Dit artikel is gesjreve (of begós) in 't Sjènnes. Laes hie wie v'r mit de versjillende saorte Limburgs ómgaon.


Töl (ouch Thöl, Nederlands: Thull) is ein buurtsjap van Sjènne in de gemeinte Baekdale, en wört vriewaal gans ingeklèmp door heuvele, wova de Krekelberg ein van de de belangriekste is. Wier grens Thöl aan Vaosje.

Wae vanoet Achter de kirk in Sjènne zich eine waeg baantj door de S-bochte haet ein oetzich euver de baenje en de daobie ligkende Mölderplas. Dit waor vreuger gewoon landj wo ein paar boerderieje en ein meule sjtonge, vandao ouch de naam Mölderplas. De Mölderplas is in de jaore zestig aangelag door de koele die dao sjlik sjtorde. Jaore lank loog dae sjwarte pratjs dao en ontsjtong d'r ein uniek gebeed met zeldjzame planter en dere. Ein paar jaor geleije is ein begin gemak mèt de herinrichting van de viever, en zeen d'r ongerangere wanjelpaedjes aangelag, de Gelaenbaek weer in ziene oorsjpronkelike luip trökgebrach en is ouch 't gebeed van 't oud koelsjpaor bie 't gebeed getrokke. Meh nog ummer vormp de Gelaenbaek hiej de aafsjeiding van 't dal wo Thöl in lik.

Wae aan Thöl dènk zal neet direk aan de Alfa Beerbroewerie dènke. Meh die broewerie lik hie al sinds 1870. In dat jaor begosj Joseph Meens mit 't broewe van beer. Óngertösje is al de veerde generatie Meens aan 't bewind, en preufde Tante Wies nog ömmer jekere mörge of 't beer nog waal van kwaliteit is. Om ganse geneet 't gebeed ouch groate bèkendheid weges ziene unieke flora en fauna. Neet allein biej de Mölderplas, meh ouch op de Thöllerhei. 't Heide gebeed tösje Töl en Vaosje in. In Thöl ligke ouch väöl ouw boerderieje, die meistens nog gans orgineel zeen, en soms honderde jaore oud zeen.

 
Gemeinte Baekdale
Dörper: Awstroa · Bèngelder · Doevergenhout · Doonder · Hölsberg · Jaobik · Merkelbek · Nut · Oeësjbik · Pöt · Sjènne · Sjilvend · Sjömmert · Vaosje · Wienesrao · Zjweikese
Buurtsjappe en gehuchte: Aolbaek · Arensgenhout · Billich · Brand · Brómmele · Doeve · Gekruts · De Grach · Griêzegröbbe · Groat Hazel · Groeët Doonder · G'n Heisterbrök · G'n Hèk · Hout · Ieëtselder · G'n Hèl · Hèllebrook · Hómmert · Hunnekem · Kamp · Kathage · Kleen Doonder · Klein Hazel · Kleingenhout · Kwabik · Laor · Lui · Nagelbek · Nirve · Oansel · Op de Bies · Op d'n Hiering · Oppeven · Raat · G'n Reuke · Tersjtraote · Tervoeësj · Töl · G'n Veel · Vink · Wisjegrach · Woufhage · Zjwier
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Töl&oldid=431281"