlak vaan 72,05 km2 (daovaan 2,54 km2 water) en (per 1 januari 2007) 38.879 inwoeners. Neve de hoofplaots Nijkerk ligke binne de gemeinte nog de dörper en gehuchter Achterhoek, Appel, De Veenhuis, Doornsteeg, Driedorp, Hoevelaken, Holk, Holkerveen, Kruishaar, Nekkeveld, Nijkerkerveen, Prinsenkamp, Slichtenhorst, 't Woud en Wullenhove. De stad Nijkerk zelf heet oongeveer 20.000 inwoeners.

Functies bewirk

Nijkerk is 'n forenzestad veur Amersfoort en is allewijl es greujkern aongeweze. Mèt d'n aonlègk vaan nui wieke moot 't aontal inwoeners nao 51.000 greuje en min of mie aon Amersfoort vasgreuje. Daodoor is Nijkerk feitelek de einege Gelderse gemeinte in de Randstad (es me die ruim definieert).

Stadsgeziech bewirk

Nijkerk heet neet zoe'n toeristisch aongeziech es ander stedsjes op de Veluwezoom, wie Harderwijk en Elburg. Toch vint me ouch hei e paar hierehoezer. Ouch bezeensweerdeg is de Groete Kèrk.

Historie bewirk

Nijkerk is verneump nao de nui kèrk die in de daartiende iew es vervaanging vaan de aofgebrande aw kepel woort gebouwd; dit is de veurluiper vaan de huidege Groete Kèrk. De plaots waor twisappel tösse de bisjop vaan Utrei en de graof vaan Gelder, wie de lèste 't dörp in 1412 platbrandde gaof heer Nijkerk 't jaor dao-op es vergeujing stadsrechte en tolvrijheid. Nijkerk waor iewelaank e rösteg pläötske meh in de achtiende iew kaom 't tot groete riekdom door o.m. d'n handel in toubak. In de jaore 1749 en 1750 waor de plaots 't centrum vaan de Nijkerkse bereuring, e soort puriteins reveil oonder dominee Gerardus Kuypers. In de negentiende iew stortde de Nederlandse toubaksteelt gans in en verveel de Veluwe en ouch Nijkerk tot groete ermeuj. De koms vaan 't spoor brach dao e bitteke verandering in.

Gebore in Nijkerk bewirk

Externe link bewirk

 
Provincie Gelderlandj
 

Aalten · Apeldoorn · Arnhem · Barneveld · Berg en Dal · Berkelland · Beuningen · Bronckhorst · Brummen · Buren · Culemborg · Doesburg · Doetinchem · Druten · Duiven · Ede · Elburg · Epe · Ermelo · Harderwijk · Hattem · Heerde · Heume · Lingewaard · Lochem · Maasdriel · Montferland · Neder-Betuwe · Nijkerk · Nimwaege · Nunspeet · Oldebroek · Oost Gelre · Oude IJsselstreek · Overbetuwe · Putten · Renkum · Rheden · Rozendaal · Scherpenzeel · Tiel · Voorst · Wageningen · West Betuwe · West Maas en Waal · Westervoort · Wijchen · Winterswijk · Zaltbommel · Zevenaar · Zutphen

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nijkerk&oldid=455992"