Äöpen houfmenu

Dit artikel is gesjreve (of begós) in 't Hölsbergs. Laes hie wie v'r mit de versjillende saorte Limburgs ómgaon.


Hölsberg (Hulsberg)
Gewaeze gemeinte in Nederlandj

Hulsberg wapen.svg

Gevörmp 1800 (es gem.)
Opgehaeve 1982
Opgegange in Nut
Provincie Nederlands Limburg
Hoofplaats Hölsberg
Opperflaakde (bie opluffing) 8,99[1][2] km²
– daovan water: 0,00[1] km²
Inwoeners (kort veur opluffing) 3.475 (1971)
deechde: 386/km²
Lies van börgemeisters
Kèrk van Hölsberg

Hölsberg is e dörp in de gemeinte Baekdale in Zuud Limburg. Op 1 januari 2014 woonde d'r 4.055 luuj. Tot 1982 waor Hölsberg 'n zelfsjtendige gemeinte. Bie de gemeintelike herindeiling kaom 'n deil van 't gebeed van de veurmalige gemeinte Hölsberg bie de gemeinte Valkeberg aan de Geul. Hölsberg woort veur 't ièrsj vermeld in 1147 es Hulsberga.

De kèrk van Hulsberg is gewied aan de heilige Clemens. 't Kèrkgeboew dateert oarsjprónkelik oet 1820, meh ze woort ingriepend verboewd en vergruèt in 1908 en 1930. De glaas-in-loadvinstere zint gemaak door Hans Truyen. 't Örgel is geboewd door de Mestreechse örgelboewesj Willem Theodoor Pieter Theo Pereboom en Jean Leyser en is geplaats rónd de jaorwisseling van 1871/1872. In 't instrument is piepwerk oet de 18e ièw verwèrk.
Op de kruutsing Raodhoessjtraot en Sjoalsjtraot sjteit 'n groat Heilig Hartbeeld oet 1941. Dao taegeneuver sjteit 'n beeldje van de "Vlegende bok" mèt in de buurt 'n mei-den.

Aan de Sjoalsjtraot bevingk zich 'n neogotisch kloaster, opgetrokke oet kundersjtein, van de zustesj Franciscanesse. Zie gaove jaorelank ónderwies aan de lièger sjoal (Basissjoal) in Hölsberg.

Aan de Mèswaeg lik 'n groate nuuj woonwiek mèt "veld"name es sjtraotname.

De "Zendmast Hulsberg", 'n radio- en televisiemas, sjteit in 't gehuch D'n Emmaberg, dat sinds de herindeiling bie Valkeberg huèrt. Tot 1982 huèrde dit gehuch bie de gemeinte Hölsberg.

BuurtsjappeBewirk

 
Kloaster in kundersjtein
  • G'n Eikske
  • Panhoes

WaopeBewirk

De gemeinte Hölsberg kreeg relatief laat, op 19 december 1931, van d'n Hoage Raod van Adel e waope, wat zich zoa lièt umsjrieve:

Gedeild: I. in zilver (wit) 'ne lièw van keel (road), genageld en getóngk van goud (gael) mèt döbbele sjtaart; II. in goud 'ne vanoet 't sjildpunt opriezende berg van sinopel (greun), getup mèt e hölstekske in natuurleke kleur; achter 't sjild sjteit mèt d'n linker óndererm dao-op röstend, d'n H. Clemens, paus en martelaer, in pauselek kleid, de kop gedèk mèt d'n tiara, alles van natuurleke kleur. Um d'n haus dreug hae 'n kaord van goud, mèt dao-aan 'n anker van sabel (zjwart). In de rechterhand haet hae 'ne pauseleke kruussjtek.

De lièw is 't waope van 't gesjlach Valkeberg, hière euver Hölsberg, 't linkerdeil (heraldisch, dus veur de kieker rechs) is sjprekend, Clemens is de petroanheilege.[3]

DialekBewirk

In Hölsberg kalt me 't Hölsbergs, 'n Oas-Limburgs dialek dat väöl liekent op 't Valkebergs, meh al get oasteliker van karakter is.

Historische inwoanertalleBewirk

Jaor Aantal Greuj (gans Limburg)
1830 1.023[4] --
1840 1.059[5] +3,5% (+5,6%)
1849 1.127[6] +6,4% (+4,3%)
1859 1.144[7] +1,5% (+4,4%)
1869 1.144[8] 0% (+4,5%)
1879 1.222[9] +6,8% (+7,0%)
1889 1.324[10] +8,3% (+6,8%)
1899 1.682[11] +27,0% (+10,2%)
Jaor Aantal Greuj (gans Limburg)
1909 1.754[12] +4,3% (+17,8%)
1920 2.083[13] +18,8% (+32,6%)
1930 2.506[14] +20,3% (+25,1%)
1947 2.196[15] -12,4% (+24,2%)
1956 2.419[16] +10,2% (+27,3%)
1960 2.687[1] +11,1% (+7,4%)
1971 3.475[2] +29,3% (+13,9%)
Opmerking
  • De getalle veur 1971 zeen aafgerónd op ganse vieftalle; 't percentaasj zouw daorum neet gans kènne kloppe.
 

Greun: Gemeinte Hölsberg
Blauw: Provincie Limburg

DörpsvereinigingeBewirk

Zuuch ouchBewirk

RifferentiesBewirk

Extern linksBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hölsberg&oldid=431235"