Hagerhaof

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

---

Hagerhaof (Nederlands: Hagerhof) is 'n wiek in 't zuje van de stad Venlo. 't Haet óngeveer 3.000 inwoeëners en leet ingeklemp tösse de Maas, 't spaor en de A73. Aan de naordkant grens Hagerhaof aan Sinselveld, in 't oeëste aan de wiek Hagerbrook, in 't zuje aan Wielderhaof en in 't zuudweste aan de Tegelse wiek Sint-Josephparochie. Door Hagerhaof leep de N271 (Tegelsewaeg), dae de wiek opdeilde in Hagerhaof-Wes en Hagerhaof-Oeës. Dae provinciale waeg is inmiddels umgelag.

Hagerhaof-Oeës woort nao d'n Twieëde Waereldoorlog gebouwd. In de vieftiger jaore vestigde zich heej vuuel Molukkers en Amboneze. Vandaag de daag woeëne heej vuuel Törke en Marokkane. Hagerhaof-Wes woort aangelag in de tachetiger en negetiger jaore en is 'n buurt mit 'n autochtoon mierderheid.

Aan de zujelike rand van de wiek leet College Den Hulster (vo), taegeneuver 't terrein van de Venlose Greunteveiling. Vaerder is dao 'n kinderboerderie te vinde en 't VieCuri-gashoes.

Naamgaeving

De wiek is verneump nao de gelieknamige boerderie, die ouk waal Wylrehof of Wielderhof wuuert geneump. De naam Hagerhof woort, veur zoeëwied bekind, veur 't iers opgeteikend in 1867.