Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'ne Buzeradio oete jaore vieftig.

Radio is oearsprunkelik 'n vorm van draodloeaze telecommunicatie wobie 'ne radiozender boeadsjappe verspriedj inne vorm van radiogolve. 't Signaal woort óntvange mit e radiotoestèl. Huuj wuuertj eder kanaal wolangs ónaaflaotendj wuuertj oetgezónje radio geneump, óngeach de techniek.

Wirking vanne radio bewirk

 

E wichtig óngerdeil van 'ne radiozender is de oscillator. Deze genereert 't radiofrekwènt signaal det es draaggolf deentj en nao modulatie door 'n antèn oetgestraoldj kan waere. Veur geluid euver te zende wuuertj 't geluid middels 'ne microfoon ieës ómgezadj in e lektriksignaal, womit 't opgewekdje oscillatorsignaal gemoduleerdj (verangerdj) wuuertj. De meis-veurkómmendje vörm van modulatie zeen amplitudemodulatie (AM) en frequentiemodulatie (FM). FM-oetzendinge leveren 'n hoeager geluidskwaliteit es AM-oetzendinge. Ane óntvangsziej wuuertj 't oetgezónje signaal dore óntvangsantèn opgevangen en doorgegaoven anen óntvanger. Inne begin wore dit kristalóntvangs die 't geluid mit behölp van 'nen houftillefoean huuerbaar maakdje. Nao de oetvinjing vanne elektronebuus (kórtewaeg buus geneump) woorten óntvangers daomit oetgerös, wodoor dees van baeter kwaliteit woorte, in 't biezunjer door toepassing van 't principe vanne superheterodyne. Ouch kós door versterking van 't geluid door 'ne luudspraeker waere waergegaeve.

Trivia bewirk

  • 't Waord Limburgse radio wuuertj döks es veurbeeldj gegaeve van wie zieër sómmige Limburgse dialekte, ouch lieënwäörd, umlaut vertuuenen inne verkleinvorm: radio - raedieuke.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Radio&oldid=461235"