Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Gemeinte West Betuwe

De gemeinte West Betuwe dreug nog gei veendel.

De gemeinte West Betuwe veurt nog gei waope.

Provincie Gelderland
Hoofplaats Geldermalsen
Börgemeister (lies) Harry Keereweer (PvdA, woernummend)
Opperflaakde
– daovan water
229,12[1] km²
12,70[1] km²
Inwoeners
deechde:
50.515[2]
233/km²

West Betuwe is 'n gemeinte in de Nederlandse provincie Gelderland, tösse de Lek en de Waal in, tege de grens mèt Utrech en Zuid-Holland. Wie de naom al suggereert nump ze e groet deil vaan de westeleke Betuwe in. Hoofplaots is Geldermalsen. De gemeinte oontstoont op 1 jannewarie 2019 oet 'n fusie tösse de opgelufde Geldermalsen, Lingewaal en Neerijnen.

GeografieBewirk

't Gebeed kinmerk ziech vaanajds door oetgebreide bóngerde. 't Groetste deil vaan de bevolking wèrk intösse neet mie in d'n tuinbouw, meh de fruitbuim (veural appelbuim) zien nog ummer in groete deile vaan de gemeinte te zien. Kortbij ligke de stei Culemborg en Tiel, die ouch bij de westeleke Betuwe hure meh boete de fusie zien gebleve.

West Betuwe heet 'n belaankrieke verkiersfunctie. D'n A2 en d'n A15 doorkruse de gemeinte, zoe good wie de Betuwelijn en 't spoor vaan Amsterdam nao Mestreech. Dees lijne kruse ziech bij Geldermalsen. Ouch de Betuweroute ('n goederelijn vaan d'n have vaan Rotterdam nao 't Roergebeed) löp door West Betuwe.

KerneBewirk

De gemeinte umvat de volgende 26 kerne: Acquoy, Asperen, Beesd, Buurmalsen, Deil, Enspijk, Est, Geldermalsen, Gellicum, Haaften, Heesselt, Hellouw, Herwijnen, Heukelum, Meteren, Neerijnen, Ophemert, Opijnen, Rhenoy, Rumpt, Spijk, Tricht, Tuil, Varik, Vuren en Waardenburg.

HistorieBewirk

Al in 1978 woort in de westeleke Betuwe heringedeild. Heibij oontstoonte de gemeinte Neerijnen en de vergroetde gemeinte Geldermalsen. Toen al wouw 't Ministerie vaan Binnelandse Zake hei 'n väöl groeter gemeinte make, meh umtot dao verzat tege waor, woort 'n aontal dörper aon de Waal in 'n apaarte gemeinte Neerijnen vereineg. In 1986 volgde de vörming vaan Lingewaal.

Oetindelek kraoge gemeinte ummer mie take vaan hoeger euverhede. Veural Lingewaard en Neerijnen, mèt allebei mer good tiendoezend inwoeners, kóste dat op de langen door minder good drage. Beslote woort daorum um de drei gemeintes te fusere. Op 26 aprèl 2017 woort de nuie naom bekind gemaak; neve West Betuwe waore ouch Betuwewaard en Waal en Linge in euverweging genome.

D'n oetindeleke naom waor neet zoonder controverse. Ton den Boon, d'n hoofredacteur vaan de Van Dale en inwoener vaan Varik, steurde 't oontbreke vaan e koppelteike. Heer weigerde zelfs veur de raodsverkezinge te stumme.[3] Heibij woort opgemerk tot 't perceis in Gelderland mie vaan die fout gesjreve naome gief, wie West Maas en Waal en Oost Gelre.[4]

Euverziech herindeilingeBewirk

PolitiekBewirk

GemeinteraodBewirk

Op 21 november kóste de inwoeners stumme veur de gemeinteraod. Dit waor d'n oetslaag:

Partij Zetele
Dorpsbelangen 5
SGP 5
CDA 4
VVD 3
ChristenUnie 3
Leefbaar Lokaal Belang 3
Verenigd West Betuwe 2
PvdA 2
D66 2
GroenLinks 2

BörgemeisterBewirk

Harry Keereweer vaan de PvdA woort tot woernummende börgemeister vaan West Betuwe beneump.

BronBewirk

Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in dees versie.

RifferentiesBewirk

  1. 1,0 1,1 De drei fusiepartners same, grenscorrecties veurbehawwe.
  2. De drei fusiepartners same op 31 mei 2018, grenscorrecties veurbehawwe.
  3. De Gelderlander - Baas Dikke Van Dale boycot verkiezingen West Betuwe om spelfout
  4. De Gelderlander - West Betuwe, daar klopt niets van
 
Provincie Gelderlandj
 

Aalten · Apeldoorn · Arnhem · Barneveld · Berg en Dal · Berkelland · Beuningen · Bronckhorst · Brummen · Buren · Culemborg · Doesburg · Doetinchem · Druten · Duiven · Ede · Elburg · Epe · Ermelo · Harderwijk · Hattem · Heerde · Heume · Lingewaard · Lochem · Maasdriel · Montferland · Neder-Betuwe · Nijkerk · Nimwaege · Nunspeet · Oldebroek · Oost Gelre · Oude IJsselstreek · Overbetuwe · Putten · Renkum · Rheden · Rozendaal · Scherpenzeel · Tiel · Voorst · Wageningen · West Betuwe · West Maas en Waal · Westervoort · Wijchen · Winterswijk · Zaltbommel · Zevenaar · Zutphen

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=West_Betuwe&oldid=431634"