Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Lochem in Gelderland

Lochem is e stedsje en 'n gemeinte in de Nederlandse provincie Gelderland, in d'n Achterhook, mèt 'n oppervlak vaan 216,02 km2 (daovaan 2,71 km2 water) en (per 1 januari 2007) 32.834 inwoeners. Neve de hoofplaots umvat de gemeinte ouch de kerne Almen, Barchem, Eefde, Epse, Gorssel, Harfsen, Joppe, Laren en Zwiep.

Lochem heet e raodhoes in renaissancestijl, voltoejd in 1640. Vaan de döbbele umgrachting sjut noch de binnegrach euver.

HistorieBewirk

Opgraovinge bij restauraties vaan de Sint-Goedelekèrk höbbe reste vaan 'n houte kèrk oet de negende iew aon 't leech gebrach. Lochem zal daan ouch ein vaan de aajdste plaotse oet d'n Achterhook zien. De plaots weurt in 1059 veur 't iers geneump. Stadsrechte weure in 1233 door graof Otto II vaan Gelder touwgekind. 'n Iew later krijg de stad ouch touwstumming veur walmör te bouwe. In de late middeliewe en tijdens d'n Tachtegjäöregen Oorlog weurt de stad väöl belegerd.

In 2005 weurt de gemeinte Gorssel aon Lochem touwgevoog.

Externe linkBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lochem&oldid=408541"