Lui (Nut)

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.

---

Linksbaove Lui (Leeuw) op 'n kaart oet 1900

Lui (Nederlands: Leeuw) is 'n buurtsjap va Nut in de gemeinte Baekdale in Zuud Limburg. 't Is allewieël gelaeëge tösje de autobaan A76 en d'r Sjpaoërwaeëg Zittert-Heële. Väöl van 't gróndgebeed van Lui is, sjus wie dat van de buurtsjap Kamp, opgegange in 't industrieterrein de Horzel va Nut. 't Kesjtieël Reijmersbek lik vlakbie. Op 'n kaart oet 1900 laoëg hie 'n sjteinfabriek.

D'r gelieëknamige pachhaof Lui sjtamp oet ca 1580. In 1586 woert 'r verpach aan Leonard Bosch. D'r eigenaer waor de Balije Aldenbiesen van de Duutsje Orde, in Rijkhoven bie Bilze. In de achtieënde ieëw waore de lede van de Familie Frijns haufwin. Vanaaf 1730 waor Franciscus Frijns d'r pachter.